السفر بشكل مختلف | جاسم عباس

إذا رحت لبلد معين، سافر أو حاول تعيش كعيشة الناس المحليين، أكل بالمكان اللي ياكلونه، تنقل بالطريقة اللي تنقلون فيها، وعيش بالطريقة اللي يعيشون فيها. هني راحت يعني تحقق الهدف المرجو من رحلتك، الروحانية ولا العقلية ولا اكتشاف الذات، ولا يمكن إذا ما خذينا هذه الخطوة لو مرة واحدة في حياتنا، إحنا بنكون وايد بعيدين عن النوع الغير اعتيادي اللي ممكن يثرينه في حياتي.

ضيفي اليوم في بودكاست خط واحد من المهتمين بالسفر، بس مو اهتمام عادي. من كثر ما يحب السفر حتى تخصصها بالجامعة غيره، وحول الحب هذا حق بزنس وفتح شركة للسياحة والسفر والاستكشاف والمغامرات. ضيفي جاسم عباس. جاسم، تبارك الرحمن، زار أكثر من 90 دولة بالعالم، فأكيد عنده خبرة وعنده مواقف وعنده قصص. هذا اللي راح نسمعه اليوم في حلقة بودكاست خط.

ترى إحنا بلشنا، جاسم، إيه، هو الهدف ترى مو الواحد يسافر أو عدد الدول اللي يسافرها. الهدف في السفر، المعنى ما وراء هذا السفر أو السفرة نفسه. هل راح تحقق لي الأهداف المرجوة من سفرتي أو لا؟ أما أسافر متى دولة، 188 دولة في كوكب الأرض، وأنا ما سمعت شيء ما منها فائدة هذه السفرات. هو جاسم، تصدق انت دخلت الحين أو مفهوم جديد علي؟

يعني عادة أو الغالب إني أنا بسافر، بقضي إجازة، بريح من الروتين اللي موجود وبرجع عشان تذيب نروح نعرفها أو الديرة نرتاح نكون موجودين فيها، الجو حلو، مسافر بالصيف أو الديار اللي حوالينا، يعني دبي، السعودية، الحين قطار ونرجع. هي بس كسرت روتين، مفهوم؟ جاسم، بالسفر يديد علي، أول مرة أعرف إنه في أهداف حق السفر. أنا شلون أحط هدف أصلاً حق السفرة؟ شوف.

الحمد لله خلال الفترة الأخيرة، خلال العشر سنين أو 15 سنة الماضية، في ناس بدت هذه الفكرة في الوطن العربي، وإحنا بالكويت بشكل خاص بدأناها بألفين وخمسة عشر، وكنا من أوائل الشركات أو الأشخاص اللي يحاولوا يقدمون فكرة جديدة، وتنقلنا نقلة نوعية في مجال السفر والسياحة والترحال، أو مثل ما تقولون المسافرين اللي يحبون يكسرون الروتين الخاص في حياتهم.

الفكرة اليوم نشوفها انتشرت بشكل كبير، وخصوصاً بمساعدة وسائل التواصل الاجتماعي والعولمة الحديثة اللي قاعدة تطلع ويانا. شفنا كل الناس الحين قاموا يحاولون يجربون سفر أو تجارب جديدة في سفراتهم، أساس تثريهم نوعاً ما، وفي ناس ياخذونها يعني كأداة للتسويق لشخصهم أو حساباتهم الشخصية. في ناس والله بسافر الديرة الفلانية علشان أصور مع هذا المعلم وأرجع بس.

فإحنا هنا نوصل حق ثلاث مفاهيم معينة من المسافرين. في عندنا مسافرين اعتياديين، وفي مسافر سائح، وفي مسافر رحال، وكل وحدة مصطلحها ومعناتها يختلف عن الثاني. يعني هاي المنظمات السياحية العالمية والهيئات، وأنا عضو في واحد من هذه المنظمات السياحية العالمية، فكانوا دائماً يخوضون حوارات إنه شلون إحنا نفرق ما بين هذيلا الثلاثة، لا نبخس حق المستكشفين ولا المغامرين عن السائح اللي يروح منتجع خمس نجوم، وهذا مو غلط، وثلاثة أيام ويرجع. ففي فرق ما بين هذول الثلاثة.

المسافر العادي، هذا يعني التوضيح الأخير اللي وصلوا له، مسافر عادي اللي هو يبي يكسر الروتين أو نمط الحياة اليومية اللي عايشها، فتلاقيه يسافر بلد معين هدفه فقط كسر الروتين ويرجع. ممكن ما يخوض تجارب معينة، ما يحتك مع الناس المحليين، ما يجرب مثلاً الأكل المحلي.

السائح، لا، يحاول يستجم أكثر ويسترخي في رحلته، فتلاقيه يحاول يسوي تجارب معينة في المنتجع أو الفندق اللي حاجز فيه، يطلع على رحلة ترفيهية، يزور معنى سياحي. هذا الرحال، حسب التعريف الأخير لهذه المنظمات العالمية، تقول إنه في العادة الرحال هو اللي يحاول يسافر فيه أقل التكاليف الممكنة، يعني ما يصرف بكثرة، حتى لو عنده، يعني ما شاء الله، بس يحاول إنه يصرف بأقل ما يمكن من المال.

وأيضاً يحاول يثري نفسه بالتجارب مع الناس المحليين، وجرب أكلهم ويعيش الأجواء الغير اعتيادية، أو حتى يخوض مغامرات ممكن تكون فيها مجازفة وخطورة عليه، مثلاً يروح عند الحافة الجبل معين، ولا يتسلق، ولا يروح في أعماق المحيطات، أو أحد البراكين، ولا غابات الأمازون. فهذا ما تلاقي سائح عادي، هذا نقدر نطلق عليه اسم رحال. وأنا هم يعني شخصياً، تحية لجميع المسافرين في الوطن العربي، بالكويت، بالخليج، بالعالم، أنا ضد مصطلح كلمة رحال أو رحالة.

أشوف بخاص في حق الرحالة العالميين السابقين في هذا العالم والحضارات اللي سبقتنا. أنا وين وكريستوفر كولومبوس وين؟ أنا وين ومن بطوطة وين؟ أنا وين ولا الإدريسي وين؟ هذيلا أضافوا للمجتمعات والحضارات بمواد ثقافية علمية، حاولوا يقربون ما بين الحضارات اللي كانت متباعدة آنذاك، في ذاك الوقت. إحنا شنو قاعد نقدم؟ إحنا عندنا أموال، وقع نستخدمها في سفراتنا ونروح نستجمع ونرجع. كلمة رحالة أشوفها وايد كبيرة على شخص ممكن سافر لسفرتين، ولا حتى تسعين دولة. أنا سافرت أكثر من 90 دولة حول العالم، ولا زلت أرفض رفض تام إنه يتم إطلاق عليه اسم رحال. ما أحتاج هذا، هذا اللقب عشان أكون مميز في عالم السفر أبداً.

هو جاسم، ما في الحين إحنا قاعدين نتكلم بموضوع ما في صح وغلط، في كل واحد وشنو شو يحب بالسفرة، صح؟ الحين جاسم، انت شفت نفسك أو لقيت شغفك بالسفر أو بالترحال، أقدر أسميها إنه تسمى الاستكشاف؟

أحسن استكشاف. استكشاف يعني نستكشف شيء موجود، ولكن إحنا ما كنا رايحين له، فنسمي استكشاف. أنزين، هل الاستكشاف لازم يكون بهالطريقة هذه اللي قاعدين نشوفها بأغلب وسائل التواصل الاجتماعي، إنه والله باك باك، أسكن بموتيل، أختلط مع الشعب، يعني أعيش البساطة؟

إحنا الأنواع أو يفضل نركز على المعنى الحقيقي ما وراء سفراتنا أفضل من إن نركز عليه: والله أنا رحالة ولا مسافر ولا...

المسميات تروح ولا راح تزيد من قيمة الإنسان أبداً. نقول حق الناس تواضعوا شويه بكلمة رحالة، على قولتك مصطلحات يمكن ما أدري، أنا أفكر وياك، يمكن السفر البسيط يقربك من الناس البسطاء في أي دولة، وهذه الطبقة هي اللي تقدر التعامل معاها على طبيعتها، تاخذ الثقافة مثل ما هي موجودة بأي دولة. شفتها، أنا أقول لك تجربة يعني خلال الشهر الماضي.

[موسيقى] تجارب اللي تكون بسيطة وتسافر بأقل تكاليف والموارد الممكنة، وتحاول تكون في...

في مقولة حضرت على ذهني الحين. أحد الأيام هذا شاب يبي يسافر ويبي يحب يطلع على العالم، فقال له أبوه: وين رايح؟ قال: لا، أنا بروح البلد الفلاني وأبي أثري نفسي، بقعد ستة أشهر وبنتقل من مكان إلى... قال له: إذا رحت لبلد معين، سافر أو حاول تعيش كعيشة الناس المحليين، أكل بالمكان اللي ياكلونه، تنقل بالطريقة اللي تنقلون فيها، وعيش بالطريقة اللي يعيشون فيها. هني راحت يعني تحقق الهدف المرجو من رحلتك، الروحانية ولا العقلية ولا اكتشاف الذات ولا أياً كان. إذا ما خذينا هذه الخطوة لو مرة واحدة في حياتنا، إحنا بنكون وايد بعيدين عن النوع الغير اعتيادي اللي ممكن يثرينه في حياتنا.

خلال تجربتي في إحدى الدول في وسط آسيا، وبالتحديد فيستان، كان هدفي أنا ويا أحد الأصدقاء قيمة مالية، تحدينا أنفسنا اللي هي 150 دولار فقط خلال مدة ستة أيام. 150 دولار صرفناها ما بين المواصلات والأكل والسكن وحتى الأنشطة، وما قصرنا ولا شيء خلال هالرحلة، واستانسنا وناسنا ما بعدها وناسة، والذكريات والقيم اللي خذيتها من هذه الرحلة تعادل سنوات من السفر والترحال حول بلدنا.

