كيف أثرت السياسة على الرياضة في الكويت؟

مو بيدنا، ولكن بيد ناس كانوا يقعدون ويانا، بغض النظر عن الأطراف، أطراف النزاع الرياضي ولا كذا، احنا نعرفهم نقعد وياهم كل يوم، ويقعد وياك يقول لك: أنا صح، والطرف الثاني يقعد ويا يقول لك: أنا صح، واحنا ندري هذ الاثنين هم اللي دمروا الرياضة الكويتية. ولكن ما بدك شي، أنت لاعب تمرن ساعتين، شورت وفنيلة وتمشي، هو المسؤول قال لك: وكفو، موفق، وباكر إن شاء الله لكم مكافأة وكذا. يطلع منك هني، يروح اجتماع، كلام كله غير، فما كان في مصداقية ويانا. وصلنا إلى مرحلة إن احنا كلاعبين لازم يكون لنا قرار.

مشكور يا فهد، مشكور على تلبية الدعوة، وحياك الله في بودكاست خط سال مبارك، انتوا اللي مشكورين، الصراحة زين فهد، تبارك الرحمن. فهد لاعب كرة يد في نادي القادسية، ومثلت منتخب الكويت، وبعدها صرت محامي، والحين باحث ماجستير في القانون الرياضي. أبي آخذ الرحلة هذه كلها من البداية، ليش كرة اليد؟

شوف، يعني أنا من وأنا صغير أحب الرياضة. رياضي، محيط العائلة يمكن يعني خوالي يحبون الكرة، عمامي، نفس أي عائلة كويتية يعني، متابع: هذا قدساوي، هذا عرباوي، هذا كذا. فالرياضة كانت جزء كبير من طفولتي من وأنا صغير، والوالد كان هم يعني يميل، ما يعني نفس ما نقول احنا لاعب ولا كذا، ولكنه كان يحب الكرة، نفس ما نقول احنا يلعب مع ربعه بالسكة، بفريق الجامعة يعني. هذه قت الأمور البسيطة، فنفس ما نقول نشأت ببيئة رياضية، سواء خوالي، عمامي، ربعي، الوالد، كذا، فكنت دائماً متابع للحدث الرياضي، دائماً أشوف. كنت وأنا صغير يمكن هم بالشاليه مع يعني خوالي ولا كذا يلعبون كرة، كنت أطالعهم، ليما شوي شوي كنت أكلم أمي، أقول لها: كلمي خالي الكبير، أبي ألعب. كِصغير يمكن خمس سنين، أربع سنين، بعدها شوي شوي بديت يعني ألعب كرة، بعدها شوي شوي بديت مع الوالد أروح مباريات، بعدها نتابع مباريات نادي القادسية، نادي كذا. خال يوسف كان يوديني أيضاً مباريات نادي القادسية، كان يوديني، مثس ما نقول مباريات، يلعب مع ربع الديوانية وكذا، لعب سكة احنا نسميه بالكويت. فنشأت ببيئة إنه لازم أشوف الرياضة، ولازم أتابع.

بعدها خلاص، يعني بعد فترة، يعني عن طريق الوالد وأيضاً خال يوسف، شجعت نادي القادسية. صرت أتابع نادي القادسية، أشوف لاعبين نادي القادسية، بديت أعرفهم، أعرف النجوم. هالحكي يعني بالتسعينات تقريباً، 96، 97، أيام عبيد الشمري، هاني الصقر، هذا الفريق، محمد بنيان، كذا كانوا بالنسبة لي، يعني هذ نجوم نادي القادسية، وكنت أشوفهم شيء كبير، الأمان، ولا زالوا شيء كبير يعني، بقدرهم وأيضاً تاريخهم. فنفس ما نقول احنا، تولعت في نادي القادسية، خلاص صرت أعشق نادي القادسية وهذا الكيان، وأروح لمباريات، وإذا خسرنا باكر بالمدرسة أتضايق، وأحس إني أنا يعني ممكن لازم أقيب أو كذا، يعني ك على قولتهم التعصب الطفولي نوعاً ما في الرياضة.

بعد يمكن سنوات بسيطة، عندي عيال خالتي كانوا في نادي كاظمة، فعن طريق الشاليه كذا، وهذا يعني حبيت إني أروح وياهم نادي كاظمة. قالوا: تعال. بالعكس، نادي كاظمة واحد جولشي، واحد مهاجم، واحد صرنا كل اللي بالشاليه، احنا تقريباً ثمانية، نادي كذا، هذا تحت 15، هذا 17، هذا 19، هذا 20، هذا الفريق الأول. فصرنا ما شاء الله يعني مجموعة. ليش كاظمة؟ حكم قريب يمكن البيت. لا، شوف، يمكن واحد أو اثنين راحوا كاظمة، وتدري واحنا صغار: ولت خالتك وين يروح؟ أي يعني الميول حتى ما تتحدد، إنه بس الطريق الأقرب لك تروح وياه، فرحنا.

فكنا بالصيف، فترة الصيف، نلعب يعني في نادي كاظمة، كنوع من نفس ما نسميه احنا الحين، يختارون لاعبين، عيونهم يعني. مثال تحت عشر سنوات أو ثمان سنوات، يون 20، 30، 40، يعني طفل أو 40 لاعب، والنادي يبدأ يختار: أبي فلان، أبي فلان، أبي كذا، لأن تدري النادي عنده يعني موسم أو رزنامة، اللي هي من شهر تسعة تقريباً تبلش. خلاص يعني بالصيف يبدأ يختار أو ينقي أو يشوف، بعدها يبي الناس اللي بيشتغل عليهم، بيجلهم جز، أي فيهم البطولات والدوري وكذا. بعد تمرين تقريباً عشرة أيام، أسبوعين، قالوا لي: تعال، نبي بطاقتك المدنية، ونبي شهادة ميلادك، ونبي أوراقك وكذا، على أساس يعني أي، تسجل أشياء في الاتحاد الكويتي لكرة القدم. الحين أنا رايح لاعب كرة قدم، مو كرة يد.

رديت البيت مستانس، قلت حق أبوي: قلت إيوه، نقون نادي كاظمة واختارني وكذا. ما أعطاني ويه، ما أدري ليش يعني. واحنا رادين الحين بالبيت، من النادي للبيت، ما حسيت إنه قال لي: يلا موفق وكذا، ما حسيت يعني كنت متوقع منه فرحة أكثر من كذا. قساوي، ما أدري للحين. أنا للحين طبعاً بعدين فهمت، قدساوي ما يبي كرة قدم، ما يبي، ما أدري. قلت له، يقول: في بطاقة مدنية وشهادة ميلاد، حتى أوراقي ما أعرفهم يعني، ما عندي عمري يمكن سبع سنين، ست سنين، يعني أولى، ثاني ابتدائي. الحكي قال لي: خلاص تم، باكر روح تمرين، أو تمرين يوم متيرك كان أحد، اثنين، خميس، شي كذا. قال لي: إن شاء الله باكر. باكر أريح اليوم، اللي بعده أروح التمرين. قلت له: يبا وين الأوراق؟ كذا يبيهم المدرب. قال لي: روح أنت التمرين، أنا راح أدز لهم إياهم بالفاكس. أيامها فاكس. قلت له: فاكس؟ أنا يعني حسبي إن إن كشخة، إن طريقة انتقال اللاعب لازم عن طريق الفاكس وكذا. قلت له: شلون؟ قال لي: أنا أدز لهم إياهم، روح، مالك شغل، أنت روح تمرن وشد حيلك اليوم وكذا. والله بروح ألعب، خلصنا. المشرف قال لي: وين فه؟ أبوي يقول: ز الكام بالفاكس. طالعني من فوق لتحت، قال: هذا يكشخ علينا، وتت قولتهم تحت عشر سنين، فاكس الفريق الأول شو يسوي فينا؟ قال لي: أي فاكس؟ قلت لأبوي: يقول بدز بالفاكس. عطِني رقم أبوك، عطِ دق الوالد. رديت البيت وكذا، باكر أوف، اليوم اللي بعده تمرين، شود يعني هاليومين تبرد الصفقة ليه أسبوع، عشرة أيام.

بدأ الوضع، يعني نس ما نقول احنا، يعني نادي كاظمة بدأ، ما أقول كسر في النظر، بس خلاص يبي يجهز الناس اللي أوراقها يعني كاملة وكذا. مدرب ما كلمك، والوالد ما كلم، كلمني، فكانوا لما خذ رغم أبوي المشرف صار التواصل معاهم. بس هني الوالد الظاهر كانت نيته إنه يروح النادي فترة الصيف، بس ما في مدارس وكذا، يلعب مع ربعه، يتمرن، يتحرك كذا. بس وقت المدارس خلاص وكذا، ما أدري شنو. وهذه وجهة نظر يمكن كثير من أولياء الأمور لليوم موجودة. فبعد فترة مع ت ع قال لي: خلاص، أنت الحين دراسة وعندك وامتحانات وكذا، وهذا ومادري شنو. بديت أستسلم نوعاً ما، وانشغلت، الأمانة، مع الدراسة، تدري، وامتحانات وترجع وترد تنام، بكر وكذا. والنادي يشغل الأمانة إذا ما كنت يعني متفرغ فيه بنسبة كبيرة، يشغلك عن وايد أمور.

خلص هذا الموسم، ما تسجلت بنادي كاظمة. طبعاً هذا الموسم يعني كنت أتمرن بصالة البيت، بالبيت، يا كاسر ليت، يا شايه أباجورة، يا كاسر قنفة، يا حاط كرة وتشوت وكذا. ليه؟ ما أمي بدأت يعني تقول حق الوالد إنه يعني ود أي نادي، يعني تدري أي أم، الأثاث بالنسبة لها يعني أغلى من عيالها، فقالت لي: ود نادي، ما يصير هالحكي بعد. سنة الصيف الجاي، الصيف الجاي، هني كانت يعني أتكلم عن 97، 98. كان منتخب اليد قوي حيل، كان بطل آسيا، وكانت في بطولة بالكويت تقريباً سنة 95 أو 96، هني كأس آسيا بالكويت. فكان الجمهور والشارع الرياضي متابع جيد لمنتخب اليد، وحب منتخب اليد، وبطل كان وقتها منتخب اليد، فكانوا الناس كلهم يعني يتغنون بمنتخب اليد. فبعد سنة قال لي: ها، هالسنة وين بتروح؟ تبي أوديك كاظمة؟ تبي كذا؟ قلت له: أروح كاظمة. ما أدري، قال لي: يلا روح، خل نروح كاظمة وكذا.

رحت كاظمة، نفس الشي، الناس اللي تسجلت العام طافتني كمستوى فني، ودروا إنه يعني، ما قالوا لي هالكلام، الأمانة، عشان ما أظلم أحد، بس دروا إن هذا الشخص ممكن باشر، نفس الشي نطلبه وأوراقه وكذا. فيعني نس ما نقول احنا، نشوف شخص، أي خلاص لا تعبون نفسكم وياه. نفس الشي، صيف، شهر تسعة، كذا بلشت المدارس، السلام عليكم، السلام. مشت الأيام لموسم تقريباً 99، 2000، هم قعدت لي موسم موسمين بالبيت، تكسر شوت وكذا. كان يقول لي الوالد، قال لي: بوديك نادي القادسية. قلته: نادي القادسية؟ جاي يقول لي: أنت تصير لاعب نادي القا... أنا أصير لاعب نادي القادسية؟ أي، أنا كنت يعني نمر بس يم حولي، مرات الجسر على فحيح ولا كذا، أشوف النادي، من يعني بداية أي لافتة بالنادي، ليه ما على قولتهم تنقطع عينك، إن خلاص جات، لف يسار ولا كذا، بس عيني على النادي. قلت له: أنا أصير لاعب نادي القادسية؟ يقول: إيه، نروح نسجل وكذا. قلت له: شنو، أي لعبة؟ أي؟ قال لي: كرة يد. قلته: شنو يعني كرة يد؟ أي وحدة؟ قال: كرة يد. هذا منتخب، ما أعرف، ما أعرف كرة اليد، ما أعرف يعني كرة اليد بالنسبة للطفل، ثمان أو تسع سنوات، ترى مو معروفة. أنت الحين أي، يعني شخص ولا أي طفل يعرف كرة القدم، يعرف السباحة، هذه ألعاب مشهورة، لأنه يشوفها، مه الموجودة بالمدارس. أي، وممكن يمارسها، كرة القدم ممكن بيتهم بالحوش ولا بشاليه ولا كذا يشوت كرة أو كذا. السباحة ممكن بأي يعني سوم من قبول حمام سباحة يطب ولا كذا. كنا قاعد يتمرن، بس كرة اليد، كرة الطائرة، الألعاب هذه إذا ما رحت لها مخصوص، صعب إنك تعرفها. قلت لك: من قادسية.

القادسية، ونروح نادي القادسية، هم كذا بداية موسم صيف وكذا، وأنا والوالد وعبد الله أخوي دشينا. كان يقول لهم الوالد: كرة اليد وين؟ وكذا. قالوا: هناك، في نفس قسم أو يعني مبنى في مدربين كرة اليد وكذا. ودشيت مدربين كرة اليد، لاعبين، اللي يعني كنا.

بداية الموسم وكذا، فكلم الوالد قال: «عندي هذا ولدي وكذا، ونبي يسجل عندكم». وكذا، فكان وقت الله يذكره بالخير، بمبارك غانم الخالدي، حياك الله وكذا، قاعد مع الوالد وكذا، وكم عمره؟ كم والده؟ وين يدرس؟ أي صف؟ أي كذا، الألعاب الثانية غير كرة القدم نوعاً ما يهتمون باللاعب مو أكثر، بس عندهم يعني مجالنا يله لاعب القدم يمكن باليوم يدشون نفس طريقتي 15، 20 واحد، باليد يمكن بالأسبوع يون ك اثنين، ثلاثة ناس تبي تسجل، فدائماً أي لاعب جديد يعتبر نفس ما نقول إحنا، يعني لقطة بالنسبة للمدرب أو الإداري، خاصة صغير ويبي يأسس ويشوف جسمه ويشوف، وكنت يعني نوعاً ما يعني فيني طول وأنا صغير وكذا على اللي بعمري. فقال له أبو مبارك غانم الخالدي، قال حق الوالد: «خلاص، خلي اليوم إحنا التمرين. بعد نص ساعة بنبلش، ساعة ساعتين مرت على أخذ أوكي، خلاني الوالد».

راح، بلشنا أول تمرين بكرة اليد. كان يقول: «إحنا راح نتمرن ونركض، تمارين يعني خفيفة في بداية الموسم»، فجايين من البيت شهرين، ثلاثة وكذا، فالوضع نوعاً ما يعني كعضو وكذا يبيلك تمارين لياقة. فكان تمارين لياقة، ركض وكذا، ما دشنا في كرة اليد وال كذا للحين. يعني ناخذ لنا دائماً أول فترة أسبوعين وكذا، بداية الموسم، يعني نفس ما نقول إحنا، لياقة، تحمل، حديد، كذا، خاصة يعني بال بعدها كان يقول آخر ربع ساعة ولا كذا: «الحين بلعب كرة قدم»، على أساس يعني يصير عندكم شوية هم جانب لياقة وكذا.

أنا كنت قبلها سنة أو سنتين بكاظم، وكنت زين مع كاظمة، ويبي يسجلون كاظمة. فبالنسبة لي لاعب يعني جاي من نادي كاظمة على لاعبين كرة اليد الربع، يعني بالقدم، يعني يمكن اثنين أو ثلاثة، اللي هم يعني يلعبون كرة قدم وكذا. فبالنسبة لي صرت بالنسبة لهم يعني أنا لاعب كرة قدم جايهم. إي، فكان هذا أبو مبارك الخالدي يستانس. والله أذكرها، سبحان الله، كنا أم بس نص التقسيم يقول لي: «تعال، يقول لي أنت أي مدرسة؟» شوف، يعني حتى الجانب العلمي والتربوي هم جداً مهم، وهذه الأشياء يمكن تونا بدينا نفهمها لما كبرنا، بس قبل السؤال ما أدري أي مدرسة قال لي: «أي مدرسة؟» قلت له: «مدرسة كنت عبد المحسن الخرافي ببيان». قلت له: «أنا بمدرسة عبد المحسن الخرافي».

كان يقول لي: «إذا سجلنا ك تي أيام المدرسة، شوف السؤال، حتى هو يعني حتى كمدرب أو كذا، هم ما يبي يبني ويشتغل على لاعب و موصن الحبل بنص الموسم». قلت له: «إيه، ش أنا هني فهمت الحين إنه إذا تبيتي لازم تجيب أوراقك وتسجل، وما أقدر أسجلك بدون موافقة ولي أمرك، ولازم الكرنيه وبطاقة مدنية وكذا». خلاص، صار لي سنة سنتين بموضوع الوالد مع كاظمة، عرفت، بس مو بالفاكس، لازم لا. الحين رديت البيت، خلاص، الحين نادي القادسية كرة يد يبوني. فالحين أنا من رايح ركض حق الوالد، قلته: «يبون أوراقي». كان يقول: «ي». قلت له: «يبون أوراقي». لا تقول فاكس ما فاكس، أنا بودي الأوراق بنفسي. فضحك، قال لي: «أكيد تبي». خلاص قلت له: «بس بشترك وبسجل، ويبون أوراقي».

ودش، قال لي: «كرة يد مو قدم». وقلت له: «إي، فحبي لنادي القادسية»، وهذا يعني الشيء اللي كنت أشوفه، يعني شيء وايد كبير بطفولتي. كنت مستعد إني ألعب أي لعبة، لو بيقولوا لي كرة اليد، بنوك، كرة طائرة، سباحة، ألعاب قوى، أي شيء. بس إني، إي، كل يوم أشوف شعار نادي القادسية، أشوف مدرج لونه أصفر، أدش الصالة، أشوف صور لاعبين القادسية، أشوف مدرب حاط شعار القادسية. هذا كان بالنسبة لي يعني كني حلمان. حتى كنت بالفترة الأولى بنادي القادسية بالمراحل السنية، في كل موسم كنت آخذ رقم فنيلة غير. كانوا يقولوا لي الشباب، يعني الربع: «يعني أنت ليش؟ يعني هالموسم 19، الموسم اللي بعده 20، الموسم اللي بعده 23؟» كنت آخذ، رغم كنت يعني أبي أكثر عدد فنايل، إنه يكون عندي هذه ديزاين غير عن هذه. يعني ما أبي تيشيرت واحد القادسية 20 عندي منه خمس فنايل. لا لا، أبي هذا تيشيرت، هذا 20، هذا 21، هذا 19، هذا 23، هذا سب أي رقم كنت ما عندي مشكلة. ما أبي أثبت، على أساس ما يصير عندي تيشيرت واحد القادسية مكرر. أبي أكثر من ديزاين، على أساس لما بكبت ولا أفتح الكبت أشوف القادسية. فكان عندي يعني حب نادي القادسية شيء بالنسبة لي وايد كبير.

الأمانة درجت بالمراحل السنية بنادي القادسية، بعد يمكن سنة من تسجيلي في نادي القادسية أو أقل من سنة، يمكن بشهر تسعة. أنا تسجلت شهر 6، الصيف اللي بعده قالوا في معسكر. هني على طاري السفر، ولا إن السفر يعني جزء من حياتي ولا كذا، قالوا: «إحنا لازم نروح معسكر بالسويد والدنمارك». وكانت هذه بالنسبة لي يعني مفترق طرق بالرياضة. يمكن أنا الحين أتكلم 99، 2000، يعني عمري ع سنين تسع سنين. كان أرجع البيت، قلت حق أبوي، قلت له: «ترى في معسكر». قال لي: «وين؟» السويد والدنمارك. بدأت هني خلاص الأمور. الوالد، أنا أدري يعني كخوف وحرصه كأي ولي أمر: «روح النادي ساعة ساعتين، أنا يوم أقطك، يوم السايق يردك، أسولف وياك، فزته وخسرته، والقادسية العربي». كان هذا يعني كبيري، هذا سفره، سفره السويد والدنمارك.

نفس طق بريك، وكلم الوالدة. كان يقول لها: «ترى فهد بيسافر شهر تس». قالت له: «لا، ما يروح». إي والله قالت له: «لا، ما يروح». مناوشات قامت بينه وبينها، وكلمها الظاهر وكذا، وكان يقول لي: «خلاص، قول حق النادي إنك بتروح». أنا الحين ما أدري عن الحكي هذا، ولليوم يذكرني فيها الوالد، يقول لي: «هذه السفرة أنا لو مو موافق إنك تروحها، كان يمكن راح تمشي وياك ليوم إن إن النادي». للأمانة يعني بغض النظر عن المستوى الفني أو رياضة أو كذا، حتى الشخصية يثقل الشخصية. الصراحة، النادي، الروحة هذه مع، يعني نفس ما نقول إحنا، الطفل أو المراهق في هذا العمر لو خليته يعتمد على نفسه ويروح ويخطئ، هذه راح تفيده لقدام، طبعاً بحدود المعقول، وتكون أنت كولي أمر راغبه وقاعد تشوفه، وقاعد تشوف وين يروح ومنو ربعه وشنو قاعد يسوي وشنو أخطاءه، وخله، لازم يخطئ. فهذه الأشياء الحين بديت أستفيد منها، وبديت الحين أعرفها، ولا قبل وقتها. وليه اليوم، يعني الله يطول بعمره الوالد، يقول لي: «لو ما خليتك تروح ذاك اليوم، أو يعني نس ما نقول رحنا مع رأي الوالدة، كان يمكن وايد أمور تغيرت أو تأثرت بشخصيتك». وليه الحين، على قولتهم، كنت يعني أقول إن يعني أشكرك على هذا القرار.

رحت وأنا متضايق، عمري تسع سنين، والسويد والدنمارك، وبدون أمي، بدون أبوي، بدون إخواني، ناس بالنسبة لي يعني معرفتي فيهم أقل من سنة. مشت الأمور الحمد لله، ورحنا بطولة، واستفدت فنياً، واستفدت يعني على مستوى نفس ما نقول إحنا الشخصي، كمستوى يرتفع. لأني كنت يعني، كانوا معاي لفريقين تحت 14 وتحت 16 سنة، كانوا ياخذون بس ثلاث لاعبين من تحت 12 سنة المميزين. فكنا إحنا ثلاث لاعبين: أنا، وأيضاً يمكن الحين بطل من أبطال الكويت، كابتن حمزة بهبهاني، وأخوي عبد الرحمن الشعيب. هذل الثلاثة قالوا لنا: «تعالوا ويانا مع الناس اللي أكبر منه». فاللي أكبر منه نوعاً ما تلقاه مسافر سفرة، سفرتين، راي. فإحنا بالنسبة لنا أمر يعني جديد، للأمانة. رحنا السويد ودنمارك، بعدها تقريباً نقعد أسبوعين، فترة صيف تكون من شهر، يعني يمكن آخر 6 لأول 7، نص 7 كذ ردينا.

لعبنا، نفس ما نقول خلاص، منافسات الدوري والكاس: القادسية ضد العربي، القادسية ضد النصر، ضد الكويت، ضد الأندية، المنافسات، نس ما نقول إحنا المحلية خلصت. يعني هذه المنافسات المحلية وهذا الموسم خلص، خذوني المنتخب هني. واختي المنتخب، الحمد لله، يا بناء على يعني نفس ما نقول إحنا معسكر السويد، دنمارك، هذا وايد فادني، الأمانة. فصرت على اللي بعمري وكذا تميزت شوي، فخذوا هذا من القادسية زين، هذا من العربي زين، هذا من كذا. فهني بدأت رحلتي مع المنتخب بعد يعني تقريباً سنة أو سنتين، ودرجت بالمنتخب. بدينا تقريباً ببطولات ودية، بعدها رحت السويد والدنمارك، نفس البطولة بس مع منتخب الكويت. وبعدها هم سنة ثانية رحت مع هم منتخب الكويت، كويت، نفس البطولة، السويد ودنمارك. هذه بطولة السويد ودنمارك، بطولة عالمية اسمها بارتلي كب، تاخذ من تحت 21 سنة إلى تحت ثمان سنوات، ويشاركون فيها كل دول العالم، تشارك فيها برسوم وكذا، وفائدتها جداً مناسبة حق الناس.

هذ يخلونها بالصيف، يدرون إنهم يعني العمر هذا عنده مدارس وعنده كذا، ما يكون فاضي إلا بالصيف. فالمشاركة فيها كانت أي لاعب يروح يشارك فيها، وأي فريق يرجع الموسم الجاي فارق، جاهز بدنياً وفنياً، بس حق اليد، بس حق كرة اليد، وبطولة يعني وايد مشهورة. فالدنمارك هم حاولوا نفس ما نقول إحنا يقلدونهم، كانوا يسوون بطولة بعد هذه بثلاث أو أربعة أيام، عشان كل الناس الليون السويد يخلصون. حتى كنا نروح، يعني عبارة من السويد للدنمارك ببحر، ل يعني الدينمارك. البطولة الثانية هم قعد لنا أسبوع وكذا، ونرجع لكويت. كانت جداً الصراحة مفيدة للاعبين المراحل السنية، وتفرق. ورحت لها يمكن ثلاث أو أربع مرات، مع نادي القادسية، مع المنتخب، مع كذا.

بعدها يعني بدينا نحقق بطولات مع المنتخب، بطولات على مستوى آسيا. خذينا كأس آسيا، بعدها الموسم اللي بعده شاركنا بكأس العالم مع منتخب بتونس. كان فبدأ نفس ما نقول إحنا مشوار المشاركات الدولية، والمشاركات الآسيوية بالنسبة للمنتخب، الخليجية وكذا، يعني نفس ما نقول إحنا بدأ الجد. بالمراحل السنية وصلت للمنتخب الأولمبي. وأنا كنت طالب بجامعة الكويت، فبدأت هني الأمور يعني شوي تصعب علي. جامعة الكويت، الأمانة بالدراسة مو سهلة، مو سهلة جداً، كلية الحقوق يعني تاخذ.

مو بس الجانب الرياضي، منك تاخذ الجانب الاجتماعي الرياضي، يعني حتى يمكن مرات الجانب الصحي، كنت ما انام عدل، اسهر ادرس كتب كبيرة، مذكرات، ملخصات مواد، نظام سنوي، مو نظام نفس ما نقول احنا مقررات نظام سنوي، تبلش بالمادة بشهر تسعة، تمتحن فيها بشهر 6ه بورقة واحدة، يمكن سؤالين، لو هالسؤالين ما كنت، يعني ما نقول احنا محضر لهم أو دارس لهم أو متوفق فيهم تقريباً شبه، يعني 60 درجة اللي هي درجة الامتحان راحت منك، فالأمر كان جداً صعب بالنسبة لكلية الحقوق واندماجها مع الرياضة والمتخب الأولمبي.

وكذا، في هذه الفترة بالمنتخب الأولمبي كان مدربنا الكابتن دكتور نبيل طاه بحريني، دكتوراً فلسفة الرياضية، كان رجل الأنه جداً، يعني سمارت، ذكي على المستوى، يعني الرياضي، وعلى المستوى الشخصي استفدت منه بشكل، يعني ما تصوره، كنت بس اقعد وياه، هو يسولف، أنا مالي شغل، اطلع تفيد وتعلمت منه، يعني وايد أشياء على المستوى الرياضي وعلى المستوى، أي يعني حتى ما كان نفس تخصصي، بس كان يقوللي، وهو يحب نفس ما نقول، يعني التخصصات يعني العلمية أو التخصصات، يعني يحب الشخص اللي نس ما نقول احنا يدرس أو، فكان يقولي: انت حقوق، شنو المواد اللي تاخذها، شنو كذا، مع هو مو تخصصه، بس الشخص نفس ما نقول احنا اللي يدرس أو يحب الدراسة يحب أي شخص يدرس حتى لو بس ياخذ معلومات. فهذا الرجل استفدت منه كثير، الصراحة، الكابتن نبيل طاه.

بحكم علاقتي مع الكابتن نبيل طاه، قاللي: أنا أبيك تصير كابتن المنتخب الأولمبي، وهذه مسؤولية كبيرة، الصراحة. وإحنا منتخب الكويت عندنا، يعني خاصة بكره اليد، يعني انت لما تصير كابتن المنتخب الأولمبي تشوف كابتن المنتخب الأول علي مراد أو صلاح أنس أو فيصل صيوان، انت المنتخب اللي تحته على طول، فهذا شيء مو سهل. ولما تشوف منتخب الكويت الأول عنده أربعة كاس آسيا، عنده سبعة أو ثمانية بوقتها وصول لكاس العالم، عنده مشاركة أولمبيا، ففي تاريخ، فانت مو بس بتحط إشارة كابتن على إيدك وتلعب كرة وكذا، لا، في مسؤولية، في تاريخ، في شيء لازم تحافظ عليه، في علم تلبسه لازم تكون مسؤول عنه وتحافظ عليه بالصح وبالغلط، وبالفرح وبالحزن. في مسؤولية بينك وبين ربعك، تحل مشاكلهم، يك واحد من ربعك عنده مشكلة كبيرة لازم انت تحلها بدون لا تدري الإدارة، يك واحد من ربعك عنده مشكلة لازم الإدارة تدري وانت تطلع منها، فكان وض، يعني برا الملعب مسؤولية كبيرة، داخل الملعب أيضاً مسؤولية كبيرة.

وكنت لازم تأدي داخل الملعب نفس ربعك، ولما يخلص التمرين عندك مهام وواجبات لازم تسويها برا الملعب. هذا كله تخيل مع دراستي بكلية الحقوق، فأنه كان، يعني بالنسبة لي ثلاث أو أربع سنوات ضغط، ضغط رهيب، الأمانة. بس الحمد لله قدرت، يعني أتجاوز هذه المرحلة، إني نفس ما نقول احنا اتخرج من كلية الحقوق واستمر ككابتن للمنتخب الأولمبي في منتخب الكويت، وشاركنا أيضاً في أكثر من بطولة، ك منتخب أولمبي، يمكن أكثر واحدة أو أشهر واحدة، يمكن كانت منتخب أو كانت بطولة دورة الألعاب الخليجية في البحرين. هذه الدورة كان المنتخب الأول بالنسبة لنا الكويت عنده معسكر يتزامن مع هذه البطولة، فقرر الاتحاد الكويتي، قال: يبى خل نشارك بالمنتخب الأولمب. فتخيل احنا الكويت رحنا، المنتخب الأولمبي ضد كل منتخبات الخليج الأولى، وك منتخب البحرين، سعيد جوهر وعيال ميرزا ومدن وكذا، كانوا لاعبين، يعني جاهزين وجايين يبون ياخذون البطولة وعلى أرضهم، وفعلاً خذوها.

فاحنا كمنتخب أولمبي مشاركتنا كانت، يعني جداً بالنسبة لنا، يعني شيء وايد كبير، شيء وايد استفدنا منه، شيء وايد تعلمنا منه، شيء يعني ضاف لنا الكثير، الصراحة، كلاعبين صغار نشارك مع ناس، يعني جاهزة أو في هذا المستوى الفني. قطر كانوا، يعني تقريباً بعدها بسنة أو سنتين، هذا الفريق اللي شارك ويانا خذ ثاني العالم، فكان شيء وايد كبير بالنسبة لنا كلاعبين صغار أو شباب في المنتخب الأولمبي.

بعدها، يعني بعد ما شاركت مع المنتخب الأولمبي وكاس العالم الناشئين، بديت أصعد الفريق الأول في نادي القادسية، وبديت أشارك في بعض المباريات أو بعض الدقائق مع نادي القادسية. هني يعني وصولي للفريق الأول في نادي القادسية، يعني واحد من الأحلام اللي حققتها بحياتي، يعني تشيك ليست، مثال حطيت صحني، خذيت أو لعبت لو مباراة واحدة، نادي القادسية بالفريق الأول، بغض النظر كرة يد، كرة سلة، كرة، بس هذا واحد من أحلامي الشخصية، والحمد لله تحقق، بصعوبة بسهوله، بمساعدة، بظروف صعبة، بغض النظر عن، يعني نفس ما نقول احنا المطبات اللي مريت فيها، ولكن حطيت صح يم المربع أو الخانة هذه.