ستة أيام، 150 دولار، إحنا الاثنين، يعني ما صرفنا أكثر من 150 دولار، ما يعادل تقريباً 45 دينار كويتي. طبعاً أكيد استخدمنا طرق غير اعتيادية بالتنقل، مثل اللي هو لتاشر لتاشر، حق الناس بالشارع وتقول له: وين رايح؟ انت تحاول تتفاهم، وهناك ما يتكلمون اللغة الإنجليزية ولا حتى العربية، يعني باللغة الإشارة، وحاول أوريهم اسم المكان واللي على طريقه أروح وياه، أو نتنقل. يلا، هذا ينزل لي هالمكان وآخذ بعده سيارة ثانية وثالثة، أو نركب التنقلات المحلية، واللي هي سعرها جداً زهيد، ما يعادل المياه إلى 150 فلس للشخص الواحد، تنقل لك عشرات ولا مئات الكيلومترات.

الجماعية المحلية، الأكل كنا ناكل مع المحليين، وطبخنا وياهم وهم يطبخون لنا، وكلينا لحم حصان. هذه الأشياء ما كنا راح نحصلها لو نمنا بفندق ولا قعدنا بمكان معين. شفنا الناس ببساطتها، الابتسامة موجودة على محياهم بكل مكان تروح له، قاعدين بمكان بسيط بخيمة القرغيزية مالتهم، هذه بنص الطبيعة، ومستانسين وفرحانين وعيالهم يلعبون.

في أبسط الأشياء، إحنا الحين نقدر نوصل حق شيء ثاني له علاقة بالسفر، واللي هو السعادة. إحنا ليش نسافر؟ عشان نكون سعيدين. السعادة شفتها أن تكون قرار، وليس اختيار نقدر ناخذه من هالمكان. أبي أروح هالمكان عشان أكون سعيد. أنا اليوم لو بجيب واحد ولا وحدة أو أي شخص كان، أوديه ديزني لاند، اللي هو مكان في قمة السعادة والفرح والأنس، وهو من داخله ما يبي يكون سعيد في هذا المكان، مستحيل هذا الإنسان راح يكون سعيد. فالسعادة قرار، وأنت اللي تحدد تكون سعيد أو لا في حياتك، يعني ننظر لها نظرة شمولية وليس في نطاق السفر فقط.

جميل، الحين أبي أرجع للبداية. يعني جاسم، شلون عرفت إنه هذا النوع من السفر تلقى في شغفك أو تلقى فيه سعادتك، يعني؟

أتوقع، ما أدري، بس إنه كلنا كنا نسافر ويا أهلنا، السفر الاعتيادي الطبيعي، نروح المدن، نقضي إجازة معينة ونرجع. بعدها تبلش تسافر بروحك أو مع الربيع وهم السفرات لازم تكون نفس ما كانت.

شلون أخذتك الرحلة وجربتها، النوع من السفر؟

شوف، طبعاً هو مشوار طويل، بس المفارقة هنيه، أنا لما كنت أسافر مع أهلي الله يحفظهم كلهم، ونروح دولة معينة، وكان توه باقي عصر الإنترنت والمواقع الإلكترونية، فكنت أدخل على طول أسوي سيرش وأبحث في البلد الفلاني، مثلاً نفترض لندن، واللي هو البلد الشائع النمطي للسواح في دولة الكويت. لندن قديش أكتب؟ أوت دور أو أنشطة خارجية بحيث إني أمارسها، أكتشف الطبيعة، أبيها، الأشياء، وإذا ها وإذا ما رحت فيها سفرة أزعل. ما أبي أروح السوق ولا أقعد على ضفة النهر وأشرب لي قهوة وأطالع رايح. النوع الاعتيادي للسفر أنا ما حبيته في ذاك الوقت، وحتى الحين لما أسافر هذه السفرات.

خلصنا الجامعة، على طول أول سفرة كانت لي بعد الجامعة، كانت لي مضيق هرمز، واللي هو عبارة عن أرخبيل من الكتل الجبلية بوسط البحر طالعة شيء عجيب، المنظر الخرافي. ما ذكر هرمز هناك، المضيف الهرم، المضيف هرمز هناك تسيطر عليه سلطنة عمان في محافظة مسندم. فقعدت ثلاث أيام ونص تقريباً في هالمكان بروحي. اذكر لنا جلطتي معاي، وأنا ما كنت مخطط حق شي، ها، وقلت آخذ معي خيمة يمكن أسوي شيء مجنون. يعني خلال هذه الرحلة ورحلت، رحت عند الميناء الخاص في بسندم. [موسيقى] أحد الصيادين المحليين، عماني، قلت له: هلا عمي، شلونك؟ وين رايح؟ وين راد؟ وين تجي؟ بحدق؟ أوكي، يلا حدق وياك. شيء ثاني، تقط خيطك، ما تمطر 30 ثانية إلا مطلع، أنت مطلع أنواع من السمك، ما شاء الله. خير، هناك تقط خيطك يطلع لك نوع ثاني. المهم كان أشوف من بعيد في شاطئ صغير بين الجبال، قلت له: قطني هناك. ونزلت هناك بالشاطئ بروحي لمدة يومين، قلت له: تعالي بعد يومين.

يعني أنت الحين السفرة كنت مخطط إنك تروح حق هالمكان؟

لا، مو مخططه أبداً. أنت كنت بتروح عمان بس كنت أبي أروح مضيق هرمز.

من دراستي في الجغرافيا والجيولوجيا وعلم البحار، فقلت أبي أروح هناك أغوص وأسبح وهم أتسلق هالجبال وأشوف. يعني أنا جمعت كل الأشياء في رحلة وحدة: الجيولوجيا وعلم البحار والاستكشاف والشغل. وركبت مع مع واحد ما تعرف، أول مرة، وقطك بمكان، قلت له: تعالي بعد يومين. لا هو يعرفه ولا أنا كنت أعرفه، بعد هالمكان. وتعالي بعد يومين. والله يالي حتى، يعني اليوم الثاني، للأمانة، اليوم الثاني على المغربية قال لي: اطمن علي، وجايب لي شاي كرك، وكان عندهم تمر. أول مرة كنت أشوفه وآكله، تمر أحمر، الكبر ما شاء الله، شايف التمر الهندي شلون حجمه؟ بس تمر أحمر وسكري. أعطاني تمر، وأعطاني مطارة شاي، قال لي: هذا السادس فيه، اليوم الباقي عندك. كانت مغامرة واحدة من أول مغامرات، ومن هنا عاد انطلت، بديت أروح رحلات غير اعتيادية خلال هذه السنوات إلى الحين، سنة 2015، وقلت: ليش ما أخلي العالم تشوف الدنيا مثل ما أنا شفتها بعيوني، وأسوي رحلات منظمة لبعض الوجهات اللي أنا رحت لها. أغنية وقت تأسيس شركة كامبوس العالمية للرحلات المغامرة.

الحين يعني أنا بس برجع على أيام الجامعة. تبارك الرحمن، جاسم، بكالوريوس علوم الأرض والبيئة وعلوم البحار؟

لا، هذه من جامعة الكويت.

يعني أنا أول مرة أقابل شخص هذا تخصصه. هذا التخصص هو كان اهتماماتك قبل التخصص؟

لا لا لا، أنا كان تخصصي شيء، أوكي، وتخصصي اللي تخرجت منه شيء ثاني. يعني بعد سنتين دراسة في أحد التخصصات ما لقيت نفسي فيه، وكانت مادة الجيولوجيا كانت مادة اختيارية مكملة للمواد اللي آخذها عشان نتخرج. فقلت، مع إن هناك كنت آخذ درجات كاملة. شنو كان؟ تخصص الكيمياء وعلم الأحياء. شفت الجيولوجيا، شهيم عجيب، كنت أحس بحياة خلال دراستي لهذا التخصص. يعني أحس في شيء قدامي، ما أدري شلون أوصف لك هذا شعور، ولكن لقيت نفسه، لقيت نفسي فيه. وعلى طول خلصت هذا الفصل الدراسي وحولت كل دراستي على إنها تكون مختصة في علم الأرض والبيئة وعلم البحار.

فتبارك الرحمن، أنت يعني بلشت الجامعة قاعد تدرس شيء، وبعدها التخصص، خلاص لقيت نفسك. بعد ما تخرجت صار هذا هوايتك وشهادتك وصار بزنس بعدين؟

طبعاً، هو من الذكاء إن الواحد يحول شغفه أو دراسته لمصدر يدخل آخر أو إضافي لمصدر الدخل الأساسي اللي عنده إياه. نوجه رسالة لكل الشباب والشابات إنهم يحاولون يشوفون مهاراتهم وين يطور منها، ومن خلالها يحاول يستثمر هذه المهارات لكسب معيشة منها. بعدها توظفت.

زين، هنا أنت تخرجت من الجامعة، توظفت وقعد تسافر. شلون كنت تسافر هني؟ منو اللي كان يرتب لك حجوزاته؟

يختار، أنا أسوي بحثي الخاص في عالم الإنترنت، وبعدها أروح للبلد الفلاني، ومهما هناك أحياناً، في أغلب الأحيان، كانت الرحلة ما تكون 100% نفس ما حطتها، تتغير أشياء، وأسوي أشياء ما كانت بالخطة بهدف إنه وهناك فرص. يعني خلال السفر أو حتى في الحياة فرصة معينة ياتي، ليش ما أستغلها أو أسويها أو أروح لها؟ ما كنا مخططين لها. في أحياناً كثيرة في حياتنا نكون مخططين مثلاً نتخرج، نتوظف في المكان الفلاني، ولكن خلال مسيري لهذا الهدف ممكن تطلع لي فرصة يمين وفرصة يسار، ويمين ويسار، عدل الشاطر اللي يمسك هذه الفرص اليمين واليسار. ممكن ما يوصله للهدف الأساسي اللي كان كان فيه. هذه الفرص هي اللي ممكن تشعل شرارة النجاح والانبهار في حياته أكثر من الهدف اللي كان مخطط له. فالفرص وايد مهم إنه نمسكها في لحظة حصولها لنا.

بس أنت جاسم موظف بالنفط. دوامهم متعب، يعني أغلب اليوم تكون بالدوام. متى تلقى وقت إنك تخطط حق السفر؟

شوف، لمن أكون محدد شنو اللي أبي أسويه، راح يكون علي البحث والتطبيق سهل خلال الرحلات. بس ما كان في خبرة، جاسم، يعني تتوك مبلش. شلون أمشي على رمضان؟ أنا اليوم حابب إني أكون في شواطئ معينة، حاب إني أغوص في بلد معين. وعلى أساس كنت أرتب مغامراتي ورحلاتي على حسب رغبتي وهدفي من هذه السفرة، فما كنت أروح وأنطر شنو يصير لي، لا، أروح وأسوي اللي أنا أبيه، رايح عشانها. فما يضيع علي وقت. يعني في وايد ناس يسافرون، قاعد بالفندق الصبح، يروح حتى يمكن يطوف ويقوم الظهر. زين، وما أدري وين نروح، شباب وين نروح؟ يكلم الأهل: وين نروح؟ وين نرد؟ صارت المغرب ولا هم ما طلعوا وراحوا، بس تعشوا بالليل وردوا. في كثير تحصل معاهم هالحالة من المسافرين، بس لما تكون مخططها، كل يوم أنا أروح مكان معين وبالساعات، جدولي راح يكون زاخر، سفرتي ما راح تضيع علي فلوسي. أهم شيء علي أنا فاضي، بلاش فرايح، أنا مستفيد واستثمرت هذه الأموال فيني بحيث استانست واستفيد.

أبي، إذا تذكر، أبي قصة سفرة من البداية، شلون خطط لها، شنو السيرش اللي سويته قبل لا تسافر، وخط السفرة كله، يعني أبيع عيش سفرة وياك. أوكي.

أقول لك، سفرة يعني صارت فيها أحداث غريبة. خطتها تسافر لسلمان سنوات 2012، بالتحديد لليونان. اليونان فيها جزر حلوة، فكنت في أحد الجزر في ذاك اليوم، وكنت مخطط على أساس أسافر لجزيرة أخرى، ومنها الجزيرة أقعد فيها يوم واحد، وبعدها أروح للجزيرة أخرى، وبعدها أطير إلى إيطاليا، وهناك يكون عندي جولات. السفرة هذي كل الشمال التزمت فيه ولا شيء، لا الحجوزات ولا الطيران اللي حاجزه ولا البواخر، اختربت من الأول للآخر. يعني هو قصة طريفة، وبنفس الوقت يعني الواحد لا يتحسف على شيء، لأنه صارت هم الأشياء حلوة.

خلال هذه الرحلة، الجزر قلت: يلا خلينا نروح الجزيرة الفلانية. خدت العبارة ورحنا وصلتها للجزيرة. نمت وقعدت وسويت جولاتي موعد العصر، لنفترض، وفي ميناءين موجودين في هذه الجزيرة، وقوم جاسم نروح الميناء الخطأ، واللي يبعد تقريباً ساعة ونص درب بالسيارة عن الميناء الأول، واللي هو راح تنطلق منه العبارة. أنا وصلت الحين عند الميناء، أشوف كل المينا صيادين إلا الميناء غلط. زين، المينا المسافرين مكان آخر، ومين الصيادين والناس العادية مكان. أنا هني إذا شو أسوي؟ باقي نص ساعة بالضبط والعبارة تمشي، تمشي. شوف شوف شلون ألقي حل.

يلا تعال، منو صاحب هالطراد؟ من صاحب هالقارب؟ من صاحب؟ الغالب رفض، كان أعرض مبلغ مالي أعلى شوية. كان يسمعني واحد من بعيد، شايب جاي يقول لي: تعال تعال، يلا تعال اركب. طبعاً لا يعرف إنجليزي ولا نعرف يوناني. المهم ركبنا وقلت له هذا المبلغ، وقال لي: أوديك، يلا. ويدوس فيني خلال عشرين دقيقة وصلت. باقي على العبارة عشر دقائق وتنطلق. للحين لاحق، للحين الأمور تمام، الناس قاعد تدخل العبارة، بس جوعان. في مطعم قدام العبارة، قوم روح اطلب صمونة التونة. والله صمونة التونة من هذا المطعم، وانطر دورك على ما تاخذ الصمونة، إلا أنا سمعت صفارة الباخرة: طوط طوط، وقعد تسكر البوابة. قلت: أوف، راحت علي. وأهد المحل، والمحل يركض ورايا، عباله أنا طلبت: تعال طلبك شوية يصير جاهز. فقعد يلحقني: تعال ادفع، قم يمه العبارة. ولا رحت الجزيرة الثانية، وطياراتي وكل كل الخطة.

يعني كانت رحلة مرهقة، بس لمن قعدت في الجزيرة يوم إضافي اكتشفت فيها عجائب بين هذه الشواطئ والمقاسات الحلوة.

هنا زرت هذه الجزيرة، اسمها جزيرة السانتوريني. جزيرة السانتوريني عبارة عن جزر بركانية. [موسيقى] نظرت على سطح الأرض بسبب الثوران المستمر، ففي جزيرة للحين خصمة بركانية أو شابه بركانية فنشطة. هذه رحت لها، كانت فرصة جميلة، أشوف العلم اللي أنا درسته في هذا المكان. فهاي وحدة نافعة، ضاحت على العبارة، بس قدرت أزور شيء ما كنت حاطه في بالي. سويت مسير في الطبيعة، تعرفت على ناس.

فأنت الحين مثلاً قعدت يوم هذاك، خليك لا لا.

على ناس.

الحين تعال ندور فندق، وأنا كنت في موسم سفر والجزيرة مزدحمة وما فيها سكن. الفنادق كلها فل في أحد التطبيقات الخاصة بالحجوزات، شو أسوي؟ المهم قعدت جلطتي وراي، وجلطه ظهري صغيرة، بس هذا كله وياي وقاعد تاكل على المغربية. ولا في ثلاثة عرب من الجنسية اللبنانية، اللبنانية تحية للجمهورية اللبنانية.

أنت عربي؟

[موسيقى] أهل إخوان.

وين أنت قاعد؟

قلت لهم: طارت، راحت عني العبارة، مشت، وتوه ما في سكن. إحنا ساكنين بسكن في مكان. قلت لهم: وين بوستل؟ يلا يلا، خلينا نشوف مكان أنام فيه. والله رحت هناك، ولا في أسرة. كانت طيبة يعني. الناس المسافرين عادة يرحبون في الأحاديث الجانبية مع السواح الآخرين. تلاقي الناس كلها تبي تضحك، تبي تستانس. إحنا ليش مسافرين؟ عشان نغير مودنا ونكون سهلينها من مع أنفسنا، نكون مع الناس.

خلال سفرته، فهذه كانت هذه بدايتك، يعني هذه بداية السفر؟ يعني عقب مضيق هرمز، بس كانت كلها نفس الأسباب والطريقة نفس الطريقة، وسفرة عن سفرة. جاسم، يعني اللي لاحظته، تبارك الرحمن، كنت تطور نفسك وقعدت تاخذ دورات وشهادات بهالتخصص، تخصص السفر؟

السياحة، شوف، عشان الواحد يكون من مطمن بطريقة الخدمات اللي قاعد يقدمها للناس العامة، يفضل إنه يكون عنده دورات ومؤهل عالمياً، لأنه محلياً ما عندنا إحنا منظمات خاصة بالسياحة. عالمياً تكون مؤهل لقيادة مجموعات، يعني مو كل واحد، أو ممكن كل ما نهب ودب، يقول أنا بصير مرشد للرحلة الفلانية، واللقاء الرحلة الفلانية، أو بسمي نفسي. اللي يكون أخذ دورات، خلك واثق من نفسك وتكون أنت على قدر عالي من الكفاءة بالخدمات اللي راح تقدمها للناس. فخلال الفترات اللي طافت يمكن أكون الكويتي الوحيد اللي خذها، الشهادات المعتمدة عالمياً والدورات الخاصة في السياحة البيئية أو العامة أو حتى سياحة المغامرات. هذه الأمور راح تضيف الناس اللي يشتغلون في القطاع السياحي. فنصيحة للجميع: كن مؤهل بشكل رسمي عالمياً في هذا المجال، وأي مساعدة إحنا هم حاضرين لتوجيه أي أحد محتاج هذا.

بس أنت خذيت الدورات عقب تأسيس شركة، يعني أساسه الشركة؟

وما كان عندنا هيئة أو منظمة أو مكان يحتضن هذا النوع من الأعمال داخل دولة الكويت، فكان الاتجاه للبحث عن منظمات خارجية ممكن توفر لنا البيئة اللي نقدر نتطور من خلالها.

فهي شركة كومباس. شنو نشاطها؟

إرشاد سياحي داخل وخارج الكويت. هذه هذه نشاط رخصة موجود بالكويت.

لكن نحن الآن نزال، يعني نطمح لتنظيم هذا العمل أكثر، لأنه هو عائم. يعني أتاح لأي أحد ممكن ياخذ هذه الرخصة. [موسيقى] التسعيرات للأشياء المحلية أو السياح المحلية عائمة. في ناس يحطون أسعار عالية، ولا أقل أو متوسطة. في فروقات كثيرة. الناس اللي تشتغل مرشدين سياحيين نحتاج أنظمة تنسق هذه الأعمال. لذلك يعني حالها حال التجارة. لما أنا أطلع رخصة تجارية، في عندي هيئة اللي هي متمثلة في غرفة تجارة وصناعة في دولة الكويت، تقوم باحتضان هذه الأعمال وإثرائها أكثر. هنا نمت عندنا القطاع الصناعي والاقتصادي والتجاري داخل دولة الكويت. أنا لما يكون عندي منظمة أو هيئة تحتضن هذه الأعمال السياحية وتنظم أعمال المرشدين السياحيين داخل دولة الكويت، راح ننتقل نقلة نوعية ونتماشى مع الخطة المستقبلية اللي حطتها دولة الكويت.