الصراحة، كم كان عمرك أول مباراة؟

لعبت أول مباراة مع يمكن كانت في بطولة ودية اسمها بطولة الخرافي، يمكن 18 أو 19 سنة، لعب ضد نادي خيطان. وكانوا بالفريق الأول بنادي القادسية بعض اللاعبين مع المنتخب، فكانت بطولة الخرافي تصير بوقت، يعني لما المنتخب يكون طالع معسكر، يوقفون الدوري والكاس، اللي هي البطولات الرسمية، نلعب بطولة ودية اسمها بطولة المرحوم العم جاسم الخرافي. كانت هذه بطولة ودية على مستوى اليد، السلة، الطائرة، أكثر من اتحاد نظمها، فكانت بطولة ودية، وكان يسمح فيها بمشاركة اللاعبين الناشئين، عشان اللي، مثال لاعب عنده أو نجم مع المنتخب، تقدر انت تستدعي أحد من فلعبت هني 18 أو 19 سنة، بطولة الخرافي ضد نادي خيطان، وهم بالنسبة لي، يعني كانت، يعني حلم، حلم متحقق، بمعنى الكلمة، يعني مو، يعني تعبير، وفعلاً حلم متحقق، لأني من وأنا صغير وأنا لاعب، واليوم يعني أنا أعتبر واحد من، على قولتهم، جماهير القادسية. فوأنا كنت بالملعب، يعني كنت أشوف الجمهور، أحس إني يمكن المفروض أنا شوط مع الجمهور، شورط لابس شورت فنيلة وقاعد ألعب، شيء بالنسبة لي وايد كبير، نادي القدسية. فلما تحقق هذا الأمر كنت جداً، الأمانة، مستانس، وكنت جداً سعيد، ونفس ما قلت لك، يعني حلم وتحقق.

استمرت المباريات في نادي القادسية، بعدها هم، يعني كنت في نادي القادسية ومنتخب الأولمبي، بعدها نادي القادسية والمنتخب الأول، كلية الحقوق، يعني جزء لا يتجزأ منها هذا الأمر. فكنت أدرس بجامعة الكويت، والعصر بنادي القادسية، معسكرات بالصيف أو كذا. بداية، يعني اختياري لمنتخب الأول حتى كان في مدرب كلمني وقال لي: أنا كلمت الاتحاد، ان أبيك المنتخب الأول، بس الاتحاد قالوا لي: هذا طالب جامعة الكويت وما يقدر. بعدها قلت له، قلت له: أنا ما وصلني خبر بالاستدعاء، ولو انت مستدعين أنا كنت راحي، لأن أنا، يعني حبي لمنتخب الكويت أو تمثيل منتخب الكويت الأول وكذا، كنت ما عندي مشكلة إني أضحي بدراستي لو سنة ولا لو فترة، بس كنت راح ألبي هذا النداء. وهذا قاللي: أنا ما استدعيت رسمي، ولكن أنا قلت لهم شنو وضع اللاعب هذا، خاصة كنت بالنسبة له لاعب، يعني توني صعد الفريق الأول، ناشئ، ما عنده، يعني داتا زينة عني، فقال: كم عمره؟ كم والده؟ كان لاعب بالمراحل السنية؟ وين يدرس؟ شنو يشتغل؟ دائماً المدربين لجانب الليون يسألون عن، يعني مو بس الجانب الرياضي، مرات يعني المسؤولين ولا كذا يقوله: ترى ما يقدر ياخذ تفرغ أكثر من 20 أو 30 يوم، لأنه يداوم قطاع خاص، ما يقدر، كذا. بس إذا تبي انت، وهذا نسأله، فيقول: أنا سألت عنك، وقالوا لي إن هو طالب جامعة الكويت وما يقدر يطلع تفرغ. فنفس ما نقول، يعني خليتك حق الفيوتشر، إن اللي قدام، إذا تخرجت وكذا. وهم كان ردي عل، لأن في حالة استدعائي ولا كذا أنا موجود وكذا، من هالكلام.

مشت الأمور، تخرجت من جامعة الكويت، نفس الوضع مع نادي القادسية، حققنا بطولات، يمكن الكاس، وصلنا بطولات هم وودية، خذينا أكثر من بطولة. كذا يعني المفروض هني نوعاً ما أتفرغ للرياضة أكثر، كجانب، يعني رياضي أو شيء أحبه. والحمد لله بديت أمشي بخطوات، يعني سليمة، بالفريق الأول، بديت ألعب، بدا الحمد لله، يعني يصير عندي خبرة بسيطة، بديت، يعني أنسجم مع اللاعبين الكبار، المدربين، بديت آخذ وأعطي وياهم، بديت أعرف الجو العام بالنسبة لنادي القادسية، المباريات، أجواء قبل المباريات، خلاص نس ما نقول احنا، يعني بالكويتي خذ ريلي، وخذيت على المكان. للأسف هني حاش ن إيقاف بالنسبة للاتحاد الكويتي لكرة اليد، توقف من الاتحاد الدولي، في مشاكل، في صراعات، في أسباب يمكن لليوم احنا نجهلها، ولكن قالوا إن الاتحاد الكويتي، ا المنتخب الكويتي لكرة اليد، ما يشارك حتى وقتها. يعني من يمكن أكبر أو أكثر الأشياء اللي أثرت فيني، صراحة، نفسياً، كنا في المنتخب الأولمبي وكنا في معسكر في مصر.

فقبل نطلع المعسكر بيومين صدر قرار رسمي من الاتحاد الدولي لكرة اليد، إيقاف، إيقاف اتحاد الكويتي لكرة اليد، وإحنا قاعدين نتمرن الكويت قبلها بيوم، يومين سافرنا، رحنا مصر. هني هذا الجانب أقولك، أنا كابتن الفريق، كنت كل يوم تمرين الصبح، تمرين العصر، بالليل اقعد مع الإدارة، كابتن نبيل طاهر.

الإداريين فيصل هاجري الله يرحمه أبو عزيز. كنا نقعد مع بعض، ويسولفون عن النقاش السياسي الرياضي بالكويت، إن الوزير الحين دز كتاب كذا، إن مجلس الوزراء اليوم بيجتمع، أساس يطلعون كذا، ممكن في حل المشكلة. وتخيل أنا لاعب وقاعد قاعد وأسمع، ويقولون لي: فهد، أنت الحين لازم وأنقل وجهة نظر حق ربعي. مرات أنقل وجهة نظر، ومرات أحافظ عليهم من وجهة نظر ثانية. يعني مرات أقول لهم إن إن شاء الله في حلول، والقيادة السياسية ولا الوزير ولا كذا في وكذا، ومرات لازم أقول لهم إن إحنا راح نشارك بالبطولة، ما راح تعتذر الكويت، على أساس أحافظ على يعني نفس ما نقول إحنا الشغف اللي عند اللاعبين والانضباط والجدية وكذا؛ لأن اللاعبين، تدري، إذا معسكر أسبوعين قلت لهم: ترى ما في مشاركة بالبطولة، أول شيء بحبط، ما في حافز، ما في كذا. بعضهم كان يقوللك: برجع الكويت، خاصة بعضهم للحين طالب، تلقاه مو ماخذ كورس صيفي، مو على أساس البطولة هذه أو كذا. فكنت بين نارين: جانب إداري وجانب فني، أو نفس ما نقول إحنا نفسي مع اللاعبين وكذا.

نهاية المعسكر كان يقول لنا، يعني ما انحسمت الأمور لنهاية المعسكر، فكنا لازم نرجع الكويت يومين وتصير هني تصفية بعض اللاعبين. إحنا كنا يمكن تقريباً عدد 24 لاعب، فيقعدون تقريباً ستة أو سبعة بالكويت، والباجي يعني 18 أو كذا يطلعون على البطولة. البطولة أفتكر كانت في قطر أو السعودية. فقبل نرجع الكويت بيوم، وإحنا بالمعسكر، كلمت كابتن نبيل طه، قلت له: كابتن، شنو؟ قوللي على الأقل خلي أعرف، إن يعني اللاعبين، تدري، يسألون، خاصة لاعبين منتخب أولمبي، مو ناشئين ولا يعني أشبال، ما يعرف لا يعرف يسأل، ويمكن معلومات عنده أكثر من الإداري، يتابع ويشوف ويسأل، وعنده أكيد يعني معرفة بهالموضوع أو عنده علاقة مع هالشخص. مو من حق إنه يسأل، يعني مصيره بالنهاية. كان يقوللي: إحنا بنرجع الكويت يومين، في اجتماع حق مجلس الوزراء، إذا انحل الخلاف وتم رفع الإيقاف الرياضي راح ندق عليكم ونطلع للبطولة، إذا ما انحل الخلاف أو الإيقاف ما انشال خلال هاليومين، ما راح نشارك بالبطولة. قاللي: بس إحنا مسجلين بالبطولة، وداز أسامي اللاعبين المشاركين والمدربين والإداريين وكذا، والأمور كلها يعني بالسليم بالنسبة حق يعني نظام البطولة وإجراء، بس ننظر اماع مجلس الوزراء. هذا قلت له: أوكي.

ويعني ما كنت متفائل للأمانة، يعني ما كنت متفائل. ما أدري ليش، سبحان، إن ما راح يشارك. يعني عندي إحساس من داخل إن ما راح نشارك. ما أدري إن هل يمكن المدربين أو الإداريين ما كانوا يبوننا، نفس ما نقول إحنا، يعني نتحبط، يبي يحافظون عليه، إنه يبي لأي سبب من الأسباب. ولكن أنا يعني في قرارات نفسي، من داخل، كان عندي هالإحساس، وكنت كنت أتمنى إنه يكون خطأ، وكنت يعني إحساسي على قولت مو بمحله. بس للأسف ردينا الكويت يومين، وفعلاً حصل اجتماع وزرا وكذا، وصار نفس ما نقول إحنا، يعني توصيات أو خارطة، إنه على أساس لرفع الإيقاف. والإيقاف مو شيء سهل إن ينشأ بيوم وليلة، يعني يبيله خطوات، ويبيله قلتهم يعني. ما صار، قعدنا بالكويت، يعني نفسيات اللاعبين وايد تحبطت، خاصة هذا الجيل اللي أتكلم عنه.

بعدها يمكن قعدنا أربع سنين على هذا الوضع، بعدين ردوا شالوا الإيقاف. لعبنا سنتين يمكن تحت العلم الأولمبي، يمكن بالسنتين حاشتنا بطولة أو بطولتين. شارك اللي شارك، اللي ما شارك، اللي كذا. هني عاد خلاص كلنا صرنا فريق أول. لعبنا هالسنتين تحت العالم الأولمبي، كان يرد إيقاف مرة ثانية أربع سنوات هم تقريباً. على أهم مشاكل ليل اليوم تسألني أقول لك: ما أدري منو السبب، ما أدري منو يعني الخطأ، ما أدري من الصح، ولكن يعني 100% إن المنتخب اللي انضر، الدولة انضرت، الشباب أو الجيل هذا اللي أنا كنت يعني واحد من ضحايا الإيقاف. الأمانة أقوللك، يعني بما معنى الكلمة، دمرنا الصراحة، وما قمنا نثق بالرياضة. الصراحة اللي قام يروح، يعني نس ما نقول يكمل دراسته، اللي فتح له بزنس، اللي حتى يعني أهالينا أو أولياء الأمور، خاصة أولياء الأمور، يمكن كلمة أي، يمكن ولي أمر ولا كذا، إذا شافك لاهي مع النادي وايد ومو مركز، ما تفيدك الكرة وكذا. من إحنا صغار تنقال لنا هالكلمة، ففعلاً هذه الكلمات اللي كنا نسمعها يمكن.

وحتى يعني كنا، ما أقوللك ما نحترمها، بس ما نعطيها قدر، إنه أكيد هذا رال عود ما شاف، وأروح النادي وأفوز ويعطوني مبلغ ومكافأة والجمهور يصفق، أقول: لا يبى، تهمني الكرة وتوكل خبز. ولكن فعلاً في هذه الأوقات اللي هي الإيقاف الثمان سنوات، بالنسبة للإيقاف اللي شفتها بعيني، فعلاً فعلاً فعلاً إذا ما كان الوضع يعني، أو البيئة صالحة للرياضة، لأنه يعني تدمرّك، مو بس يعني يمكن مرات أنت حتى كم جانب الرياضة تاخذها من جانب صحة ولا كذا. لا، إحنا وصلنا مرحلة إن يعني حتى ما تفيدك على المستوى الصحي أو البدني، لأن بتروح المنشأة يعني متهالكة متهالكة، الصالة مكسورة، ما أدري شنو، ماي من فوق، إذا طق مطر تخر الصالة، فاشيا ممكن بالعكس تضرك ما تفيدك. فتحبطنا الصراحة، خاصة هالجيل أتكلم عنه، يمكن يعني جيلي اللي أكبر مني بسنتين، اللي أصغر مني بسنتين. والأمانة وايد ناس صراحة لو مستمرين وصارت لهم البيئة الزينة أو الفرصة الزينة، راح يكونون للأمانة يعني شأن كبير لهم. أنا ناس يمكن شفتهم بعيني، لاعبين إمكانيات الصراحة رهيبة، وكانت يعني راح يقدمون للدولة شيء كبير، الأمانة، ويقدمون يمكن أرقام وإنجازات، ولكن ما حص صل الصراحة البيئة المناسبة. وهذا الأمر يمكن انظلموا فيه. لو كانوا هم في جيل اللي قبلهم أو الجيل اللي بعدهم، إن شاء الله توفر له بيئة أفضل، كان راح يكون لهم شأن كبير، ولكن صار اللي صار، نفس ما قلتلك. تحبط، ما صارت عندنا ثقة بالرياضة وايد.

بعدها رد المنتخب، لعبت هني، استمريت في نادي القادسية يمكن أربع أو خمس سنوات، تخرجت من جامعة الكويت، بديت أشتغل وألعب في نادي القادسية إلى ما يعني 2015 قرر نادي القادسية إنه ما يشارك في بطولات الدوري. كان يقول: أنا مو معترف بالاتحاد، وهذا الاتحاد غير شرعي في وجهة نظر نادي القادسية، وأنا ما أبي أشارك في كرة اليد.

شيء جديد علينا إحنا كلاعبين، شنو يعني ما نشارك؟ إحنا ما نشارك دولي، أوكي، بس قاعد نلعب، كنا القادسية والعربي وكذا، عادي، مباري بعض يعني محلي، مباريات المسابقات المحلية. حزتها الاتحاد الكويتي كان موقوف دولياً، حزتها الاتحاد الكويتي كان موقوف، بس رد الإيقاف. بعد ما رد الإيقاف، قرر نادي القادسية، في وجهة نظره، يقول إن الاتحاد الكويتي ما عقد جمعيات عمومية أو ما عقد انتخابات أو كذا، ولا وجهة نظر تحترم، ولكن أنا كنادي القا موقفي من الإجراء الخطأ اللي أنت سويته، في وجهة نظري إني ما راح أشارك. ففهد لا يشارك مع منتخب ولا يشارك مع نادي. الحين إحنا يعني أنت إذا ما شاركت مع النادي ما تقدر تشارك مع المنتخب، لأن المنتخب يعني اختيار اللاعبين بناء على النادي. والله لاعب زين بالقادسية ناخذك المنتخب، بس أنت تخيل قاعد ببيتكم، ما يصير أخذك المنتخب على طول. فأنت بالحالة هذه، يعني نفس ما أقوللك إحنا، سعة نقول تدمرنا. الحين انتهينا، يعني كنا لاعبين يد، الحين صرنا يعني مواطنين، بس ما عندك يعني أي صفة؛ لا أنت لاعب ولا أنت كذا.

ولا قرار صادم كان بالنسبة لنا. وكلموا نادي القادسية، ونزلوا يعني الإداريين لعندنا الملعب والتمارين، وقالوا لنا: وقتها هني إحنا كنا تسع لاعبين بالمنتخب، يعني عدد زين. إحنا التشكيلة مال كرة اليد سبع لاعبين، إحنا كنا تسعة في المنتخب، وأسماء زينة، وكنا صغار، لقدام هم إن شاء الله في مستقبل، إي في مستقبل. وأنا كلاعب ولا كذا، أي لاعب طموح إنه يمثل المنتخب ويحقق بطولة مع المنتخب، فإنك تأخذ مديرتك أو ترد جزء من الجميل اللي قدم. فتخيل تسع لاعبين من المنتخب فجأة مو موجودين، لا بمنتخب ولا نادي، يعني أمر صعب. كلمونا الإداريين، قالوا نا إحنا ترى يعني راح ناخذ هذا الإجراء مؤقت، مؤقت ليه؟ شهر واحد، راح تصير انتخابات أو جمعية عمومية أو ينحل هذا الاتحاد ويرجع اتحاد ثاني وكذا. هذا الأمر مدة ثلاث شهور، وأنتم راح تمرنون بالنادي، وراح تستمر العملية، نفس ماه المدرب موجود، الإداريين موجودين، راح نتمرن، راح نحاول نسويكم مباريات ودية وكذا. فترة ثلاث شهور، وبعدها يرد الاتحاد يتشكل مرة ثانية، وبرد نشارك بالدوري، وإحنا راح نرفع أساميكم حق الاتحاد الدولي بالقائمة كاملة، فكل اللاعبين راح يردون وكذا. كلام زين، بس مو مقنع.