بصراحة جاسم، على الطاري، يعني هل في سياحة بالكويت أصلاً؟ في سياحة بالكويت؟ لو أراد المسؤولين الاهتمام في السياحة، دولة في دولة الكويت، بغض النظر عن الناس اللي تغرد، ما أبي أقول داخل السرب، ولكن أسميهم خارج السرب. في السياحة تعتبر عنصر أساسي من عناصر جذب الفساد في المجتمعات. لو كانت تجذب الفساد، عشان ما شفنا هذول الأشخاص اللي يتكلمون بصوت عالي يسافرون برا ويروحون للسياحة اللي تجربة السياحة خارج دولة الكويت. إذا كانت السياحة مفسدة أخلاقية للمجتمعات، إذا كان من باب الأولى إنه يكونون داخل دولة الكويت وما حد فيهم يسافر. وهذا يعني هذه الرسالة للناس اللي تتكلم باسم الدين وتحاول تسيس هذا الموضوع دينياً. إذا بيي حق، جاسم عباس صاحب شركة كومباس، أقول له: جاسم، أبي جدول سياحي بالكويت الحين بالوضع الحالي. هل يقدر تسوي في في؟ وفي عندنا سواح من مختلف الجنسيات عالمياً يزورون دولة الكويت خلال الفترة اللي طافت؟ يعني أذكر أغرب فترة سابقة، والكل يعرفها، اللي هو المونديال.

[موسيقى] اللي صار، فكانت الكويت جزء من هذه المحطات اللي فيها توقف مؤقت للمشجعين. طبعاً بالمناسبة، يعني أصدمك، كثير من هؤلاء المشجعين أو حتى السواح الاعتياديين خلال الأيام الاعتيادية اللي يتواصلون ويانا: نبيل الكويت، نبي نستكشف الكويت، ولكن يحصلون صعوبة في استخراج الفيزا السياحية لهم. فهذول الناس كنا المفروض لهم [موسيقى] الأشياء المناسبة لإقامتهم في دولة الكويت بشكل مريح، من مواصلات، من سكن، أو حتى برامج سياحية. في ذاك الوقت ناخذهم للمزارات التقليدية والتاريخية، وأيضاً البحرية والجزر الكويتية، أو حتى في البر. فكنا نسوي لهم أنشطة معينة بحيث إن نبرز الهوية الكويتية والعربية لهؤلاء شحوم اللياليين يحاولون يستكشفون شعبنا العربي. يعني رحلتهم جاي لك من جنوب أمريكا، ولا من أستراليا، ولا من أقصى الشرق. ترى مو جاي بس عشان يشجع كان أو يزور الثقافة. ولاحظنا تأثير الثقافة العربية في دولة قطر، شلون حاولت توظف الهاوية العربية حتى ترسخ فيه مفاهيم المسافرين اللي زايرين دولة قطر، وهذا يعتبر نجاح. وإحنا هني ناخذ همه مثال أعلى. الكحول والعياذ بالله، ونجحت نجاح تام بشهادة جميع منظمات العالمية الرياضية والاقتصادية وحتى السياحية. فأنا إذا بطبق هالشي بالكويت، أنا عندي أرض خصبة جداً في دولة الكويت، باني أكون رائدة في المجال السياحي لشرف برايم يسوونه. وين البرامج؟

السياحية والمهرجانات اللي ممكن تسويها للعوائل والناس الزوار والسائحين في دولة الكويت، وإن الهوية الكويتية اللي لازم تبرزها خلال هذه المهرجان. أنا ما يصير أسوي مهرجان أقول هذا هلا فبراير، والحين أغلب المحلات يقول لك خصوماتها في البراير، لا، هو مسجل في الهلف فبراير ولا حتى هلفبراير دروا عنه كمنظمة، وأساسًا مو موجودة خلال الفترة الأخيرة. كانت مجهودات شخصية من قبل الشركات المحلية في إنها تسوي مهرجانات قناعية. لا أحد يقص علينا مهرجان الفبراير.

لازم منظومة متكاملة تكون شغالة على التسويق السياحي في دولة الكويت. أنا اليوم إذا بتكلم عن التسويق السياحي في دولة الكويت ومقتصر على مكان واحد فقط، منو مسؤول عنه؟ يبلى مواطن واحد يدري؟ إلا قلة. منو مسؤول عن التسويق السياحي في دولة الكويت؟ يتلخص في القسم، القطاع السياحي في وزارة الإعلام. أنت بروحك يمكن ما عرفت عنه، أكثر المواطنين ما حد يدري عنه. وين القسم أو قطاع السياحة من مسؤوليات اتجاه التسويق للتسويق السياحي في دولة الكويت؟ ترى الموضوع متشعب، ندخل فيه الأعمال الفندقية، المواصلات، المناطق اللي ممكن تكون جذب سياحي فيها، أنشطة معينة كمدن ملاهي أو غيره.

في عندنا قصور في جميع القطاعات أو الجهات. أنا عشان كذي محتاج ما يكون عندي قسم مختص في القطاع السياحي، بل محتاجين هيئة أو منظمة تكون قائمة بأعمال وتنسيق الأعمال السياحية في دولة الكويت. هنا نقدر نقول نعم، سنواكب التطور في المجال السياحي، اللي كان موضوع 2002، تم وضع خطة واستراتيجية كاملة عشان تكون لمدة عشرين سنة. 2002 تم تأسيس هذا القطاع وكان تحت مظلة وزارة الإعلام، وبعدها تم نقل القطاع، وهذا كان هدم لكل الطاقات والجهود، إلى غرفة التجارة أو وزارة التجارة. أنا ذاكر بين الوزيرين، كل التحية لهم أكيد والتقدير، أنس الرشيد، الوزير يوسف الزلزلة، فكان بينهم اتفاق، فتم نقل القطاع منه الوزارة إلى الوزارة الثانية، فصار فيه خلخلة، جهود ضاعت، الخطة الاستراتيجية اللي كانت موضوعة لمدة عشرين سنة.

تكون الكويت، لو طبقوها في ذاك الوقت من 2002 لليوم، كنا نستقطب أكثر من خمسة مليون سائح سنويًا داخل دولة الكويت. وإذا خسرتنا سواحة، إحنا هنا نتكلم عن عملة صعبة بعد النفط، ممكن لدولة تستفيد منها، أو كل الدول العالم حاليًا نتكلم عن العملة الصعبة اللي هي في قطاع السياحة. القطاع السياحة، قطاع السياحة يعني شلون راح يفيد القطاع الاقتصادي في شتى مجالاته في دولة الكويت؟ نظام الاقتصادي الخاص في الغذاء هنا ممكن نتكلم عن السياحة الغذائية أو سياحة المطاعم اللي عندنا. صح، عندنا كمية زاخرة من أنواع الأطباق العالمية والمطام العالمية، ولكن نحتاج فيها تنظيم.

المجال السياحي البحري، البري، الجوي، هذه كلها ممكن تكون متكاملة. السكن والفنادق، إحنا في دولة الكويت نعتبر الأخيرة خليجيًا كترتيب من بين دول الخليج في عدد الفنادق الموجودة عندنا. وطبعًا هذا إحنا ما نقول إن هذا عيب، ولكن يعتمد على حجم البلد وحجم احتياج السوق لهذه الفنادق. عندنا عدد لا يتجاوز الستين فندق، ما بين متنوع، ما بين الخمسة والأربعة والثلاث نجوم، أو الشقق اللي يسمونها شقق فندقية.

في عندنا إمكانيات، ولكن نحتاج إلى جهود لتوظف هذه الإمكانيات لإثراء اهتمام وترتيبه، صراحة، يقول يلا اشتغلوا في هذا المكان ويعطيه الناس هذه الضوء الأخضر للعمل في تطوير السياحة في دولة الكويت، غيرها راح نكون يعني مكانك راوح، ولا راح يكون في تطوير للعمل السياحي داخل دولة الكويت. في جهود، يعني ما نبخص حقها، أكيد من بعض الشركات الخاصة أو الشركات الخاصة الحكومية في تطوير بعض المرافق، ولكن تظل هذه الشركة. إحنا نحتاج منظمة أو هيئة عليا تنسق العمل كامل.

فتكلمنا إحنا عن المرشدين وعن الناس اللي يشتغلون في العمل السياحي، مو بس شركة وتقدم خدمات. لا، فيه في تفاصيل كبيرة وكثيرة في هذا المجال. المرشدين بالكويت في سموا نفسهم مرشدين، ولكن ولا أحد فيهم مختص أو عنده شهادة ممكن تكون، وقد يكون هناك البعض منهم يحمل شهادات أو دورات معينة في مجال السياحة والإرشاد، ولكن لازال نعاني من نقص كبير في هذا المجال. يعني عشان كده أنا قلت في بداية الحديث إنه يفضل إن الناس اللي تشتغل في هذا المجال تاخذ هذه الدورات، بحيث إنه تأهل نفسها ويكون عنده الثقل أكبر في العمل في هذا المجال السياحي.

يعني نقول إحنا شركة كومبا هل هل نشاط أو بهالتخصص؟ الشركات اللي موجودة بهالتخصص بالكويت تنعد على الأصابع؟

إيه صح، في غيرها؟ أي، طبعًا طبعًا. اليوم يعني إحنا الحمد لله خلال هذه العشر سنة من يوم التأسيس لليوم كنا الوحيدين، وألهمنا الكثير إنه ياخذ هذه التجربة والمغامرة في إنه يفتح لنا شركة سياحية. طبعًا كل الشركات السياحية معظمها كانت مختصة تكون خارج دولة الكويت، يعني خدماتها، وفي الناس اللي اشتغلوا داخل دولة الكويت. إحنا كشركة يعني بلشنا، كان اهتمامي الأكبر إنه أبلش داخل الكويت وأيضًا خارج الكويت، يعني الشيء اللي أنا قاعد أسويه في الخارج أسويه في الداخل، حتى يعني أنقل الصورة الكويتية والهوية الكويتية العربية للمواطنين والمقيمين وحتى السواح الأجانب من خارج دولة الكويت اللي يزورونا.

عطني مثال جاسم على مثلًا برنامج سياحي بالكويت وطبخ.