ملعب، أنا لاعب، يعني لا تتكلم. يعني اللاعب، ترى مرات لما تقوله جمعية عمومية ما يدري شنو يعني جمعية عمومية. لما تقوله لازم اجتماع مجلس الإدارة، والمحضر هذا لازم يكون فيه نصاب، أنت ما قاعد تتكلم كنك لغة ثانية، قاعد تكلم. لا، اللاعب لما تقول له: أنت الحين لازم تنزل الملعب، لازم إحنا اليوم نفوز على العربي، إذا خذينا نقطتين لازم تتأهل، سمي فاينال، هني اللاعب يفهمك.

بس تتكلم جمعيه عموميه وانت ابو احمد، هالجيل انجبر انه يدخل بالسياسه، طبعا طبعا، وانا ليه اليوم اقوللك اثرت السياسه على دمرت، مو اثرت، دمر بمعنى الكلمه دمرت. يمكن قلتلك انا اللي بعمري او اصغر مني بكم سنه واكبر مني بكم سنه، ما اكلمك عن فهد الهاجري، اكلمك عن الناس كانوا راح يكونون اساطير في كره اليد، ولكن اللي صار من يعني شي مو بيدكم، مو بيدنا، ولكن بيد ناس كانوا يقعدون ويانا، بغض النظر عن الاطراف، اطراف النزاع الرياضي ولا كذا. احنا نعرفهم، نقعد وياهم كل يوم، ويقعد وياك يقوللك انا صح، والطرف الثاني يقعد وياك يقوللك انا صح، واحنا ندري هذ الاثنين هم اللي دمروا الرياضه الكويتيه، ولكن ما بدك شي، انت لاعب تتمرن ساعتين، شورت وفنيله وتمشي. هو المسؤول قاعد يقد لك وكفو موفق وباشر ان شاء الله لكم مكافاه وكذا، يطلع منك هني يروح اجتماع كلام كله غير، فما كان في مصداقيه ويانا.

ليه ما وصلنا الى مرحله ان احنا كلاعبين لازم يكون لنا قرار؟ احنا الحين لاعبين فريق اول، وتسعه مننا لاعبين منتخب، ونفس ما نقول احنا، يعني يمكن انا كنت من اصغر اللاعبين، فاللي كانوا وياي كلهم اكبر مني واخبر مني واعلم مني في هذه الامور. فقلنا يا جماعه احنا لازم ناخذ قرار، ما يصير احنا قاعد نشوف يعني تخبط، هذا سواء احنا معه او ضد او كذا، بس هم احنا لازم يكون لنا كلمه. وتقريبا احنا كنا 20 او 18 لاعب، اجتمعنا وقلنا يعني راح يكون نفس تصويت، ان نشارك او نكمل نلعب في الدوري او لا، لان كان باكره وعقبه اول مباراه. فقلنا اذا كلنا بنشارك، يعني احنا الع، اذا 11 قالوا بنشارك راح نشارك، حتى لو تس م موافقين راح يون ويانا، والعكس صحيح، فراح ناخذ يعني راي الاغلبيه، كنوع من الديمقراطيه، وكنوع من انه القرار يكون جماعي.

كان في وجهات نظر، ما اقدر اقول انه وجهه النظر هذه سليمه او وجهه النظر هذه خطا او كذا، وجهات النظر كلها يعني تحترم. كان في ناس يقولون لا نشارك لان الدوري بيرجع شهر واحد بناء على المعلومات اللي عندنا، وفي ناس كانوا يقولون نشارك، ليه شهر واحد يصير خير. وانا كنت من الجانب هذا، ان نشارك ونحافظ على اسمنا واسم النادي ونكون موجودين، واذا في تسجيل اعتراض ولا كذا، اليوم اذا انت بتسجل اعتراض وانت موجود صوتك اعلى واضح، اما انت تسجل اعتراض وانت قاعد ببيتكم ما حد را يسمعك. فلذلك هذه كانت وجهه نظري، انه يا جماعه نشارك ونستمر، نمثل نادي القادسيه وكذا، ولي شهر واحد في انتخابات في جمعيه عموميه في ايقاف هذا شان اداري، احنا مالنا شغل فيه، ولكن احنا نبقى موجودين بالملعب.

ما كان هذا الراي اللي اخذ الاغلبيه، الا انه الراي الثاني هو اللي اخذ الاغلبيه. قالوا قالوا احنا ما راح نشارك، لان احنا يعني ليش نشارك الحين ونلعب وراح ينعاد الدوري وتصفر النقاط ويصير جدول يعني من جديد وكذا. وهذا نفس ما قلت لك ايضا وجهه نظر من جانب اخر سليمه. ما اقوللك انا اتفق او اختلف معه، ولكن كنت اميل الى الوجهه نظر اللي هي نشارك فيها، ولكن احتراما لراي الاغلبيه ما نشارك، ما نشارك. انتهى النقاش بموافقه النادي او بتوصيه من النادي ان احنا ما نشارك وكذا وهذا. وكانت اللائحه تقول في الاتحاد، في حاله عدم المشاركه في ثلاث مباريات ينشط الفريق. المباراه الاولى ما احنا، المباراه الثانيه يعطيك الاتحاد انذار او غرامه وكذا، المباراه الثالثه يتم يعني ما نقول احنا استبعاد او تسريح جميع اللاعبين من نادي القادسيه، وشطب نادي القادسيه ونتائجه. هذا الكلام ب 2015.

شو انت الحين ايش كثر قاعد تزعل بعد كل جزء؟

انا هني بالنسبه لي يعني على قولتهم الحلقه الاخيره بالنسبه لي بالرياضه الكويتيه. اي خلاص خلاص يعني، وانا عندي جانب ثاني بوسيل مشغلني، اللي هو الحقوق المحاماه الكذا، وكنت نوعا ما يعني مقصر فيه حبا في الرياضه او في نادي القادسيه او منتخب الكويت. فتخيل قاعد اشوف هالمشاكل، وهذا مستقبلي. هني انا ادري يعني على قولتهم رزقي ووظيفتي هي اللي بتستمر. الرياضه ما ردك في يوم من الايام بتجي بتبطل يعني. ف 2015 ماكو منتخب، ماكو نادي القادسيه، ماكو كره يد، تقعد بالبيت. فبالنسبه لي الامر يعني اوفر. خلاص قعدنا يمكن شهرين ثلاثه، يا شهر واحد، اللي هو الوقت اللي احنا موعودين فينا نرجع. نرجع، ما رجع نادي القادسيه، ما حصلت انتخابات. فبدات الانديه هني تتفاوض معانا، انه تعال ايش رايك اوقع وياك عقد، يعني على قولتهم تلعب عندي موسم او موسمين او كذا. فبدا يصير اتصالات او تفاوض. هني بدات يعني انطلاقتي او حياتي مع العقود الرياضيه كجانب او كارطه، على اساس ما اتجاوز النقطه هذه او كذا.

فالربع عقد وكذا. احنا كنا كلنا لاعبين بالغطس من احنا صغار، من ايام السويد والدنمارك وكذا، ما كنت اعرف شنو يعني عقد ولا ك نعرف اوراقك، ولي امرك يجيبهم، بصمه، تسجل بالاتحاد، صح. ب 2015 قالونا لا، لازم توقع عقد، وانت كم لك فلوس وكم راتبك، واحنا ايش كثر يعني نقدر نستفيد من خدماتك، انك تلعب عندنا موسم نص موسم موسمين.

بس هني ابو احمد، عقب كل اللي صار انت قلت كلمه ان الاتحاد سرح اللاعبين، سرح اللاعبين، شنو شطب الاسامي؟ انكم لاعبين لنادي القادسيه، تن شطب القائمه كامله مالت نادي القادسيه باتحاد، اكلمك اتحاد كره اليد. اللاعبين كلهم يشطب 20 لاعب، بس نادي القادسيه رفع الاسامي هذه الى الاتحاد الدولي؟

قال لهم انه هذه الاسامي لاعبيني، لاعبيني، وانا كنادي القادسيه ما شاركت، لانه الاتحاد ما عمل انتخابات. فالاتحاد الدولي قبل لا يفصل في الامر، خذ هذه القائمه وشالها وحفظها عنده. هذا انا ما اكلمك عشان ما اظلم اي طرف، هذا اللي يعني المعلومات اللي كانت عندنا. انا ما شفت هذا الفايل، ولا يعني استند على نص او او ماده او كتاب، هذا الكلام اللي كنا نسمعه احنا. كنا لاعبين وقته، حتى يعني ما اقوللك ما يحق لنا، بس كنا ما نشغل نفسنا، م لي شغل، انا اي، انا ابي العب كره.

بس نفس ما قلت لك، هني بدات الاتصالات من بعض الانديه، وكنا يعني فريق زين، وكنا يعني بطل الكاس، ثاني الدوري، فكنا ننافس نادي الكويت، ننافس نادي الجرين، ننافس نادي العربي، كاظمه، يعني كنا يعني ميداليه ناخذ، يعني الاول الثاني الاولي. نشارك برا في بطولات اسيويه، في بطولات عربيه، في بطولات خليجيه. من الاخر فريق زين، فريق زين، ولاعبين منتخب، ولاعبين منتخب، وكان تنا صفقات من الانديه يعني الوقت هذا. تقريبا قبلها بكم موسم وقعنا مع فيصل واصل، كان نجم بالمنتخب، بعدها عبد العزيز زعابي، يوسف الفضلي حارس، فلا يعني لاعبين عليهم القيمه اللي قاعد يجونا. وفي عندك نفس ما نقول احنا لاعبين محليين زينين، فشكل فريق كان نفس ما نقول احنا في شخصيه البطل.

كنا لما نخسر لعبه انه تصير اجتماعات، ليش خسرنا، نحاسب بعض، نزعل على بعض، انت قصرت، انت كذا، كزع اتكلم يعني رياضي. مو نحقق المركز الثاني يشيلون المدرب. فكنا عندنا يعني روح الفوز، الانتصار، المنافسه، البطوله. شخصيه البطل كانت فينا كلاعبين، لان بمنتخب الكويت احنا هم تربينا على الشيء هذا، ان احنا ابطال، ايضا في نادي القادسيه. فلذلك كانت شخصياتنا كلاعبين ما ما نقبل. يعني كنا لما نخسر ما نكلم بعض يوم او يومين، اي باكر ني انت غلط، انت غلط. انت حاسب بطريقه اخويه ووديه، ونزعل على بعض زعل، يعني نس ما نقول احنا رياضي، لمصلحه الفريق. مو نزعل انه والله نختلف ولا كذا، ما نكلم بعض ل يعني اسباب ولا كذا، ولكن لمصلحه الفريق اقوللك انت قصرت، انت هذه الكره كان لازم تعطيني، انت كنت هني لازم تدافع، انت تاخرت في كذا. فكنا نحاسب بعض قبل لا تحاسبنا الاداره او يحاسبنا المدرب او وهذا كان امر جدا مفيد وجدا صحي. كثر ما اللاعبين بغرفه الملابس حاسبوا بعض وتكلموا مع بعض، راح تشوفهم في الملعب، يعني نس ما نقول على قلب واحد، ويطلعون بشكل جميل بالنسبه لنا.

انتهت يعني العلاقه مع نادي القادسيه ب 2015. اتصل علي، اتصلوا علي نادي الجرين، قالي احنا نبي نق وياك عقد. كنت انا وبارك الخالدي وسلمان مزعل ومشعل سويلم، الاربع لاعبين بالقادسيه، بننتقل الى القرين، نادي القرين. فاتصلوا علي الشباب، قالوا احنا بنروح لقرين، بس شنو يعني عقد مبارك وسلمان ومشعل سويلم بالحظ تد، انت محامي. اي، انا الحين خلاص، يعني انا متخرج صارلي ثلاث او اربع سنين، فالامور العقود وكذا يعني شبه عندي خبره فيها. قلت لهم عقد لازم انه انت تلعب بالنادي الفتره، وكم من نادي يعطيك، وفي التزامات ثانيه، انك ان ما تصرح ضد النادي، ما تتاخر عن التمرير، ما تغلط على المدرب، اذا صار لك اصابه لازم تروح العياده، وواجبات وحقوق بالنسبه لك. والنادي هم عليه واجبات، انه يعطيك معاشك، ما يتاخر على المعاش، يوفر لك عياده، يوفر لك تامين صحي، يوفر يعني شنو للنادي وشنو لك انت. هذا الكلام قلت له كله اللي انتم تعرفونه، بس الحين راح ينكتب ورقه وقلم، ويعني لغه قانونيه، وانت توقع عليه والنادي وقع عليه، ويصير فيه التزام. هذا الا باختصار. اوكي، قال بس انا ابي يعني انت لازم تكون ويانا، تقرا العقد، انا اخاف يقولوا لي كذ، اخاف يقولوا لي كذ، وخاصه

الأمانه، يعني كثير من اللاعبين اللي انشغاله في الحياه الرياضيه تلقاه ما كمل على المستوى العلمي، فكثير من اللاعبين إخواني وربعي وكذا، وتلقاه إي بس ما استفاد من حياته، يعني العلميه، فتلقى قليل من اللاعبين عنده شهاده بكالريوس أو ماجستير أو كذا، فأغلبهم لأنه انشغل في الرياضه. قد يكون شخص بالعكس متعلم ومثقف وذكي وفاهم، ولكنه كلمك من جانب عملي نوعا ما. الرياضه خذتها وايد، ما قدر يوفق بين ما قدر، وخاصه إذا لعب في، يعني نفس ما نقول إحنا، نادي كبير: القادسيه، العربي، كاظمه، الكويت، سالميه. هذه الانديه تتطلب منك جهد ووقت، مو بس فتره تمرين، لازم أنت ساعتين أو ثلاثه عندي بالنادي كتمرين، لازم الصبح أنت تكون في الجيم، بالليل إذا تحتاج عياده، اجتماعات فنيه، اجتماعات اداريه، معسكرات. رياضه تاخذ، الصراحه تاخذ وقتك وتاخذ عمرك.

لامانه رحنا نادي الجرين، وقعت أنا ومشعل سويلم نفس اليوم، أذكر وقعنا أيضا بعدها بيوم أو قبلها بيوم مبارك الخالدي، سلمان مزعل، بداوا لاعبين القادسيه، نفس ما نقول إحنا، يعني يتوزعون، يتوزعون: اثنين القرين، ثلاثه العربي، واحد الكويت، واحد السالميه، واحد كذا، على حسب العروض، العرض المناسب لك واللي توافق عليه.

توكل كان يضيق خلق لما كنت شوف أي صوره من صور الربع، يعني أي، أذكر أول واحد شفته ناصر بو خضرا وقع مع نادي الكويت، يعني ضك خلقي، مع احترامي لنادي الكويت ونادي كبير وكذا، وأخوي ناصر بو خضرا يستاهل، وأكيد مهما ما، يعني حصل عليه من عقد ولا كذا، مو قدره ويستاهل أكثر. وأخوي اللي ربيت وياه، ولكن ناصر بو خضره من أول الناس اللي شفتها وأنا رايح مع أبوي نادي القادسيه. وناصر بو خضرا ساكن ين بيتنا بالسلام، فلما أبوي بيخليني بالتمرين بيمشي، فقال له، قال له: ناصر، وليدي ما أوصيك عليه. قال: إن شاء الله عمي. ناصر أكبر مني بسنتين، يعني مو يعتبر على، بس أكبر مني بسنتين، وقبلي بالنادي. فالوالد شافه كذ، قال: أنت يم البيت وكذا، ما أوصيك عليه وكذا. وقال: إن شاء الله عمي. فعلاقته مع ناصر أخوي، يعني من الناس اللي كسبتها الصراحه بالرياضه الكويتيه.

فلما انتقلنا بنادي القادسيه، أول واحد شفت صورته موقع مع نادي ثاني ناصر بو خضرا، يعني خنقتني العبره، ضاق خلقي الصراحه، إن هذا الشخص اللي كنت من وأنا صغير أشوفه، يعني أخو وياي، وفي فتره من فترات المنتخب كان روميت معاي، انتقل إلى نادي ثاني قانوني. الوضع رياضي، يجوز ما سوى شيء غلط، ولكن نس ما أقول حزت بخاطري لغطه لما شفتها، يعني.

أنت كنت تتمنى إنه تطلعون حق نادي مع بعض؟

أنا كنت ما أتمنى نطلع أي نادي، بس صارت. الحين أنت القرين وهو الكويت، بس ما تقدر بوسيل، ليش؟ كل الانديه عندها لاعبينها، فتلقى عنده، يعني ن، ما نقول إحنا مكان واحد أو كرسي واحد إنه يوقع مع لاعب، فما يقدر يجيب 20 لاعب. ولو إن في بعض الانديه قالوا: إحنا ندري القادسيه بصير شي، أجيب الفريق كله. قلت لك كفريق بطل، المركز الثثاني، أول كاس، ثاني الدوري. فكل الانديه كنا مرغوبين تقريبا في كل الانديه، بس تدري كل نادي هذا عنده ثلاث أو أربع أماكن فاضيه، ما يقدر يوقع مع خمسه ولا عشره. وفي انديه، مثال، يعني يحتاج هذا اللاعب، بس عنده بمركزه ثلاثه أو اربعه، فما يقدر يجيبك على أساس يسوي نفس، يعني بالانس أو كذا. فكل نادي شنو احتياجه، شنو اتفاقه، شنو اللي يشوف إن هو هذا اللاعب بيسد بالنسبه لخانه أو، يعني، مكان بيبه، واتفق وياه على مبلغ كذا، توكل على الله. فبدي ن ما نقول إحنا، يعني انتقالات: هذا العربي، هذا كاظمه، هذا كذا، هذا كذا، هذا كذا. استمرت هذه الامور لمده تقريبا أربع سنوات، ما نادي القادسيه. وهذه يعني النقطه اللي حزت بخاطرنا، إن أربع وخمس سنوات الدوري الكويتي لعب، ماكو شي اسمه نا القادسيه، كل فرق مشاركه إلا نادي القادسيه. ولكن اللي يشاركون لاعبين نادي القادسيه. فمثال، أنت فهد تلعب القرين، لاعب القراين، بس اللي كان بالقادسيه كان هذا الشيء الوحيد اللي يمكن يخلينا نذكر نادي القادسيه بالاربع السنين هذه. كنا نتواصل مع بعض: متى يرد التمرين، متى يرد النادي، متى كذا. ولكن ما كان يعني الصوره مو واضحه، للامانه. فكانوا ناس يذكروننا كذ، إن ها فلان ناصر لاعب القادسيه، قبل هذه الكلمه اللي شوي كانت تعطينا، يعني.

مشت الايام، استمرت الايام في هذه الفتره. الامانه اشتغلت، يعني، مع الربع والعقود بشكل وايد كبير، وايد كبير. كان أي لاعب يبي يوقع يدق علي: فهد، هالبنت صح؟ هالبنت غلط؟ شنو أسوي؟ شنو أوقع؟ شنو أقول حق النادي؟ شنو كذا؟ فهني خلاص بديت، يعني، نفس ما أقول إني أدش في هذا المجال مع الجانب، أو مع وظيفتي اللي هي كل يوم أنا بالمحكمه، بال كذا دوامي العادي، والعصر النادي وكذا.

حتى في فتره من الفترات، يعني نفس ما نقول إحنا، ولهت على نادي القادسيه بشكل كبير. يعني كنا نروح يم النادي، نمر بس نشوف النادي، نشوف كذا، نحاول نسوي لنا أي مشوار، كني بروح أقط ورقه على أحد، ما عندي مشوار، بس نروح نمر يم النادي، ندش الباركنج. نحاول برمضان ولا كذا، نسوي نفس ما نقول إحنا، نلعب كره قدم بالصاله قبل الفطور، بس عشان نروح نمر النادي كذا.

ففي نادي من الانديه دق علي بعدها نادي برجان، قال لي: نبي نوقع وياك. وأنا هني الصراحه، يعني كنت أقوللك أمره، أروح نادي القادسيه بس أشوفه، أطالع، أطيك فره، أطلع بروحي بسياره قبل أروح مشوار ولا كذا. ت يدقون علي نادي برقان: تعال بنق وياك. أنا كل ما يدق علي نادي، يعني فيها رزقه، ما أقول لك لا، فيها رزقه وفيها فلوس، وإنك تستمر وتلعب، بس أحس إني، يعني، قاعد أبعد عن نادي القادسيه. هذا الامر قاعد يزعجني، لكن لا حول ولا قوه، شو أسوي؟ ولو مشارك نادي القادسيه، ثق تماما، يمكن أنا أتكلم بلساني وبلسان كل الربع، ما أحد راح يطلع ويلعب ضد نادي القادسيه. فالامر الوحيد اللي خلانا نلعب إن القادسيه مو موجود. فيا إنكم تلعبون، حتى اداره الغيه قالوا: روحوا وانتقلوا ولعبوا واستفيدوا مادين، وحتى على أساس إنك تكون، يعني، لياقتك وإحساسك على الكره، إنك تكون قاعد تلعب مشارك. ليه ما يرجع الفريق؟ إنه ما تقعد أنت أربع سنين بالبيت، لا، مستمر.

دقوا علي نادي برقان، قالوا لي: تعال بنقع وياك باليوم الفلاني بالمكان الفلاني.

أنت كنت تلعب حق؟

نادي، رحت نادي بوران لابس تيشرت القادسيه متعمد.

إيه، كان يقولون لي، يعني حسيت إنهم محرجين. ش يقول؟ يبدل من الاخر. أنت رايح توقع، أنا رايح أوقع، بتصور، أي أربع مصورين، ثلاثه قاعدين المركز الاعلامي وواحد جاي صحيفه، ما أدري شنو كنت، لأنه يومها كان وياي أخوي الكبير عبد الرزاق بلوشي، هم جاي وكذا في الصفقه، ويوقعون عبد الرزاق بعدين فهد الهاجري. وكان نادي برجان تو طالع في الصفقات هذه بالنسبه له، يعني، وأنا لابس الدسي، ويطال عني اللي بيوقع وياي، يبي يفاتحني بالموضوع، بس إي، يعني قال: أخاف أقوله: أنت هاوش تفل الصبغه، وأخاف اسكت، مو حلوه الصوره تطلع موقع مع نادي برجان، يعني. مهما كان أنا، يعني، أنا مو لابس مانشستر يونايتد ولا ريال مدريد. أنت شنو، إيش قصدك يعني؟ قلت: كنا نشتاق حق نادي القادسيه، فكنا نروح نتمرن مع الانديه الثانيه، ألبس القادسيه، ما عندي مشكله. كيفك، تبي شنو بتسوي؟ شنو كبيرك؟ بتزعل؟ حياك، خصم العقد. أخصم؟ أنا هذا تيشيرتي، بارتاح له، ولا أحبه، ولا هذا الشي، يعني فهمتني؟ كنك رايح الدوام وأنت لابس لبس معين، مديرك يقوللك: لا، لازم صيفي شتوي. لا، مو بكيفك، أنت لك علي إني أكون موجود بالتمرين، لابس القادسيه، لابس، بس كذا.

فذاك اليوم رايح أوقع مع برجان، قادسيه، اشكبرها. هني الصدر.

الحين خلصنا، فيبو يصورون، كان يعطيني تيشيرت ذوقيه، المفروض ألبس التيشيرت مال نادي الجديد على الأقل وأصور فيه. أنت رايح مخصوب؟ لا، بس نبي نلعب، كنا يعني نبي نوقع. كان يقوللي، قال: الحين أصيد إن يقول: البس تيشيرت، نمسك التيشيرت. والله الصوره يمكن الحين لو تبع إنها حينها موجوده، يعني مسكين اللي قاعد أوقع وياه، يعني بنارين، شو يسوي؟ إي، قال: هذا الله قطنا بهذا. يعني لابس نادي القادسيه، فماسْكين التيشيرت وقدامنا العقد والاوراق، ولابس القادسيه. فحتى وايد ناس قال: أنت بصدق، إيوه، قاعد تسوي؟ أنت احترم لبس دشداش زين. قلت: أنا كان يومها بلبس نادي القادسيه، يبون حياهم الله، ما يبون، آساني ما لعبت بي نادي. فكنت ألبس نادي القادسيه، انديه ثانيه هم رحت، يعني، ألعب. قلت: وقعت معاه عقود وكذا.

خاصه النادي اللي يعني ما يوفرلك ملابس ولا كذا. أنت ما قاعد توفرلي ملابس، فما يصير هم تحجني شنو ألبس؟ ما شنو كنت ألبس؟ نادي القادسيه بنادي كاظمه وأنا صغير. مره من المرات هم رحت بتيشيرت نادي القادسيه، وكلمني واحد من عيال خالتي اللي كان لاعب تحت 15 أو كذا. فكلمني، قاللي: فهد، أنت مو مسجل وكذا، بس ما يصير تجي نادي كاظمه لابس فنيله نادي منافس له. قلتله: ليش؟ مو غلط. قاللي: ما يصير، ما في، يعني فيها نوع من الحساسيه. الصراحه، وفي، بس شو أسوي؟ كنت أقول لهم: خلاص، شنو اللي بتسوون؟ كيفكم. بس أنا مرتاح بالتيشيرت هذا، أو مرتاح باللبس هذا.

فبعد ما استمرت، يعني، الاربع وخمس مواسم هذه، بعد ما يعني 2015، بعدها 2019 تقريبا، رد نادي القادسيه. خلال الاربع سنين هذه قلت لك اتجهت إلى العقود، الشغل في العقود، الشغل بالامور الاداريه أكثر. وصار موقف من المواقف، هني كان جروبنا في برنامج الوات في نادي القادسيه موجود، فكان عندنا احتراف جزئي من أيام.

نادي القادسية ما نزل للحين، فقعد يسولفون الشباب: متى ينزل الاحتراف ومتى كذا؟ أنت كلم فلان، أنت تعرف فلان، كلم النادي، كلم الهيئة، كلم المالية، يعني أمور إدارية بس.

خلنا نتكلم بو أحمد بالاحتراف الجزئي. إي، يعني أنت الحين بدايتك ما كان في شيء اسمه احتراف بالكويت؟ لا، ما في. أنت تحب اللعبة، تروح تلعب وترجع لبيت السلام عل صغار، ما لغايه الجامعة. نفس الشي، تروح تدرس بالجامعة وتروح العصر تمرن. بعدين صار في شي اسمه احتراف جزئي. أيوه، الاحتراف الجزئي بالضبط. 2007 أول موسم احتراف جزئي حق لاعبين الفريق الأول، بس عشان ما نطلع من نقطة.

بطولة السويد والدنمارك وأنا صغير بالناشئين قالوا لي: أنتوا الثلاثة صغار، ففي رسوم تدفعونها. فكنت أنا أدفع، كنت دفعت أذكر 100 دينار، وقلت حق الوالد: ترى في معسكر وكذا، بس يبون 100 دينار. عادي؟ قالي: إيه عادي، 100 ها؟ هذه أمية، روح اطها. ما أبي أقولك صح ولا غلط ككذا، بس ببين لك إن إحنا كنا، إي، إحنا نحب النادي، كنا حتى لو إحنا ندفع ما عندنا مشكلة.

وبالمقابل النادي هم وقف ويانا بأمور مادية، ما أنكرها، يعني ي يوم من الأيام تعورت أو سويت عملية ولا كذا، جتني فلوسي كاملة بالخرده. الأمانة هذه كلمة حق تنقال، بس أنا كلمك كان الجانب المادي مو مهم بالنسبة لنا، يعني كلاعبين، بقدر حبنا لنا وحبنا للعبة. فكنا نروح، أقولك يعني مرات نبي تيشيرت، مثال، نبي نغير التيشيرت، خاصة إحنا لاعبين اليد. تيشيرت نفس ما أقولك، يعني في عندنا إحنا مادة، هذه السمق اللي نحطها فيتوس التيشيرت، خاصة الأصفر يبقع وكذا، فتلقاه بعد شهرين ثلاثة يبدأ التيشيرت، نفس ما نقول، إحنا ما يصلح حتى بالغسيل.

فكنا إحنا نقول: إيش رايكم إحنا نفصل تيشيرتات؟ نبي ديزاين معين، نفس منتخب ألمانيا، نفس منتخب السويد، نفس منتخب كذا. أوكي، فنكل كنا شخص ولا كذا، يعني يعرف بالأمور هذه. كنا ندفع، يسوي لنا، يقول: إحنا ترى لاعبين. يقول: خلاص الشورت الفن بعطيكم مثال مبلغ رمزي. فكنا ندفع مرات، هذا الدارج باليد القدم، كل الياض، وعشان ما أظلم أحد، ما هو قصوره من الجانب الإداري من أي نادي، ولكن أقول لك يعني كثر حبنا للنادي.

بس ارجع هني، 2007 شنو صار؟

2007 هو قانون الاحتراف الجزئي، يعني كتشريع في 2005 مجلس الأمة كمداولة أولى ومداولة ثانية، نفس ما نقول إحنا، يعني يطبق بالجانب العملي. فأول ناس استفادوا من الاحتراف الجزئي موسم 2007 اللي كانوا بالفريق الأول. فأنا أكلمك الحين، إحنا وصلنا لتقريباً يعني 2019، بعد ما، أو 18، بعد ما يعني توقف نادي القادسية. وقلت لك جروب الواتساب كان بينا وبين اللاعبين، كنا نسأل عن في دفعة من الدفعات، اللي هي يمكن تقريباً آخر موسم 2015، للحين ما نزلت فلوس الاحتراف الجزئي.

فلوس الاحتراف الجزئي، فلوس الاحتراف الجزئي، شلون تنزل؟ وزارة المالية تحولها إلى الهيئة العامة للرياضة، الهيئة العامة للرياضة تخاطب النادي، أو النادي يدز لها الأسامي والكشوفات، تصير يعني عملية الصرف. فهي يعني دورة مستندية: النادي، الهيئة، وزارة المالية. ذاك الوقت نادي القادسية ما كان مشارك، فكلم الإداريين بالنادي وقلنا لهم إن إحنا، يعني صار على الاحتراف، كان يقولون: أوكي، اليوم باكر، اليوم باكر. فالربع، نفس ما أقول، قا يتحلطمون بالجروب بالواتساب.

أنا هني يمكن يعني شفت نفسي إني أنا إداري، خلاص 100% ماكو قادسية، ويعني جوانب إدارية أو مالية. فواحد من الربع اللي كانوا موجودين كان لاعب سابق في نادي السالمية، الكابتن فهد فريد، كان يقول: أنا أعرف دكتور جاسم الهويدي، كان هو نائب المدير العام بالهيئة العامة للرياضة وماسك كان القطاع الشؤون الإدارية والمالية، فيعني الموضوع عنده. كان يقوله: خلاص كلم أنت الدكتور وكذا.

وهذا وكان يدز رغمه بالجروب. أنا الحين ما تكلمت ولا كلمة بالجروب، أذكر وقتها رمضان، ما تكلمت ولا قلت: أنا بسوي كذا. كان أدش على رقم دكتور، كتبت له: السلام عليكم، دكتور، معك أخوك المحامي فهد الهاجري، أرجو الاتصال. ما رد، مسج ساعة، كان اتصل عليه رد علي. قلت له: شلونك دكتور، شو أخبارك؟ أنا أخوك فهد الهاجري، محامي، وبكلمك بموضوع وكذا. قال لي: أمر. قلت له، فتحت وياه الموضوع، قلت له: إحنا لاعبين نادي القادسية وكذا وعطيته، يعني كان يقول: فهد لا تكمل، باكر مرني الهيئة، أي الساعة 12 الظهر مرني المكتب. قلت له: أوكي.