في عندنا البرامج السياحية اللي هي من أربعة إلى، على حسب اختيار العملاء أو السواح، اللي هو من الخارجي. أغلبهم حتى الأجانب يعني ما يطولون في الكويت أكثر من أربع أيام ولا خمس أيام. فبرنامج يعني قصير نزور فيه الأماكن التاريخية في دولة الكويت، في منطقة الشرق وحواليها، المناطق البحرية، شواطئ القديمة اللي نقع إحنا نسميها يعني كتاريخ، يعني قصص. السائح الأجنبي يحب يسمع القصة والتراث والتاريخ، فإحنا نحاول نعكس هذا الشيء، بالإضافة إلى جنوب الكويت، عندنا الخيران والرحلات البحرية إلى الجزر الجنوبية، والتي تعتبر واحدة من أجمل الجزر في دولة الكويت، جارة وأم المرادم. شمال، إذا إحنا صوب المكشات وجالس دور مناطق بالقرب من العبدلي ولا الوفرة، هذول الأشياء لو كانت منظمة أكثر، والله إحنا نكون يعني عندنا قيمة وعندنا موارد طبيعية نقدر نستخدمها بشكل كبير في العمل السياحي، بس لازال أكرر وأقول نحتاج إلى عملية منظمة.

أنا اليوم لمن أبي أروح آخذ لي موقع في في البر ولا بالصحراء على أساس أستخدمك مكان أقيم فيه الفعاليات البرية للسواحة، أروح حق البلدية يقطني على البيئة، وأروح أقلبية يقطني على البلدية، وهذا يقول أنا اختصاصي وهذا اختصاصي. أنا لا أبي أشتغل مثل باقي الناس يشتغلون بدون تصريح ويأجرون ويسوون وفعاليات وهذا، وبنفس الوقت أبي أشتغل، مو عارفة تروح. أبي أشتغل بطريقة نظامية، ولكن ما حد مختاص، لأنه ما عندنا هيئة تنظم العمل للسياحة داخل الكويت. حق من؟ التجارة تقول أنا ما مختص في البر، والبلدية يقول هذه المنطقة تبع البيئة، والبيئة يقول لازم تاخذ الموافقة هناك، أو البيئة يقول لك لا، هذا يضر في العمل البيئي. زين، من المخيمين هنا موجودين ليش ما يتحاسبون؟ ما حد يشتكي عليهم، شلون ما تشتي؟ لا، في في عندنا، خلنا ساكتين.

وصلت العمر الفلاني، باچر عيالي بيوصلون العمر الفلاني، متى بيستمتعون؟ زين، أنا مستمتع في ديرتي. لمن أكون على العكازة بستمتع فيها الديرة. ما لازم؟ وين أموال صندوق الأجيال القادمة؟ ما نستخدمها في الاستثمار السياحي الداخلي؟ بسواح من بره الكويت ما تبيهم؟ سكر حدودك عليهم. لا تطلع لهم سياحة حق أهلك وناسك وربعك. عوائلكم ما تبونهم يفرحون في ديرتهم؟ مسؤولين شلون قاعد يفكرون بطريقة غريبة، أنا ماني عارف. ليش ما أفكر فيه إنه أسوي سياحة داخل الكويت، مو حق الناس، حق أهلك قبل.

الحين جاسمة، برجع حق شركة كومباس. شنو شنو الخدمات والأنشطة اللي تقدمها حق عملائها؟

باختصار، إحنا بخدمات متكاملة من تذاكر سفر، حجوزات الفنادق، واللي نتميز فيه اللي هو البرامج السياحية اليومية في الدول اللي لنا اختصاص فيها. إحنا حاليًا نغطي أكثر من 109 وجهات حول العالم، وعندنا برامج سواء كانت أيام معينة أو تبيها أنت بأيام معينة أو طريقة معينة، نقدر نرتب لك هذه البرامج على حسب اختصاصنا اللي إحنا عارضينه في موقعنا الإلكتروني. البرامج متنوعة ما بين السياحية، العلاجية، التطوعية، أو حتى رحلات المغامرات، أو في بعض الرحلات تكون دامجين فيها كل هذه الأنواع من أنواع السياحة في سفرة واحدة.

يعني لنفترض إنه انت اليوم بتروح، قلت لي: بروح ديرة بحرية بسوي فيها أشياء جديدة بحياتي، بروحي ولا معي أحد؟ أقول لك: يلا خل نروح بحرية.

يا بعيدة ولا غريبة الدولة، لأنها زينة، دراية أغلبيتها مسلمة. تعال أوديك البحر، تمارس القدس البحري، تزور الأماكن التاريخية والتراثية، وتاكل الأكل المحلي، وأيضاً تسوي أعمال تطوعية، وتزور المدارس ودور الأيتام مثلاً، تسوي لك مغامرات المسير في الطبيعة وبين أشجار المانغروف، وتزور أحد المحميات الخاصة في السفاري في تنزانيا. رحلة متكاملة، شوف، في عدة جميع أنواع استجميت، وسويت عمل تطوعي، وسويت مغامرة، ورحت شفت الحيوانات ورديت، وأنا هذه السفرة بعد ما تكلف شي، أسبوع كامل كسرت روتين لسنة كاملة، وسويت أشياء يعني ما كنت تسويها في رحلات.

يعني هذه تقدر تسويها حق أي أحد يطلب، أي أحد يبي يجرب؟

كل على حسب طلبه. في ناس تقول: والله أبي بس تحجز المكان، لأني أنا أروح له. أبي والله المواصلات ويا المرشد والوجبات، وأبي رحلة متكاملة، ما أدفع ولا شيء هناك. نسوي لك إياها، كل شيء على حسب طلب العميل لمن يتواصل ويانا.

أنواع السياحة عالمياً، مثل ما ذكرنا أنواعها: سياحة علاجية، سياحة دينية، سياحة رياضية، سياحة تطوعية، دراسية أو مغامرات. في أنواع كثيرة، فإحنا نختص فيها كلهم، وعلى حسب طلب العميل.

ممتاز، يعني أقدر أقول شركة كومباس مستشار؟ إذا أنا أبي أسافر، يقدر تقدم الاستشارات الخاصة؟

تعطونا الاستشارات اللي يبي مجاناً، الخدمات أكيد بيكون لها مقابل.

يعني أنا الصيف ما أدري وين بروح، أقدر أقعد وياكم ترتبون لي سفرة؟

نفتح لك مجلدنا، مجلة كاملة فيها الدول وتختار. والله أبي بروح مثلاً البيرو، تطق على البيرو، تفتح لك برامج سياحية بأيام معينة، كل برنامج مختلف عن الثاني. حتى بدبي تبي دبي، دبي في ثلاثة أيام وفي أسبوع، وكل يوم في عندك أنشطة ومغامرات ورحلات، وكل واحد حسب سعره. تبي رحلة استجمام، فيه رحلة مغامرات بدبي. أوديك، يلا طق عليه، أخذ هذي.

خلاص، يعني، يعني تميزتوا بالرحلات أو بالسفرات المغامرات؟ المغامرة شنو معناتها؟

الخروج على المألوف، بالضبط، واللي هو طبيعة النفس البشرية دائماً يحاول يكتشف المجهول. المجهول هو المغامرة. أنا قاعد أغامر، بس بدون وجود خطورة. المغامرة عادة تكون مع كلمة خطر، في خطورة، بس يعني أنا بوديك تركب جمل ولا حصان، ولا على حسب مغامرتك، ولا مسير في الطبيعة. هذه كلها أشياء يعني ما بنسميها اعتيادية، ولكن غير معتاد عليها المسافر العربي بشكل عام. بس أنا أوفر لك إياها، تعال تجرب هالأشياء. تبي تسوي لك على الأنشطة، الأنشطة مغامرات، جبل معين في إحدى الدول، عادي نسوي هالأشياء هنا.

نوصل حق نقطة معينة، حق منو تصلح هذه الرحلات؟

أنا أقول لك هذه الرحلات تصلح للجميع، من الصغار ليلة الكبار. هذا اللي أنا شفته واللي استشفيته من خلال الزبائن الليون عندنا، وياخذون هذه الرحلات وهذا المجال أو هذا النوع من أنواع الرحلات، المغامرات، سواء كانوا رجال أو نساء، كبار أو صغار، أطفال بهاتهم، أمهاتهم. شفنا جميع فئات المجتمع. أنا قاعد أتكلم عن العرب قبل لا أقول أسقط أمثلتي على الأجانب. العرب قاعدين يسوون هالأشياء، ولكن في بداياتهم قليلة يعني. أما الأجانب، نشوف والله رايح يتسلق جبل، معاه ولده الصغير شايله على ظهره ولا قدام بطنه، ولا قاعد يمشي وياه عياله ست سنين ولا خمس سنين، عادي. هذي الثقافة. أنا شنو اللي أبي أوفره حق عائلتي؟ هل تصلح هذه الأنواع من الرحلات حق العوائل؟ تصلح من خلال توفير بيئة معينة للأطفال خاصة، راح أتيح لهم الفرصة لأنهم يستكشفون ذاتهم، من دون توفير بيئة مناسبة للأطفال بشكل خاص، اللي هم الأعمار من أربع سنين إلى 12 سنة، هذه البيئة إذا توفرت لهم بشكل مناسب راح يكتشف ذاته، لأنه طبيعة الإنسان يحب الاستكشاف والتجربة. من خلال التجربة يبني عليها قناعاتها وثقافته وقيمه في الحياة، ويتعلم أساساً.

تصدق جاسم، انت سهلتها لي. يعني أنا قبل لو تقول لي: والله يلا سافر ويا أهلك، روح شوف لك بركان، بس تروح بالطبيعة.

شوف، أنا متعود، ما أدري يعني، أنا متعود إن أنا أسوي سفرتي كاملة، فأنا اللي أدخل وأسوي السيرش وأحجز الفنادق والطيران وكذا. فتيني تقولي: والله روح جرب مثلاً الشي الغير مألوف، ما راح أخاطر أو أجازف، لأنه وياي مسؤولية. بس لما أقعد مع شخص مختص، صح؟

قاعد يقول لي: أنا لا، أنا راح أوفر لك البيئة المناسبة اللي تخليك انت ومرتك وعيالك، طبعاً الجميع ممكن يستانس ويستمتع في أجواء غير اعتيادية. الأرض للجميع، وإحنا كنا نستمتع فيها في السابق قبل حصول العولمة والعيش في بيئة مدنية. [موسيقى] قبل كنا متصلين بالطبيعة، يا في البراري أو في البحار أو على الشواطئ. عشان كذا تشوف، ترى قبل الناس إيجابية أكثر من الحين. إحنا خلال الضغوطات اليومية والروتينية في الحياة، سواء كانت في العمل أو في الحياة الاجتماعية، ترى نحتاج مرات إنه نحرر هذه الطاقة السلبية. وين نحررها؟ ما راح تحررها بمطعم، مستحيل، أقول لك إياها لا علمياً ولا حتى نفسياً. الدراسات قالت لها شي، اللي اللي نصت عليه هذه الدراسات: اذهب إلى الطبيعة، حرر نفسك، اخلع حذائك، خلي جسمك يتواصل مع الأرض. هنا الأيونات الموجبة والسالبة كلها تتبادل ما بينك وبين الأرض، فتصير إيجابي، تصير نفسيتك منفتحة. لما تروح على البحر، ليش يقول لك إذا مهموم روح البحر؟ في طاقة إيجابية كبيرة في الماء، في أي مكان، أي مسطح ماء يروح عنده راح تحس فيه طاقة إيجابية.

شلون تقنعني إني أنا بودي ولدي مثلاً ديزني لاند، تقول لي والله الطبيعة أفضل؟ يعني شلون، شنو الرسالة توجهها لي؟ تقدر تقنعني فيها إنه لا، وناسة مو هني ممكن يلقاها هناك؟

شوف، هذا السؤال أنا راح أسألها الحين، والمشاهدين هم اللي راح يجاوبونا. تتذكر أكثر لمن كنت في مدينة ملاهي اللحظات الحلوة، ولا تتذكر بشكل أعمق لما تكون فيه منطقة مارست فيها نشاط معين في طبيعة، في طبيعة دولة ما؟ أنا عن نفسي شخصياً رحت ملاهي من جميع أنحاء العالم، من اليابان إلى الأمريكتين وأوروبا ولا بالخليج، ما أذكر في في لحظات ممتعة. مو وناسة؟ أكيد وناسة ولها استمتاعها الخاص، بس اللي أذكرها أكثر وجودي في الطبيعة، سويتها شي الفلاني، تعلمتها الشيئ، في موقف مضحك. أنا بالنسبة لي يثريني هذا أكثر. هذه يعني سعادة أو وناسة لحظية وتروح، وذكرها بالصور فقط، بس لمن أتذكرها راح يحس بالنشوة مرة ثانية؟ لا، أنا بالنسبة لي هي مرة ثانية، ما في شيء اسمه صح وغلط، بس حلو إنه أنا بداله أكرر نفس التجربة، أجرب تجارب جديدة، صح، أروح أماكن جديدة، وبعدها أبدي أقارن.

يعني جاسم، انت يوم رحت الطبيعة شفت إنه والله المدنوس للطبيعي، بس اللي طول عمره مجرب المدن راح يعتبر هذه الرحلة أسوأ الرحلات.

الزبائن يعلن يوم من الأيام، وحدة من الخوات راحت جنوب أفريقيا، سوينا إنها رحلة متكاملة وخمس نجوم والأمور طيبة، كانت فيها، وقبل قالت: إحنا ما نحب الدول أو نروح مكان نسوي فيه أنشطة خارجية، نحب كله المدن، بس هالمرة بنجرب رحلة بالطبيعة ونجرب المغامرات، وهمن فيها مدينة تعتبر مدينة حضارية في أقصى جنوب جمهورية جنوب أفريقيا. راحت وردت قالت: أنا ما عجبتني الرحلة، أنا أحب المدينة أكثر. هي مو ما عجبتني الرحلة، المفروض تقول: ما لامتني هذه الرحلة، أنا أحب المدينة أكثر، وأحب الأسواق وأحب المطاعم. انت اسأل أي أحد تبي تسافر مثلاً إسبانيا: أبو عبد الله، رايح إسبانيا، عندك خبرة فيها؟ انت رايح قبل، قول لي شنو أحلى شيء أسويه؟ شنو راح يرد عليك؟ روح المطعم الفلاني، روح المول الفلاني، وسوي الشي الفلاني.

عياد بالديرة. الو أبو عبد الله، عطني الأماكن بالكويت، أكلها أحسن. 1000 دينار بره ولا 1500، ترى أغلب نصائح ربعنا وناسنا نقول لك: روح المطعم الفلاني. يسرد لك عشرات المطاعم. أقول لك برحلتي مطعم ورا مطعم ورا مطعم، ما راح أخلص.

السفر مثل الكويت، يعني أنا أطلع أروح، أهم شيء إنه إجازة، ما في دوام، جو حلو، وأعيش روتين الكويت: يلا اليوم أي مطعم حلو. أنا جداً يعني أنصح الناس إنه يسافرون بأي طريقة كانت، لكسر الروتين. السفر ترى علاج. الإمام الشافعي شنو قال: سافر ففي الأسفار يخمسوا فوائده: تفريج هم، علم وآداب، كسب معيشة، وشنو؟ وصحبة ماجد. هذول الخمس أشياء تثري الإنسان، وإحنا قاعد نروح نفرج على همنا.

مصاحبين لنا، مثلاً صاحب سفر، قعد نحاول نتعلم ونتثقف لو خاضوا هذه التجارب، وفي ناس تروح لكسب معيشة اللي هم يقتربون للعمل أو الدراسة، ففي أنواع، كل نوع يعتبر صحيح. إحنا نجرب، أعط نفسك الفرصة، وحدة فرصة وحدة، إنه تجرب. شكراً. خمس ساعات في اليوم ولا ثلاث ساعات، تروح جرب شيء جديد. لا تروح مطر، لا تروح مول، روح سوي نشاط معين. في نشاط بدنيني راح تستانس، السفرة كلها راح تتغير حلاوتها. واحدة من الرحلات في سريلانكا، فأثناء الاستبيان اللي خذناه من بعد ما رجعوا العملاء، كلها حلوة، بس أحلى شيء بالاستبيان: شنو أحلى شيء سويته بالسفرة؟ تدري شنو كان؟ عبارة عن نشاط خارجي، هو عبارة عن تجديف في النهر، فقالوا التجديف النهري أحلى شيء كان بالنسبة لنا في هذه السفرة. أنا ما توقعت إنه كانت هذه الإجابة بتكون، ممكن يكون شيء ثاني: مصنع الشاي ولا الفراولة ولا أي كان الأماكن اللي نزورها في رحلتنا في سريلانكا، بس إنه ذكرهم النشاط بمختلف أعمارهم. وهذا الاستبيان كان للجنسين، يعني في النساء والرجال، جو، يعني الكل متفق: الأنشطة الخارجية هي اللي ونستهم.

زين جاسم، الحين تبارك الرحمن عندك الشركة وعندك الوظيفة. أنا الحين أبي جاسم رجل الأعمال، شلون قاعد يوفق بين الشركة والوظيفة؟ يعني مثلاً أنا واحد من الشباب أبي أفتح مشروع، بس ما عندي وقت، والله دوامي ماخذ كل الوقت.

طبعاً أول شيء تاخذها حبة حبة، تبلش صغير، تشتغل على نطاق قليل أو بسيط نوعاً ما، تاخذ عملاء بشكل زايد خلال السنوات الأولى، حالة حل، يعني ينطبخ هذا شيء على أي مشروع كامل، أي مشروع كان. فتبلش بشكل بسيط. نشوف إحنا أمثلة عن الناس اللي بلشت في البيت، مطاعم صارت الحين وسلسلة مطاعم كبيرة. بلشت بالبيت، بعدها فتح له مطبخ مركزي، من مطبخ مركزي سواله فرع، الناس ممكن تجي عنده وتاكل وتوصيل طلبات، ومنها الفرع صار فرعين، ثلاثة، أربعة، وانتشر بالخليج. أنت جاسم شلون بديت؟ بلشنا صغار.

الفكرة إحنا كنا نواجه معضلة كبيرة، يكون فكرة غير اعتيادية والمجتمع غير مهيأ لها. فأنا لما جيت كنا أعطيت صدمة ثقافية لمجتمع المسافرين، إنه هذا شلون قاعد يسافر. هذا المنصجة يشوفون كلمة مغامرات، على بالهم خيمة وماكو أكل، ما في، ما في متعة، كله كله جهد وتعب وشقى.

بس خلنا نرجع القصة من البداية، يعني أنت جاسم بلشت على طول طلعت الرخصة ولا قبلها قمت تشتغل؟

أول شيء 2014 بلشت أشتغل بطريقة نقول يعني منزلية، أوكي، عن طريق الإنترنت، التواصل الاجتماعي. سويت لي موقع، عندي خبرة في المواقع، بنيت لي موقع إلكتروني، سويت لي صفحة في الإنستغرام، بعدها حطينا رقم التلفون وبلشنا، بلشت أحط المقتطفات من الرحلات السابقة. بلشت إنه استشارات بس، ولا حجوزات بس، كنا نسوي رحلات مجموعات خارج دولة الكويت.

أنت كنت تسافر؟

أنا كنت تسوي، بعدها طبعاً حطيت موظفين.

الحين شلون أوافق؟ أكيد كل ما تكبر الشركة، كل ما يكثر الطلب على العرض.

تتغير إليه العمل، فحطينا موظفين، ناس تاخذ الحجوزات، ناس تسويها، ناس يعني تكون تشتغل كمرشدين سياحيين عالميين، تاخذ المسافرين خارج دولة الكويت. وعندنا حالياً موظفين في ثلاثين دولة، ما شاء الله، كلنا على حسب اختصاصه وجنسيته موجودين في هذه الدول حالياً. ثلاثين دولة، كلهم يشتغلون لشركة عندنا، مرشدين في ثلاثين دولة، غير الدول اللي أساساً عندنا عقود وتعاونات مع شركات الخاصة في سياحة.