الربع ما يدرون كلش. كلمت فهد فريد، اللي هو كان لاعب نادي السالمية وكذا، دقيت عليه، قلت له: فهد، باكر فض نفسك، أبيك تي وياي. إيش عندك؟ قلت له: بنروح نشوف موضوع الاحتراف وكذا. رحنا، الصراحة الدكتور جاسم الهويدي وقتها كان جداً متعاون معانا. وقلت لك: إحنا لاعبين ترى، وما لنا شغل في الأمور الإدارية ولا كذا، وإحنا بنقولك شنو مشكلتنا، وأنت رد علي: إذا لنا حق ناخذه، وإذا ما لنا حق عداك العيب. وإحنا قاعدين ننادي هم شخص مسؤول، مراقب، أو أو، يعني رئيس قسم في الأمور المالية وكذا، وقال له: يب لي ملف نادي القادسية لك اليد، ليش ما نزل لهم الاحتراف ثلاث رواتب؟ هذه فتح الملف، أوراق يمين يسار وكذا، كان يقول، ولا حط نوت، أو حط يعني دائرة على شغلة، إن نادي القادسية يحتاج ورقة من الاتحاد الكويتي لكرة اليد.

الاتحاد والنادي علاقة مو زينة، مو مشارك الاتحاد ومو مشارك النادي وكذا. فأنا عنده، أنا أدري بالقصة، فقلت حق الدكتور، قلت له: دكتور، النادي مو زي مع الاتحاد، إحنا لاعبين مالنا شغل، إحنا نبي فلوسنا، شنو الإجراء ولا شنو كذا؟ قال لي: والله فهد، لازم تجيب لي سكور شيت، اللي هو تسجيل، قائمة تسجيل لاعبين من الاتحاد، معتمدة.

طلعت، فأنا وفهد فريد، الحين قلت له: لازم نروح الاتحاد، يب سكور شيت وكذا. دقيت على النادي، دقيت على المشرف عمر الزعابي، قلت له: أبو زعابي، كذ كذ الموضوع. يقول لي: فهد، إحنا مبدئياً الأساسي إن إحنا مو معترفين في الاتحاد. فلما راسل الاتحاد، هذا اعتراف ضمني. خاطبات، كتابنا وكتابكم، تعتبر إني أنا معترف فيك ككيان، كمجلس إدارة ككذا. فيقول: إحنا مسكرين الباب وياهم.

الحل، حسيت إنه ما عنده حل. قلت له: أنا بحاول محاولة. كان أروح الاتحاد، قعدت مع رئيس اتحاد بو بدر، العم أبو بدر ناصر صالح ب مرزوق. خذيت وياي مشعل سويلم، مشعل سويلم، يعني لاعب وه اسمه وتاريخه في اتحاد أو في لعبة كرة اليد، فبالالتحاق ولا تاريخه وخدم الرياضة الكويتية. الصراحة دقيت على مشعل، قلت له: أبو جراح، أبيك بمشوار باكر. إيش فيك؟ قلت له: كذ كذ الموضوع، بس أبيك وياي، أساس يعني اللقاء يكون حبي أو ودي. أوكي، ومشال ويانا، يعني هم راح ينزل له المبلغ، فهو مستفيد وهم بيفيد ربعك.

وراحنا أنا وبوش، راح قعدنا مع ناصر صالح، وقلنا له، قلنا له: أبو بدر، إحنا نكلمك يعني بصفتنا عيالك. هذا مشعل سويلم، أنت يعني أخبر، وطلعت وياه معسكرات وبطولات وكذا، واللاعبين اللي بالنادي كلهم حسبه عيالك. وأنا قبل كم سنة كنت يعني عندك كابتن المنتخب الأولمبي وكذا، فإحنا إن شاء الله إن نكون ما قصرنا بحق المنتخب، وهذا واجب، ما هي منه. ولكن إحنا اليوم في مشكلة بين الاتحاد وبين النادي، وإحنا لا، إحنا مكم، ولا إحنا ضدكم، ولا مع النادي، ولا ضد النادي. إحنا بالنهاية نحترم وجهة نظركم، ونحترم وجهة نظرهم، بس نبي حق، وإن شاء الله اللي له حق بياخذه. بس إحنا ما يصير تعطل فلوسنا أو رواتبنا، الاحتراف الجزئي بناءً على هذه المشكلة.

قال: شو اللي تامر فيه؟ قلت له: أبي سكور شيت مختوم منك. قالوا: سلام، كذا السكرتاريا، تعال. سكور شيت خلال دقيقتين عندي. الورقة هذه باكر رديت حق دكتور جاسم الويدي، قلت له: دكتور، هذه الورقة، ترى أنا يبتم الاتحاد وكذا. وهذا قال: بس كذا ملفكم كامل، عطني أسبوعين إلى عشرة أيام تحول الفلوس. جزاك الله خير، أسبوعين، ع أيام الفلوس بحسابات اللاعبين.

هني نفس ما قلت لك، حسيت إني مكانك، هذا يعني قمت أشوف نفسي بالجانب الإداري، خلاص، والأمور الإدارية هذه لازم يبي لها يعني علاقات، لازم معارف، لازم السياسة إنك شلون تعامل. يعني أنا لو رايح مع النادي وبصدام، ما راح يعطوني ورقة. لو رايح مع الاتحاد بصدام، ما راح يعطوني ورقة، وبالنهاية إحنا الخسرانين كلاعبين. ما راح تنزل لك الفلوس، ولا راح يعني تاخذ ورقة قصباً على أي جهة، فتحتاج نوع من سياسة، تحتاج نوع من إنك تعامل الشخص بالطريقة اللي هو يفضلها، مو يعني إنك بتاخذ منه شيء غلط ولا كذا، ولكن حقك.

يعني حتى إنك لما تاخذ الحق، يعني أهم نوع من أنواع الفن إنك شلون تاخذ حقك بطريقة سليمة. مو الصراخ ولا اللويه ولا الصدام ولا الهوشة هي اللي تجيب لك حقك، لا، وصولك لحقك أنت، هذا فن. لازم أنت تعرف التعامل مع كل شخص، وهذا الأمر يعني بالرياضة، أو حتى يمكن الحين بالمهنة أو بالمحاماة ولا كذا أيضاً. هذا الأمر الصراحة يعني تعلمته وتعودت عليه. ما أقدر إني، ولا من الناس اللي أروح وأتصدم على أساس أسوي شو، على أساس آخذ حقي. لا، لا، في مسؤولين أو في موظفين صغار، يمكن أول يوم دوام، يحتاج معاملة خاصة إنك تقوله: طال عمرك، عشان يخلص لك الكتاب. وفي موظف يحتاج إنك ما تسلم عليه عشان تاخذ شغلك، وفي موظف لازم تقعد عنده وتشرب شاي وقهوة وفطاير وكذا عشان

تخلص كتابه، فالناس أطباع، وأنا بالنهاية لو أنا بمشي على أنا طبعي شنو وأنا كذا شغلي كله ما راح يمشي.

أبو أحمد، إحنا خلنا ناخذها الحين من البداية كلاعب، يعني من كنت بالمراحل السنية، كنا نروح الملعب أو نروح النادي حبًّا بالرياضة، ما كنا ننطر لا مكافأة ولا راتب.

بعد ما كبرنا أو تغير القانون، صار في قانون الاحتراف الجزئي، بعدها دخلنا في الاحتراف الكلي.

المراحل هذه كان في مفترق طرق في كل مرحلة لها. إحنا نبي نتكلم عن البداية يوم كان اللاعب، ما أدري، صلّح لي، إنه كان مملوك للنادي، النادي هو اللي تحكم باللاعب، وما هو مسموح له إنه يطلع من النادي إلا بموافقة الإدارة.

شوف، هذه نقطة، يعني كل الدول في الجانب الرياضي بلشت في الطريقة هذه، سواء في أوروبا، في الدول اللي سبقتنا، في الدول العربية الخليجية، كل دول بلشت، يعني رياضية نتكلم في هذا الجانب، إن اللاعب، يعني نس، ما نقول إحنا ملك للنادي لحين موافقة النادي.

طبعًا إحنا بالكويت تأخرنا في هذا الأمر، وإحنا كنا، يعني، في فترات طويلة ل تقريبًا 2007، أصلًا كنا نلعب نفس ما ذكرنا، يعني بلاش، بدون مقابل. كنا ننطر إذا حققنا بطولة المستوى، أكلم يعني المحلي، كنادي القادسية أو أيضًا كمنتخب.

بعدها تاخذ مكافأة يمكن عن طريق المنتخب أو حتى النادي. في لائحة، لائحة، لائحة الجوائز والمكافآت موجودة في الهيئة العامة للرياضة، في حال أنت كمنتخب أو كنادي حققت بطولة خارجية. يعني مثال نادي القادسية شارك بطولة آسيا، خذ الأول على آسيا، في لك رقم معين.

المنتخب شاركت، خذيت ثاني كأس آسيا أو ثالث كأس آسيا أو أول كأس آسيا، في لك رقم أو يعني مكافأة معينة. بس هذه البطولات، أنت أول شيء مو سنويًّا تشارك مع المنتخب، وأنت مو سنويًّا تحقق مع المنتخب، وأيضًا مع النادي أنت مو سنوية، أتكلم عن المشاركات الخارجية.

المشاركات المحلية، الدوري والكأس وكذا، هذه ما كان في لها نفس ما نقول إحنا لائحة أو جائزة معينة. فكنا إحنا، يعني، نلعب أساس ناخذ بطولة حق النادي ونكون إحنا الأبطال، وما ندري كم بناخذ، يمكن في مرة من المرات خذينا كأس ولا كذا.

شخصيات داعمة، شخصيات رياضية، ثمان أو سبع شخصيات، هم اللي تكفلوا وقالوا: إحنا نبي نعطي لاعبين كرة اليد الأبطال، إنهم يعني حققوا إنجاز حق النادي وكذا. فكنا حتى وإحنا رايحين التكريم، قبل التكريم، ما ندري كم مكافأته، ولكن كنا نروح، يعني، احترامًا وتقديرًا للناس اللي قدرنا.

ونفس ما نقول إحنا، يعني وجبتنا من ناحية، يعني نفس ما نقول، مادية أو حتى معنوية، فكنا نروح. وما كان هذا هدفنا الأساسي، إن إحنا نبي مكافأة ولا نبي كذا. قلت لك، كنا ندش ما ندري كم المكافأة، فكنا نلعب حق النادي، حق أسامينا، حق المنتخب، حق مسيرتك أنت كلاعب، إنك تحقق إنجازات، إنك تحقق بطولات كذا.

فكان الأمر، يعني، ما في مردود مادي، للأمانة. الكلام يعني ترى قبل فترة بسيطة، ما أتكلم أنا عن، يعني، ما كان في مردود مادي للاعب الكويتي بشكل عام. كانت هي ممارسة هواية، مارست هواية، بل بالعكس، مرات أنت يمكن كنت تخسر أشياء، يمكن إصابات، صحة، دراستك، جانب اجتماعي، تغيب عن أهلك فترات كذا.

مرات نكون برمضان بعيد، أنت برا الكويت، ففي جوانب اجتماعية في ماه، إن شاء الله، خسارة، ولكنها يعني كان الأولى إنك تكون في نفس ما قلنا مكان ثاني، يعني يكون بالنسبة لك أفضل.

فاستمرينا تقريبًا ل27، بدأت رواتب الاحتراف الجزئي تنزل عن طريق الهيئة العامة للرياضة، بعد ما يعني تم تشريع قانون رقم 49 على 2005، وكان هذا القانون يقول إن حق كل لاعب معاش شهري قيمته 400 دينار.

بدأت، يعني، نفس ما أقول لك، نوعًا ما شوي الأمور المادية بالنسبة للاعب يصير فيها نوع من، يعني نفس ما أقول لك، إي، يعني بدأ اللاعب نوعًا ما يتنفس ماديًّا. ما هي، يعني، إن شاء الله، يعني، رزق من الله، ولكن ما راح تغنيك 400 ولا بدونها، أنت يعني ما راح، على قولتهم، وتنامي نفس ما نقول إحنا.

ولكن يعني بالنهاية 400 دينار بالشهر تعتبر رزق من الله، وكل لاعب يعني يستحقها. فلذلك بدأ نوعًا ما يصير، يعني، في رياضة بدأت تتعدل نوعًا ما، أو في مردود مادي نوعًا ما.

حتى أذكر وقتها في لاعبين مبطلين بدوا يردون نادي، إي، بأكثر من لعبة وأكثر من نادي. بدوا لاعبين قدامى، مبطل صار له سبع ثمان سنين قاعد بالبيت، بدأ يتمرن، يعني إيش عندك؟ فخلاص بدينا إحنا نعرف إنه قاعد يحسب 400 على معاشه على كذا، وبدوا لاعبين كبار كانوا يبطلون، استمروا ويكملون.

وهذا يعني ماه نوع، ما أنا أشوف إن حق مشروع، طالما إن أنت تقدر تعطي والفريق يحتاجك، بالعكس استمر وكذا، وتاخذ، يعني، الاحتراف الجزئي كمقابل، يعني، للعمل اللي قاعد تسويه.

استمرت هذه الأمور، بعدها تعدل قانون الاحتراف الجزئي، أو صدر قانون أو قرار من ديوان المحاسبة، إن لا، الاحتراف نص عليه القانون ب500، النادي ما يصير يقص 100 صندوق اللاعبين.

بدأ يصير، يعني، الاحتراف الجزئي كمستوى إي وبي وسي، مبلغ إي 500، سي أو بي مبلغ ثاني، وسي مبلغ ثاني. يعني بدأ تصير نفس فوارق نوعًا ما أو مستويات بالنسبة للاحتراف الجزئي حق كل لاعب على مستواه الفني، قدره، يعني، النادي نفسه أو مدير الجهاز أو مدرب الفريق، على حسب كل نادي والأسلوب اللي يتبعه.

بعدها هني، يعني، نفس ما نقول، الناس بدأت تعرف العقود، بدأت تعرف الفلوس، بدأ تعرف شنو واجباتها كاندية، أتكلم، بدأ تتعرف متى، يعني متى أقدر أنا أحج النادي، ومتى النادي يقدر يحجن.

يعني إحنا قبل يمكن كان اللاعب الحلقة الأضعف في على مستوى النادي، وهذا يمكن الأمر نوعًا ما. اليوم أنا ما أقول لك اللاعب، يعني، ولكن لاعب اليوم صار له قيمة. ما أتكلم عن قيمة فنية داخل الملعب أو قيمة مالية داخل كذا، ولكن قيمة كمركز قانوني.

يتكلم اليوم: أنا لما أقعد وياك، ي فيي أنا وياك، لك حقوق، صح؟ بس لي حقوق ولك واجبات، أو علي واجبات تجاهك، وأنت أهم عليك واجبات تجاهي. فبدأ الأمر نوعًا ما، نفس ما نقول إحنا، اللاعب يتكلم في صوت أو نبرة أعلى بالحق.

طبعًا، إنه أنا لي كذا، أنت ما أعطيتوني كذا، أنا ما راتبي ما نزل، تأخرت علي في بند، ما سويتوه في بند يبيح لي إني أنتقل الموسم القادم. فبدأت، نفس ما أقول لك، اللغة، يعني، الرياضية تتجه إلى، يعني، قالب قانوني.

أو بدأ لاعب حتى هو، اللاعب نفسه، لازم يطلع على الأمور القانونية، لازم يسأل محامي، لازم يسأل زميل، لازم يسأل لاعب نفسه طاح، لا سمح الله، بمشكلة، يقوله: شنو سويت؟ شنو إجراءك مع النادي؟ شنو كان دور الاتحاد؟ شنو دور الهيئة؟ شنو تنصحني أسوي قبل أوقع؟ فبدأت هذه الأسئلة، يعني، نفس ما نقول، تصير بين اللاعبين وأحاديثهم الجانبية.

قبل لاعب، نفس ما قلنا إحنا بداية حديثنا: كرة، ألعب كرة، أبي أفوز، أبي أخسر. لا، اليوم أنت لاعب، لازم يكون عندك، ما أقول لك إنك تكون، يعني، مطلع على القانون الرياضي بشكل كامل، ولكن لازم يكون عندك، يعني، نس ما نقول إحنا، مدخل إلى القانون الرياضي أو ثقافة قانونية رياضية، لأنها يعني بتحافظ عليك من أمور وبتعطيك مميزات وايد إذا كنت عارفها.

فبدأ اللاعبين يلجؤون، الصراحة، إلى أكثر من، يعني، شخص قانوني، إلى أكثر من محامي، إلى أكثر من وكيل أعمال، أساس يرتب أموره التعاقدية، خاصة اللاعب، يعني. وهذا ك، يعني، لغة رياضية أو جانب رياضي.

اللاعب، يعني، المفروض إنه يكون متفرغ بالنسبة كبيرة إلى الملعب. حتى إحنا ما تشوف عندنا مثال تفرغ من الدوامات أو التفرغ كذا، لأنك أنت لاعب، لازم وظيفتك إنك تكون داخل الملعب. اترك عنك دوامك، اترك عنك مشاكل الدوام.

فنفس الشيء بالنسبة للعقود الرياضية، لازم أنت تكون، يعني، مع شخص تثق فيه من ناحية قانونية، وهو يدير لك المشهد كامل، إنه عقدك كم اللي لك، كم اللي عليك، متى تستلم فلوسك، شنو نسوي بهالطريقة، شنو نسوي بهالحالة، أوراقك تكون عندي.

هذه أمور كلها أنت لازم كلاعب، يعني، نفس ما قلت لك، تشتغل مع شخص تثق فيه وتترك هذه المهمة له، وأنت، يعني، نس ما أقول تركز في الملعب. هذا يعني الأمر الصحي، أو إذا نبي نسوي شيء، نفس ما نقول إحنا، فل مارك، يعني أنت لك الملعب ومحامي أو وكيلك للأمور اللي هي خارج الملعب.

بدأوا اللاعبين يلجؤون إلى أكثر من محامي. بدأت تصير عندنا، يعني، ملابسات أو أخطاء قانونية، وإن شاء الله إنها تكون عن، يعني، غير قصد، لأن المادة جديدة تعتبر على اللاعبين، على القانونيين، على المحامين، على المدربين، على أعضاء مجالس الإدارات في الأندية.

يعني كأني جبت لك قانون جديد وقلت لك: يلا اشتغل، طبق. فطبيعي إنك راح تطيح بأخطاء، تطيح بأمور، نفس ما نقول إحنا، السوابق قانونية أو قضائية، شيء جديد، أول مرة يصير، شو نسوي بهالحالة؟ فهذا أمر طبيعي، ما هو قصور لا من الجهات ولا هو من اللاعبين ولا هو من الإداريين، ولكن أمر جديد بالنسبة لنا.

فطبيعي إنك، يعني، نفس ما نقول إحنا، يكون في أول سنوات ما يكون، يعني، بيرفكت أو ماشي صح. حين ما توصل إلى، نفس ما نقول إحنا، أرض أو بيئة تكون، يعني، قانونيًّا سليمة. شيء بالشيء يذكر، بداية هذا الأمر، ما قلت لك، إحنا متأخرين فيه بالكويت، ولكن يعني، على قولتهم: تصل متأخرًا خير من ألا تصل أبدًا.

إحنا بالكويت تأخرنا في هذا الأمر، ولكن حتى في أوروبا يمكن أوروبا ترى في سنة 90 صار عندهم نقلة نوعية كبيرة في القانون الرياضي، سنة 90 أو 89 تحديدًا، وصار أمر أو حدث يطلق عليه الحين، وأمر مشهور أو قصة مشهورة تقدر ترجع لها في أي يعني برامج تواصل اجتماعي أو مصادر في أمر صار اسمه قانون بوسمان. هذا قانون بوسمان يطلق على يعني أو سمي بناءً على شخص أو لاعب اسمه مارك بوسمان. هذا لاعب بلجيكي مغمور مو معروف على المستوى، يعني نفس ما نقول إحنا الفني، مو معروف إنه لاعب يعني زين أو لاعب كان لاعب حتى مستواه عادي. طلب منه ناديه إنه يجدد العقد، وهو رفض تجديد العقد أو إنه يستمر مع النادي لموسم إضافي، وكان عنده عرض من نادي ثاني. وهذا الكلام يعني حتى يمكن بالدرجة الثانية أو كذا، يعني حتى كمستوى فني ما هو يعني بروش أو كذا. فالنادي الثاني قال له: أنا أبي خدمات هذا اللاعب، وأبيه ينتقل من النادي اللي أنت فيه إلى ناديه. الناديه رفض، قال: لا، ما يطلع هذا لاعبي وموقع وياي وعلى طول وكذا. نفس ما يعني تفضلت، إن اللاعب يكون طول عمره يعني نفس ما نقول إحنا تحت أمر النادي هذا. بوسمان نفس ما نقول إحنا قال: أنا عساني ما لعبت كرة قدم، بس أنا أبي آخذ حقي. فراح لجا حق محامين اثنين، ورفع دعوى عمالية بالمحكمة الأوروبية. رفع دعوى، قال حق المحكمة: إن أنا كلاعب وانتهت فترة يعني عقدي مع هذا النادي، فخلاص أنا بروح نادي ثاني، ولازم أوقع عقد جديد أو أوقع يعني نفس وظيفة جديدة أو أوفر جديد أو ديل جديد يعني، وأنا موافق عليه، والنادي الثاني معطيني شيء أنا يعني موافق عليه، كل الشروط سواء مادية كذا. طبعًا خذت القضية سنوات تقريبًا سنتين أو ثلاث إلى ما صدر حكم من المحكمة قالت إنه فعلًا كلام بوسمان هذا كلام سليم، ويحق لأي لاعب إذا انتهى عقده إنه ينتقل، بل يحق لكل لاعب قبل انتهاء عقده بفترة ستة أشهر إنه يتفاوض مع أي طرف ثاني أو أي نادي ثاني، مع تعويض بوسمان مبلغ كبير مادي؛ لأن النادي هذا ما خلاه ينتقل وطوّف عليه، نفس ما نقول إحنا، فرصة كسب حقيقية نسميها في القانون.

من هني تقريبًا سنة 93، يعني العالم الأوروبي أو الرياضة بأوروبا، نفس ما نقول إحنا، تحررت من القيود. ويمكن في تصاريح وايد مشهورة، حتى السير أليكس فيرغسون، مدرب مانشستر يونايتد، قال: أنا وقت الحكم هذا قمت أشوف كل لاعبي العالم قدامي فري، إني أي لاعب أشوفه يمكن أقعد وياه أو تقعد وياه إدارة مانشستر يونايتد، نتفق ونوقع، باكر يصير لاعب مانشستر يونايتد. فيقول: هذا القانون قير يعني مجرى الرياضة في أوروبا، غير كرة القدم، غير كثير من المفاهيم القانونية الرياضية، وفتح لنا صفحة جديدة في الرياضة. بوسمان عنده تصريح بعد هذا القانون يقول: أنا اللي سويت ثروة رونالدو وبيكم ورونالدينيو. فهذين اللاعبين اللي الحين تشوفونهم يعني عندهم ملايين، أنا السبب، وأنا كذا لازم تشكروني وكذا، فنوع من يعني أنواع تصاريح يعني.

الطريفة بعدها خلاص بدأوا كل اللاعبين يمشون على هذا الإجراء وهذا القانون اللي هو قانون بوسمان. بدأ يعني نفس ما نقول إحنا ياخذ محمل جد، وتعتمد عليه جميع التعاقدات القانونية، ونصت المحكمة في هذا الحكم تحديدًا وقالت إن أي لاعب هو يعتبر موظف، فيحق لك أنت اليوم إذا موظف في جهة عمل معينة، يحق لك إنك تنتقل بعد انتهاء فترة تعاقد مع هذه الجهة، وتروح جهة عمل ثانية قدمت لك نفس ما نقول إحنا راتب أفضل، أو عطتك وظيفة أفضل أو منصب أفضل. فاليوم من حقك أنت إنك تروح وتنتقل. وكانت دقيقة جدًا في حكمها، وعطت فترة ستة أشهر؛ لأن إحنا اليوم كثير من اللاعبين تلقى فترة الانتقالات شهر أو شهرين، فالنادي ما يمدي يتفاوض معاك، وما يمدي يسجل، وما يمدي يوافق ولا شو. فقالت لك: قبل ينتهي عقدك بست شهور تقدر تروح تقعد تتفاوض مع أي نادي، وإذا وافقت ما عندك أي مشكلة توافق وياهم وكذا، تنهي فترتك مال الست أشهر مع ناديك الأساسي، ومن بعد الست أشهر أنت تكون لاعب لناديك الجديد. هذه فيها نوع من يعني حتى الأمان الوظيفي. إحنا نتكلم إذا شفنا كرة القدم أو شفنا الرياضة كجانب وظيفي أو إن هي وظيفة. أنا اليوم إذا موظف في هذا النادي، قد بعد يعني ست أشهر هذا النادي ما يحتاج خدماتي، فأنا لازم أكون مجهز يعني مصدر رزق بالنسبة لي أو وظيفتي ليه بعد ست أشهر. أنا اليوم هذا النادي مو شرط أنا مابي، يمكن هو ما يبيني، فأنا بعد ست أشهر بنتقل من هالنادي، بروح النادي الثاني، وعندي معاش وعندي راتب وعندي كذا؛ لأن هناك بالنسبة لهم يعني مصدر الدخل الوحيد للاعب اللي هو رياضته، كرة القدم، كرة السلة، كرة أي يعني رياضة يمارسها. فلذلك كان في نوع من الاستقرار الوظيفي والأمان الوظيفي للشخص أو للبيئة وللأسرة بشكل كامل.

وعشان كذ الحكم كان جدًا يعني يعني راعى جوانب مو بس رياضية، جوانب اجتماعية، جوانب حياتية يعني. اللاعب اليوم إذا كان رب أسرة أو يعول أسرة، وكان مأمّن مستقبله أو معاشه أو راتبه لمدة سنتين قدام، فأنت حفظت أسرة كاملة، سواء زوجته، عياله، معاشاتهم، إيجاره، كل الأمور هذه، هو مأمّن على نفسه لمدة سنة أو سنتين قدام. أما إذا قال لك: أنت ما تتفاوض إلا قبل التعاقد بأسبوع أو شهر، هني ممكن أنت تسبب مشكلة اللاعب، وهذه المشكلة راح تصير مشكلة اجتماعية في البيت. اللاعب ما عنده مصدر دخل باشر، عنده التزامات أسرية، زوجة، عيال، بيت، مدرسة، إيجار، سيارة. هذه الجوانب كلها يعني تنظر في أوروبا، الأمانة، مو بس كجانب رياضي بل أكثر من ذلك. عشان كذ تشوف الجانب الرياضي نوعًا ما صحي أكثر من الأمور اللي عندنا هناي في الكويت. بعدها يمكن هالحكي، نفس ما قلنا، 93، 95 بدأت الأمور تمشي في هذا الطريج أو هذه الطريقة. أيضًا هذا الحكم يمكن تطرق إلى جوانب أخرى، إن اللاعب الأوروبي يعامل في أوروبا كسيتيزن أو مواطن أو كذا يعني. تطرق إلى أمور ثانية فنية بالملعب أو في كرة القدم، ولكن الجانب الأهم اللي تكلمنا عنه هو الجانب القانوني.

عندنا يعني المسألة أو القضية في الكويت، أو نفس يعني إحنا ما نقول القانون في الكويت، للأسف ما كان موجود هذا الأمر، ولو إن يعني قانون بوسمان تم العمل فيه وتم الاعتراف فيه، ولكن إحنا للأمانة يعني متأخرين تأخر كبير على الجانب الرياضي القانوني تحديدًا. أتكلم يمكن فترات طويلة، إحنا استمرينا التسعينات، قانون بوسمان ما حرك في رياضتنا أي ساكن. الألفينات دشي تقريبًا ما تحركنا أو ما سوينا أي يعني أرض قانونية تحمي الكل. ما أقول لك أنا بس تحمي اللاعب، ولا تحمي، تحمي اللاعب، تحمي النادي، الاتحادات، الجمعيات العمومية. فكان الأمر نوعًا ما يعني الرياضة من قانونية ما أقول لك ضايعة، مو موجودة على الخريطة يعني، ما تشوفها حتى. كانت يعني يمكن الجمعيات العمومية مشاكلها، كنا نلجأ للمحكمة العادية اللي هي المحكمة المدنية. النادي يرفع قضية على على لاعب، اللاعب يرفع على النادي، يطلب فسخ العقد. بعض يعني القضايا المدنية تاخذ عدم اختصاص وتقول لك إن هذا العقد مو مدر. فكنا الصراحة يعني في فراغ قانوني، فراغ، فراغ تشريعي قانوني كبير، الأمانة.

ليه تقريبًا يمكن لما حاش الكويت الإيقاف، وواحدة من أسباب يعني رفع الإيقاف أو الموافقة على رفع الإيقاف من اللجنة الأولمبية الدولية، إنه يجب على الكويت إنها تنشئ الهيئة الوطنية للتحكيم الرياضي. هذه الهيئة الوطنية للتحكيم الرياضي، يعني كمسمى رسمي، ولكن لكن في لغة يعني على قولتهم عامية هي المحكمة الرياضية. أي نزاع رياضي بين أي لاعب واتحاد أو جمعيات العمومية أو الأمور هذه، ومطالبات المالية بين اللاعبين، المنشطات، الأنتي دوبين، كلها اختصاص الهيئة الوطنية للتحكيم الرياضي كاختصاص محلي، اللوكل. هذه الهيئة طبعًا يعني قراراتها سارية، وإذا قدمت فيها شكوى وصدر فيها حكم يعتبر حكم نهائي، ما يجوز إنك تطعن عليه أمام محكمة الاستئناف في الكويت أو محكمة تمييز. في حال صدور حكم نهائي فيها فهو يعتبر نهائي، وبعد أخذ يعني نفس ما نقول إحنا الصيغة التنفيذية ينفذ هذا الحكم. في حالة يعني إنك تبي تطعن على هذا الحكم، أو نفس ما نقول إحنا ما كان من صالحك هذا الحكم، تروح تلجأ إلى المحكمة الرياضية الدولية اللي هي الكاس.

بس سويسرا موجودة تقريبًا. أيضًا انشأت الكاس، يعني أنا بقول لك حتى كتو يخ على أساس نعرف إن إحنا نفس ما نقول إحنا إيش كثر متأخرين. الكاس تقريبًا بـ84، سنة 84 أو 83، هذه السنين بدأت الكاس يعني يصير فيها اعتراف رسمي من اللجنة الأولمبية الدولية، وبدأت تصير هي المحكمة الرياضية الدولية لأي نزاع رياضي دولي. فبدأت خلاص اللجنة الأولمبية الدولية تعترف فيها وتقول حق جميع الاتحاد، اتحادات، الاتحادات الدولية، أتكلم الفيفا، اتحاد اليد، الطائرة، كلهم يقوللهم إن أنت وأي نزاع رياضي عندكم راح تلجوا حق محكمة الكاس. فهني صار يعني هالحكي بـ84 تقريبًا في سويسرة. إحنا نتكلم عن الهيئة الوطنية لتحكيم الرياضي.

يعني هو بالقانون، بقانون 2017، قانون 87 على 2017 تم يعني الص عليها و

يعني أنا قولتهم طبقت 2019، 2020، يعني مع الكورونا تقريبًا، إحنا من 84 لـ2020، يا الله خذينا الخطوة اللي المفروض إنه نكون يعني ماخذينها ك، يعني كجهة قضائية لحل جميع النزاعات الرياضية داخل دولة الكويت، ولكن يعني الحمد لله إحنا وصلنا لنقطة إن شاء الله إنها تكون يعني مضيئة، أو إنها يعني حل لهذه النزاعات الرياضية. بدأت طبعًا هذه الهيئة بالعمل، وبدأت تتوافد عليها نس ما نقول نزاعات الرياضية، أو المشاكل الرياضية بين الجمعيات العمومية، بين الاتحادات، بين اللاعبين ومشاكلهم، التظلمات من قرارات الكادا، اللي هي مكافحة المنشطات، لجنة مكافحة المنشطات، أو منظمة مكافحة المنشطات الكويتية، اللي هي تابعة حق وادة. فبدأت يعني النزاعات الرياضية هذه كلها تصير عند الهيئة الوطنية للتحكيم الرياضي.