فماكو شيء أثر على شيء، يعني الوظيفة ما أثرت على...

لا لا، أكيد التنسيق وتفهم المسؤولين. لمن أبي آخذ إجازة مثلاً في أوقات معينة، هذا يعني كان دافع يعطيني إلى الأمام. النجاح كله يأتي من تأثير الوقت، بس ما أستقله بالدوام، يعني.

إحنا وقفنا، كورونا أثرت علينا بشكل سلبي، أثرت على الكثير من القطاعات، فتوقفنا توقف تام. ما في أي أعمال لا داخل الكويت ولا خارج الكويت، فهذا شيء كبرنا خسائر كثيرة، وخاصة كان في قيود على الغير مطعمين، ما يسافرون. فهذا هم أثر بشكل سلبي، من أكثر القطاعات التي تأثرت بكورونا، من بعد، يعني أعتبر واحدة من أكثر القطاعات، لأنها توقفت، توقفت الملاحة العالمية، توقفت الحجوزات، صار مصاريف أكثر من المداخيل.

عندك مرتبينها جاسم؟

إحنا من أوائل الشركات اللي أخذت بالحسبان الحالات الصحية عالمياً. تكمل من شهر واحد، يناير 2020، بلشنا نسمع في بعض الدول إن فيها وباء معين. أنا شخصياً فكنت أقول: في طلع اثنين هني هناك، ثلاثة هنا، واحد، مع إنه كانت الناس للحين مو مدعورة من موضوع الوباء أو الأمراض، بس كان عندنا بعد نظر شخصية، وقلت خلاص، دولة خلاص راح نسكرها في شهر واحد، قبل التوقف التام عالمياً شهر ثلاثة. تذكير الدولة، أي كانت، فيتنام عندنا، كان فلبيين عندنا، إيطاليا شهر اثنين، في دول معينة، في دول كثيرة يعني وقفنا فيها. كانت آخر دولة طلعناها قبل الكورونا كانت سلطنة عمان، يعني وقريبة راحوا وردوا، اليوم الثاني سكروا المطارات.

في تأثير الحين النشاط العالمي سياحياً متجه إلى اتجاه التعافي التام لجميع القطاعات التي تشتغل في العملية السياحية، راح تكون في أوجه، إن شاء الله، بألفين وأربعة وعشرين، منتصفين، راح يكون تعام ختام لجميع القطاعات، إن شاء الله، طبعاً نقول.

إحنا بس حزنتها، ما كان في عندك أي جروب برا الكويت؟

لا لا لا، آخر جروب، آخر جروب دخل الكويت، بعدين صار لك داونز، والحمد لله، أهم شيء الواحد يقول سلامة في...

في ناس أعرفهم، يعني تعلقهم برا الكويت.

إيه، يعني كان مسافر وتعلق، وفي وايد ناس، يعني سواء كانت رايحة سياحة ولا علاج ولا دراسة ولا أيا كان، هذا كان يعني شيء عالمي صار على الكل مجبورين فيه. بس بدايتها، بعد ما بلش السفر يرجع، شلون كانت إجراءاتكم؟ شنو كانت؟

الإجراءات الاعتيادية، أي شيء تقول الدولة اللي طالعين منها كدولة الكويت، والدولة اللي بنزورها، نشوف القوانين هنا وهناك، ونوصل من العملاء.

إي، أكيد، يعني إحنا كان في عزوف كبير، وبنفس الوقت، بنفس الوقت كان في بعض الدول عليها إقبال، إن الناس انفجرت نفسياً من الضغوطات اللي سببها التوقف التام للحياة في عهد الكورونا. الناس كلها متأثرة، بتسافر. فأول سفرة سويناها، أو أول شهر من بعد الكورونا، فتحنا رحلاتنا الخارجية، كانت كلها فل. أنا انصدمت منها، شيء اللي اضطرينا نفتح رحلات إضافية للناس. كان أغلب الناس توجهها بحري، أو تبي تجرب صوب البحر، نبي نستمتع، أبي أروح المالديف. فنزلنا الدول اللي متساهلة نوعاً ما في الإجراءات الخاصة في كوفيد، والحمد لله يعني مشت الأمور. هذا أول ما فتح الموضوع في السفر العالمي، بعدها صار في نزول مرة ثانية، وبعدها الحين الحمد لله بعد خلاص الناس قاعد تسافر بكل أريحية، عقب ما صارت كل دول العالم شالت كل قيودها الصحية الخاصة في وفاء.

زين، إحنا تطرقنا جاسم حق موضوع المغامرات، مو بالضرورة تكون خطرة. زين، أبي مغامرات خطرة، يعني شنو أخطر شيء قدرت تسويه ووين، بأي ديرة؟

شوف، الخطورة شيء نسبي، في ناس تقول هذا مو خطر، في ناس تقول هذا خطر، بس طالما أنت تتبع إرشادات الأمن والسلامة وتطبق العمليات، العمليات، السلامة أو معدات السلامة، تكونها من عندك خلال الرحلات هذه اللي تسويها، فأنت إن شاء الله بأمان. أكيد أنت قللتها، ما محيتها بشكل كامل كخطورة، ولكن نحاول نقللها كثر ما نقدر. آخر رحلة لي كانت مع مجموعة من الجيولوجيين، علماء الجيولوجيا، في جمهورية أيسلندا، فغطينا ووثقنا بالكامل ثوران البركان النشط الموجود في أيسلندا هناك، ورحنا بالقرب من هذا البركان. نحن نكون مختصين بخبراء في علم الجيولوجيا، فعا عارفين العمليات الأمن والسلامة اللي ممكن نتخذها، والنوقف المنطقة اللي نوقف فيها، لأن هذا الشيء طبيعي، حاله حال الحيوانات، وأنتم بكرامة، ما تقدر تتنبأ فيه ردة فعله. البراكين والزلازل، ما حد يقدر يتنبأ فيه مكان الحصول، حدوثهم أو حصولهم أو انفجار ممكن اللي حصل، أو انفجار. نسميه إحنا، في أماكن معينة ما ندري فيها، أو المقذوفات اللي تطلع من الفوهة هذه ما تقدر تحددها من اتجاهها إلا عقبها تحاول هي المقذوفة تنزل. نقدر، بس صعب، خطر كان الموضوع خطر، ولكن إحنا كخبراء جيولوجيا وجودنا في هذا المكان بالنسبة لنا حلم من أحلامنا، إنه نشوف الأشياء اللي درسناها في الكتب قدام.

عيوننا، ونحس في تمخض الأرض تحتك، والصوت اللي قاعد يطلع من غليان هذه الحمم المنصهرة اللي تطلع من باطن الأرض عبارة عن صخور منصهرة، وشلون تتصلب في أماكن معينة، وفي أماكن أخرى صايرة النهر من الحمم المتدافقة من باطن الأرض. كان شيء رهيب، يعني عظمة الخالق، سبحان الله، حتى في الأشياء اللي ممكن الناس تعتبرها كارثية. إحنا، هيك خبراء جيولوجيا، أو في ناس يشوفونها إيجابية، لأن هي قاعد تبني من جديد، قاعد أبني لك أرض جديدة، طبقة جديدة. إحنا بالنسبة لنا نشوف هاي الطبقات جديدة قاعد تظهر لنا على سطح الأرض، وأيضاً هذا الشيء يسمح لي الأرض إنه تعالج نفسها. تخيل إنه شخص في غازات، هذا... في شخص في غازات أكيد يحتاج أحد يعالجه على أساس إنه يرتاح. الأرض شلون تعالج نفسها؟ قاعدة تضخم بالداخل، قاعد يصير فيه غليان، قاعد يصير فيه ضغط غازي أو حمل بركانية تبي تتفجر، أو صار مثلاً هزات زلزالية سببت فوالغ وتشققات من الخزانات الخاصة في الحمم المصاهرة في باطن الأرض إلى سطح الأرض. شنو يصير؟ هي تفجر نفسها وتحاول تريح هذه المنطقة. سبحان الله.

زين، أنا بدش بنقطة فيها خلاف، موضوع آداب السفر. يعني هل فعلاً في آداب سفر؟ يعني الواحد يبي يسافر عشان يتخلص من كل القيود اللي عليه، يروح مكان يرتاح، يعيش طبيعي، يعيش حياته مثل ما يبيها. بس وصلنا لمرحلة قاعد نشوف في ظواهر غريبة، يعني مثلاً السيارات اللي قاعد ياخذونها، قاعد يودونها حق أوروبا، والأشياء ما أبي أذكرها، بس اللي قاعدة تصير بالشوارع، اللي قاعدة تصير بالحدائق. زيد عليها بعدها مثلاً اللبس، أو خل نتكلم أول شيء باللبس. إيش رايك باللبس الوطني في السفر؟

شوف، ما في أي مانع أبداً من إنه الواحد يلبس أي لبس خاص فيه وثقافته وفي وطنه، في أي بلد كان. العيب وين العيب؟ إنه أمارس أعمال تسيء لهذا الزي الوطني اللي أنا قاعد أمثله اليوم. وإحنا لازم ما تقول شخص المسيء في خارج البلاد أثناء سفره يسيء للآخرين أو يتصرف تصرفات خطأ، تقول هذا يمثل نفسه. هذا الشخص يمثلنا كلنا، وعيب أي أحد يبرر له ويقول هذا يمثل نفسه. هذا يمثل كل البلد اللي هو بده. إحنا كلنا سفراء وكلنا رسل، علينا أن ننقل صورة حسنة لبلادنا. الطريق بالتعامل الحسن، ما لازم أتصادم على الناس المحليين، ولا أتهمهم مثلاً بالسرقة أو أشياء معينة. اللبس الوطني والزي الوطني، لمن ألبسه؟ لكل مقام مقال، صح؟ فأنا لازم ألبسه في الأماكن اللي تستاهل إنه أكرم هذا الزي الوطني في مكانه. ما في أي مانع عنده تلبسه في خارج دولة الكويت، لنفترض لندن، لبسه، ولكن حافظ على هيبته، خلك لبق، واحترم هذا الزي عشان نحب الناس تحترمنا، ما يقولون عنا مثل ما قاعد نشوف في وسائل التواصل الاجتماعي. في ناس، في ناس توقفت بشكل عنصري، توقفت عن استقبال العرب بشكل عام، دول يعني عند أي أحد عربي في الدخول لأحد المواقع السياحية، بدون ذكر اسمها واسم الدولة، بس هذا الشخص عنده الحقية الكاملة، يقول: في عرب وأساءوا التصرف في هذا المكان، فأنا هو شنو قال؟ العرب نهائياً. زين، ياكلها الناس اللي تصرفاتها مثلاً لبقة أو زينة. حق مقولة كانوا يقولونها العرب القدماء: إذا نزلت في أرضهم فأرضهم، وإذا نزلت في دارهم فدارهم، وإذا نزلت في حيهم فحيهم، وكل وحدة ترى لها معنى. نحن لازم نرضي الناس ونحييهم ونداريهم إذا نزلنا عندهم أو نبدا عندهم. ما يصير نروح ونعتبر البلد هذا بلدنا، أو حتى في بلدك لازم التصرف، ولكن في آداب عامة خلال السفر: احترم الآخرين وما أقل بشأنهم، لأن أنا بالنهاية غريب، والمثل يقول: يا غريب كن أديب. فخلونا نكون رسل حسنين، نمثل البلدان خير تمثيل، ونترك مقولة إن كل واحد يمثل نفسه، لأنه واحد ممكن يأثر على الوف من السواح العرب والمسافرين المهتمين في هذا المجال.

جاسم، وأنا قاعد أبحث وأعد الحلقة، شفت إنك مشارك ببرنامج من إنتاج إم بي سي اسمه أرض المليون، ما كنت أعرفه.

نعم.

فدخلت قاعد أشوف البرنامج، فهمت الفكرة، وما قدرت أوقف، يعني قاعد أشوف حلقة ورا حلقة. الفكرة جميلة، وأول مرة نشوفها، والحلو إنها عربية مية بالميه، وأعتقد إن التصوير كان في السعودية، صح؟ هذا البرنامج، يعني تحية لقناة إم بي سي وللمنتجين على هذا المجهود الجبار في أدائهم وإخراج هذا البرنامج، اللي هو عبارة عن نوع من أنواع برامج الواقع بهذه الصورة المبهرة، والتصوير الجبار، والإنتاج أيضاً. الفكرة القائمة على خلق نظام اجتماعي معين في بيئة مغلقة، وفيها قلة في الموارد الخاصة في الحياة، سواء كانت بالأكل أو المشرب أو حتى المعيشة اليومية، اللي أبسط الوسائل اللي تقدر نعيش فيها لتوفير سبل الراحة لنا. ما كان في أي وسيلة للراحة نهائياً في هذا البرنامج. يعني نقدر نصنفه هذا البرنامج؟ مغامرات؟

بتخوض فيه بالمجهول. يعني أنا قعدت فيه 35 يوم كاملين بالتمام والكمال على الرمل، بالصحراء في شمال السعودية، في عز القايلة والحر، درجة الحرارة توصل 45 ولا 48 درجة مئوية. كنا ننام ما بين الحياة والعقارب، اللي ما عجبه لازم ينسحب. حاول تعيش وتصمد لمدة أربعين يوم، هذا هو التحدي كان على كل المشاركين من نخبة الوطن العربي. كنا مئة من الممثل... 15 بلد عربي، ومن الكويت، يعني تحية لهم، أنا وعلي الخضري، وحصل فلجاوي، ومحمد الحمازي، هذا اللي كان من الكويت، ممثلين لدولة الكويت. وأنا من الأشخاص اللي ظلت له النهائي، هم كلهم... أو أخرج، أو بالتحديات، وضليت اليوم 35، أوكي، يعني قبل نهاية البرنامج بخمس أيام من انتهاء. فالتحدي الأخير هو ما حالفني الحظ فيه، وكان مهله صعب. يعني وجودنا في هالبرنامج، يا رجل، هو بروحه إنجاز وتحدي، إنه يتم قبولك من بين مئات ولا آلاف المشاركين أو المقدمين على هذا البرنامج، اختيارهم لهؤلاء المئة، وهم نخبة من الوطن العربي، يعني شيء، يعني الواحد يفتخر فيه. والحمد لله مثل وصلنا للنهائي، اكتسبنا الفوائد المرجوة من هذا البرنامج المتعب. يعني تعال عيد البرنامج أو عيد شيء مماثل، أقول لك: اسمحلي، متعب. بغشمرة، والتصوير يعني ما طلع لنا كل التفاصيل المتعبة، قاعد أعيشها، ولكن حاول يعرضها. كان تجربة قاسية جداً، ولكن الاستفادة من هذه التجربة وايد أكبر من قسوتها، كانت جداً مفيدة. 35 يوم وجودنا في صحراء تبوك بالتحديد، في شمال المملكة العربية السعودية. علمتني الصبر، علمتنا القوة والحزب، الوقوف مع الحق ضد الباطل، يعني هذه الأشياء كلها استفدنا منها خلال وجودنا في أرض المليون.

أنا من الحلقات اللي شفتها، جاسم، ودي كم سؤال. تدري بداية الحلقة، أنت بداية الحلقة تقسموا، توكم مبلشين، واللي كل واحد قاعد يشتهد، اللي طلع قاعد يخاطب فيكم، فجأة صار في بوق وناس راحت على طول: نفسي نفسي. فهذه كلها أصلاً أحداث حقيقية؟

كل الأحداث اللي صارت في أرض المليون أحداث حقيقية، مية بالميه. أنا عشتها، وتأثرت فيها، تأذيت واستانست واستفدت من هذه المواقف كلها.

أنت يعني اللي كانوا يمدحونك الغالب، وما بينت بأول الحلقات.

أنا أقول لك شنو صار. كان عندي استراتيجية معينة، إحنا ما نقدر نتكلم فيها، زين؟ ما يصير عندنا عقود وياهم، فالمشاهد هو اللي يشوف بعد الكواليس، أقول لك: الغالبية اتفقنا، إحنا عيال وطن واحد، وطن عربي وأمة وحدة، وخلونا نتعاون. هي كانت عبارة عن دقائق معدودة من بعد هذه الخطبة اللي فيها بهرجة شعبية، صار فيها سرقة، وهذا يطق هذا، وهذا ياخذ من هذا. أنا كنت أدري إنه هذا شيء راح يصير، وما كنت معاهم. بلش يعني المغامرة أساساً، خذيت اللي أنا قعدت بروحي، وبعدين ستة خلال المشوار كله، ستة اقعدوا معاي. كان الهدف من وجودي بروحي ابتعد عن المناوشات اللي موجودة.

بروحك، بس لحقت تاخذ أكل؟

أنا بروحي، طالع بالبيئة وعندي، والرحلات مغامرات، أقدر أدبر روحي في إيجاد السبل الخاصة في الحياة بأقل الموارد. شلون أبقى؟ يعني مهارات البقاء على قيد الحياة عندي بالتخصص كامل فيها، فرحت عادي، وأيضاً وإحنا بلد سياسي وكلنا نحب السياسة والدبلوماسية، ودبلوماسيتي كانت مع كل الفرق الموجودة والناس الموجودة، أضمنت لي إنه يكون عندي.

مصدر غذاء مستمر يومياً، يتم الطبخ حقي وأنا قاعد مرتاح في مكاني.

ما أقدر أقول أكثر من هالكلام، لأنه في في عدد قيود مثل برنامج، بس اللي بيشوف البرنامج راح راح يشوف شيء جديد، برنامج بفكرة، بشباب، مشاكل صارت تحسسك إذا الإنسان كان موجود بيئة ما فيها قيود، ما فيها قوانين، يا أخي حتى الإنسان الخير يقل راح يواجه تحديات بين الخير والشر في نفسه، فهنيك راح يحدد، راح يستخدم عناصر الشر اللي فيه ولا عناصر الخير اللي فيه، الخبث ولا الصلاح. ترى كل إنسان في شر وخير، بس نسبته تتفاوت وطريقة استخدامه، لأنه بالنهاية، مثل ما قلنا، السعادة قراءة قرار، حتى استخدام الخير والشر قرار. فهني عاد تشوف الناس للوصول يستخدم الخير للوصول، ولا الناس تبقى على مثل ما هي، لا تحاول تسوي شذي ولا شيء. هو عبارة عن مجتمع مكبر في الخارج أو في كوكب الأرض من الناس اللي عايشين فيها المحيط، حطوا فيه مكان مغلق. الفرق بين المجتمع الخارجي والداخلي إنه الخارجي أقدر أخذ قرار أبتعد عن الأشخاص اللي أذوني، هنا أنا مضطر أتعامل مع الكل، نفس المجتمع بالضبط، وخمسة وثلاثين يوم.

يعني أنا شفت البرنامج، ناس ما قدروا يوم، إيه، في ناس من أول ثلاث أيام، وفي ناس استمروا الأيام الأخيرة.

جاسم عباس، الحلقة جميلة وممتعة. تعلمت وايد، خصوصاً في مجال السفر، في سفر أو في نوع من أنواع السفر جديد، كان ودي إني أعرف زيادة عنه، أنت ما قصرت، غطيته بشكل كامل.

مشكور على الجيه.

وتشرفنا فيك، بارك الله فيك، ويعطيك ألف عافية على هذه الدعوة، أنت والشباب الآخرين خلف الكواليس، تحية لهم بالتأكيد، وإن شاء الله نشوفكم عن قريب في مغامرة من هالمغامرات.

وإياك إن شاء الله، مو عند البراكين يعني، أشياء بسيطة شوية وحلوة إن شاء الله.

والخدمة والخدمة، هذا الوطن أكيد، إحنا واي شيء محتاجينه إحنا تحت أمركم.

مشكور، مشكور، شكراً لك، تحياتي، السلام عليكم.