شوية تترتب، أي بدأت تترتب، وبدأ يتم العمل، حتى أنا كشخص رياضي، كلاعب، كمحامي، كممثل على القانون الرياضي، أعرف إنه إذا لي حق راح آخذه من هذه الجهة، أو إني ألجأ لهذه الجهة. أنا نفس ما قلت لك، قبل تقريبًا أربع وخمس سنين كان في، نفس ما تفضلت، فراغ تشريعي كبير، اللي عنده مشكلة رياضية ما يدري وين يروح. ناس تقول أروح المحكمة، ناس تقوله لا، أنت لازم ترفع دعوى كذا، ناس تقول روح كاس على طول، ناس تقوله لا، لازم تقدم تظلم في لجنة التابعة للاتحاد المعني. كانت يعني أسئلة وأجوبة، يعني ما أقول لك غلط، ولكن كل من يدلي بدلوه، أنا أقول رأي، أنت تقول رأي، هذا يقول رأي، هذا مو بشرط، يعني مو شرط إنه يكونون كلهم خطأ أو صح، ولكن فراغ فعلًا. ممكن أنت رأيك صح وأنا رأيي صح، وإحنا مختلفين في الآراء، فالناس كانت ما تدري وين تروح.

أكلمك على الناس اللي عندها نزاعات رياضية، هذا أبو أحمد، حتى مثلًا إذا قاعد نتكلم عن المدربين الأجانب، أو اللاعب الأجانب اللي قاعد يجون بعقود، وهو احتراف كلي، هذا إذا لا سمح الله صار أي شيء، أو خلاف بينه وبين النادي، شنو كان اللي قاعد يصير؟ شوف، اللاعبين اللي عندهم نفس ما نقول إحنا عقود محلية، محكمة كاس، اللي هي الدولية، دائمًا تأيد وتعطي سبورت للمحاكم اللوكل، فكانت تشجع إن كل دولة يكون فيها هيئة تحكيم رياضي، الارب بتريش، لازم لازم يكون عندك أنت في ديرتك. ففي حالة لاعب أجنبي يبي يروح حق كاس على طول، وعنده عقد مع نادي محلي هني بالكويت، محكمة كاس بأغلب قراراتها التحكيمية كانت تقوله لازم تلجأ إلى المحكمة الوطنية، أو الهيئة الوطنية اللي موجودة بديرتك أنت كالكويت. ليش ما رحت حق الكويت؟ روح حق الكويت وخذ حكم، وفي حالة هذا الحكم ما، يعني نس ما نقول إحنا، أعجبك أو ما كان يعني يوافق الأمر اللي أنت تشوفه، تقدر تيني كطريقة طعن في الاستئناف، كان تطعن الحكم هذا. الحين هذا الحين قبل، قبل ما كانت موجودة هذه الأمور، فكانوا أغلب اللاعبين نفس ما قلت لك يلجؤون إلى محكمة كاس دايركت، أي دايركت، أو يلجؤون إلى المحكمة العادية هني، المحكمة المدنية. عادي يروح قصر العدل، ولا يروح كذا وهذا، ويقول حق يعني المحكمة إن أنا أطلب فسخ العقد وأنا كذا، فكانت فيها يعني، وفي أحكام كانت تاخذ رفض الدعوى، لأن هذا نزاع رياضي ما هو نزاع مدني، ففي ناس كان لهم حق، ولكن الأمانة ما قدروا ياخذونه، لأن العملية ما كانت واضحة نوعًا ما من ناحية تشريعية.

فيمكن أنا تكلمت في هذا الأمر في أكثر من نقطة. القانون 87 على 2017 ما هو قانون مثالي، ولا هو قانون، يعني حالة حال كل القوانين، يعني في إيجابيات وفي سلبيات، ولكن النقطة الإيجابية الأبرز بالنسبة لي كشخص قانوني إنه نص على إنشاء الهيئة الوطنية للتحكيم الرياضي، إن هي تكون الجهة الخاصة لفض أي نزاع رياضي.

الحين أبي أروح حق العقود. أنت قبل شوي ذكرت إن في عقد محلي، الحين هل في فرق بين العقود مع اللاعبين الأجانب واللاعبين المحليين؟

اللاعبين، يعني الأجانب اللي يونه من برا، أنت بالنهاية تتكلم عن يعني أطراف العقد، بغض النظر عن الجنسية، بغض النظر عن الاسم، بغض النظر عن كذا. مثال، اللاعب الأجنبي اللي من برا يختلف عن اللاعب حلي في العقد في شغلة واحدة، في اللوائح. مثال الاتحاد، مثال اتحاد اليد أو القدم أو السلة أو كذا، يقول لك لك تسجيل خمس محترفين، مثال، فهذا المحترف يسجل كلاعب من المحترفين الخمسة، كبطاقة لاعب، إن هذا لاعب محترف، ولكن علاقة المحترف هذا مع النادي كعلاقة تعاقدية ما تختلف عن لاعب، أو ما تختلف عن اللاعب المحلي بالعلاقة التعاقدية. أتكلم أي عقد، في طرف أول كنادي، وفي طرف ثاني كلاعب، لاعب سين صد كذا اسمه، وجنسيته، لك المبلغ الفلاني خلال موسم، أو موسمين، أو ثلاث، أو على حسب الاتفاق، تتقسم على معاشات لك، مكافأة كذا عليك، في حال أخطأت في كذا، في حال كذا عليك عقوبات تفرض في حال إنك ما التزمت في بعض التمارين، بعض المواعيد، بعض الاجتماعات، بعض المعسكرات، بعض المباريات الرسمية. هذه كلها أيضًا يعني ممكن تسبب خطورة على اللاعب إذا ما التزم فيها.

إذا يعني تم مخالفتك من قبل الاتحاد في سوء سلوك، قد يخصم من يعني أجرك كلاعب. إذا تم يعني نفس ما نقول إحنا فحصك في الكاد، اللي هي المنشطات، وتم يعني كانت النتيجة إيجابية وتم إيقافك في الوكالة الكويتية لمكافحة المنشطات، أيضًا يخصم مرات كله مذكور بال، كله مذكور أيضًا. التصريح يمكن في بعض الأندية ولا كذا اللي تكون نوعًا ما يعني بروفيشنال، نفس ما أقول إحنا، في عقودها مجرد تصريح أمام جهات، يعني الإعلام أو التواصل الاجتماعي ضد النادي، قد هذا الأمر يسبب لك نفس ما نقول إحنا إنذار، أو لف نظر، أو خصم من الراتب، أو بعض المكافآت. كل ما كان العقد يعني نس ما نقول إحنا في ديتيلز وديب، كان كل ما ترتب العلاقة، لأن العقد هو يعني ن ما نقول إحنا دستور بين الطرفين. لا سمح الله صارت أي مشكلة، راح نرجع أو نلجأ للعقد نفسه. إحنا شنو قلنا؟ في حال إنك صرحت، أكيد مكتوب. إحنا شنو قلنا في حال إنك يعني مكافحة منشطات كانت يعني على قولتهم الفحص ضدك؟ شنو قلنا في حالة النادي تأخر؟ فكل ما كان العقد مفصل تفصيل كامل، كل ما العلاقة يعني كانت مريحة بين الطرفين. ولذلك في بعض العقود يمكن تكون مفصلة تفصيل كبير، وأيضًا فيها بعض البنود، نفس ما نقول إحنا، الأحكام العامة، إن في حالة حدث أمر طارئ ما ينظم العقد، يتم، مثال، أخذ قرار من قبل مجلس الإدارة، كنوع من إنها تغطي جميع جوانب العقود.

هني في حالة، أبو أحمد، اللاعبين الكويت اللي كانوا يحترفون برا بالخليج، على سبيل المثال، كانت العقود بين النادي والنادي، ما كانت بين لاعب ونادي، صح؟

شوف، هذه للحين موجودة في حالة واحدة. إحنا اليوم اللاعب في حالة توقيعه مع نادي، فهو يعتبر يعني جزء من هذا النادي. فمثال، إحنا لو قلنا سين من لاعبين موقع خمس سنوات مع النادي الفلاني، يقدر نادي، مثال خليجي أوروبي كذا، يبي خدمات هذا اللاعب خلال هالخمس سنوات، يشتري عقده. فهني يا أن يكون نفس ما إحنا تسمعون فيه ولا كذا، الشرط الجزائي، إن في بند إن شرط جزائي دفع مليون وأنا أطلع بدون لا أرد عليك كنادي، أو في حالة موافقة النادي، إننا، مثال، نادي سعودي قال حق نادي كويتي: أبي اللاعب اللي عندك. النادي الكويتي وافق، قال تروح إعارة سنة السعودية وترجع مرة ثانية. دائمًا العقود في حالة موافقة الطرفين، في يعني يجوز يعمل لهم اللي يبونه، نفس ما نقول إحنا، في قاعدة قانونية كذا: العقد شريعة المتعاقدين. إذا أنا وياك متفقين انتهى الأمر، ما في خلاف. إذا أنا وياك في خلاف نرجع حق العقد. ولكن إحنا يمكن، مثال، ما حطينا هذا البند، إن أنا أقدر أروح إعارة موسمين إلى السعودية، ما كتبنا. لما وصلني عرض من السعودية قعدت مع النادي، قالوا: يايب، ليش؟ بالعكس، روح ترزق الله وكذا، وممكن إحنا ناخذ نسبة وأنت تاخذ نسبة، وهذا الأمر يفيدك ويفيدنا. أوكي أوكي، نوقع عقد، ولا نوقع ملحق عقد، أو نوقع موافقة أو كذا. فطالما في اتفاق فما راح نلجأ للعقد. العقد تلجأ له في حالة، لا سمح الله، يعني وجود نزاع أو وجود اختلاف.

فالحين اللاعبين كلهم عندهم عقود. في كرة القدم، في كرة القدم، اتحاد كرة القدم، أي لاعب فريق أول لازم خلاص يكون عنده عقد، وهذا العقد في نسخة منه موجودة في الاتحاد الكويتي لكرة القدم، محدد المدة، محدد كم ياخذ، العقد نسخة منه كوبي تكون موجودة عند الاتحاد المعني. وهذه يعني خطوة الإنه جدًا إيجابية، وأنا جدًا يعني أؤيدها، والصراحة أتمنى من جميع الاتحادات إنه ياخذون هذه الخطوة. الطائرة، السلة، اليد، يعني لأن الاتحادات الثانية يمكن تنص على وجود عقد، بس ما تلزم النادي إنه يعطيني صورة. وكثير من الناس يوني المكتب، يعني لاعبين ولا كذا، يقول لي: أنا عندي عقد مع النادي، وموقعه، بس ما عندي صورة منه وما أعطوني فلوسي. فأقول له: ما أقدر أسويلك، خاصة إذا لاعب مو كرة قدم، أقوله: ما أقدر أسويلك ولا شي. شي ليش؟ أنا دائمًا أحرص وأقول حق اللاعبين أو الربع أو الإخوان أو الزمن: أخ، أخ، أخذ نسخة، وخل وياك شخص قانوني، محامي، أي محامي، أي محامي، ألجأ حق محامي، لأنه يعني هذه الأوراق أو الأشياء هذه من يعني حقوقك الشخصية وممتلكاتك الشخصية. وكتي، ساعتي، تلفوني، غترتي، عقالِي، هذ لازم أخليها عندي. فوقت التوقيع أنا لازم عندي صورة من العقد. أغلب الأندية هني شو تقول؟ يوقع لاعب ويقوم يصور، والمركز الإعلامي يدش وكذا، ويقولوا له: باكر.

التمرين العقد باكر نوقع بس يصدقون عليه وكذا ونعطيك صورة وباكر عقبه اللي عقبه، كذا شهرين ثلاثة شهرين ثلاثة، ما في عقد، ما في عقد، ما في فلوس، ما في عقد، ما في فلوس. مرة بقولك سالفة تضحك. مرة رحت قاعدت مع رئيس نادي.

أنا اللاعبين يعني كلهم إخواني بكل لعبات الأمانة، وكلهم يعني لي علاقة طيبة معهم، حتى لو ما أعرفه، بس مجرد أن يتصل علي ولا كذا أعتبر أخو، لأني عشت يوم من الأيام المعاناة اللي عاشها، حاس فيه. فدق علي واحد من اللاعبين: شلونك؟ شو أخبارك؟ والله كان يقول لي: عندي مشكلة مع نادي. قلت له: خير، أمر؟ أنا طبعاً أسمع، أسمع منه، خليه يعني يفضفض، وبعدين أسئله. يعني في ثلاث أو أربع أسئلة لازم أسأل إياهم.

فقال لي: النادي والنادي، وكانوا بيعطوني ما أدري كم، وعطوني وخذيت بس مبلغ كذا وكذا وكذا وكذا. يعني مادياً الريجال يمكن ماخذ 3، 4% من قيمة عقده الأساسية. كان يقول لي: الحين بشتكي عليهم، والله ما راح أسكت. والله العظيم عساني ما لعبت كرة، وعساني ما كذا. ما، طبعاً يعني دائماً أول مكالمة بيني وبين أي لاعب: قول اللي تبي، أي أي، يعني دائماً هو بهالنبرة، لأنه ما يلج لي إلا إن شاء الله، وحاضر وتم وكذا، وكان لك حق بتاخذه، ولا يهمك، ولا أكبر نادي ولا أكبر كذا، اللي له حق ياخذه، وإحنا بديرة قانون.

وإحنا خلص كلامه، قلت له: عندك صورة من العقد؟ يقول: لا. قلت له: ليش؟ وينها؟ يقول: أنا رحت التمرين أو رحت أوقع، قالوا لي: بعد التمرين. خلص التمرين ومشرف مو موجود، باكر ما أدري شنو عقبه، سافرنا معسكر. قال: إذا ردينا، ردينا من المعسكر، كان ندش بطولة على طول ويكند، المدرب ما شنو مو موجود، المحاسب مسافر. ما يقول: صارلي ثلاث أربعة أشهر، لما طقت كبدي تاو شو ناجر وياهم، أبي فلوسي، ما أبي فلوسي. صار الوضع عناد، ما أطوني العقد. قلت له: وين العقد؟ يقول: عند رئيس النادي. أنت متأكد؟ كان يقول: 100% متأكد.

ليش ما تمشي الأيام وتمور الأيام، ويصير بيني وبين هذا النادي ديل في لعبة ثانية، وقعد مع رئيس النادي تان يقول لي: شلونك؟ شو أخبارك؟ وكذا. رئيس نادي ما يدري إن أنا محامي اللاعب هذا، وما اشتكينا. وقعنا أنا وكذا لاعب جديد، لعبة ثانية، خلصنا، خذيت العقد وكذا ومشيت. أنا أدري إن هذا هو اللي مسوي السالفة باللاعب الأول.

يقول رئيس النادي: ها، بتاخذ العقد ها؟ قلت له: إيه، بعد لازم وكذا. يقول: يا معود اسكت، في عندي لاعب قامت عليه العقد، صارلي أربع أشهر. قلت له: صجك؟ يقول: والله العظيم، حسبه بالنادي، أنا حاطه عندي بالبيت ومخليه. والله لو شنو ما راح يصيد العقد، هذا حاطه بالجوري مال البيت بعد، مو النادي، يا معود. قلت له: أنت مصدق قاعد تكلم؟ قلت له: هذه حقوقنا، وهو ما يدري إن أنا محاميه. قلت له: هذه حقوق ناس، حرام، ما يجوز لا بالشرع ولا بالقانون ولا بالقرآن ولا بالدين. عطوا الناس حقوقها يبا. ما تبي تعطيه المبلغ كامل، ناده، احترمه، احترمه، احترمه، كرجل لرجل. خل عنك الرياضة، خل عنك القانون، احترمه، وقعد وياه. قول لي: أنا كنت بعطيك مبلغ، إحنا ما حققنا شيء هالموسم، ولو إن أنا ضد هالشيء ها، ولكن كحل ها، إحنا ما حققنا شي هالموسم، وأنا أشوف إن هذا المبلغ عالي وما عندي فلوس بالنادي. سوي تسويه معه، تفاوض ويا، تتفاوض وياي. بدال لا تاخذ 50، أنا بعطيك 20 جاهزين، الحين تروح تاخذهم، المحاسب موافق ولا لا؟ والله العظيم كـ90% من لاعبي الكويت بيقول لك: إي، أنا موافق، بس فكني.

فبعض الناس بدأت تتفاخر بال، يعني بالجريمة ولا بالخطأ. يعني هذا الشيء المفروض أنت تستحي تقوله. والله العظيم يقول لي إياه، وهو يظه ق غمت العقد عنه، صار وياه، قدرت عليه، سوى تسويه، طبعاً. وبدأ يعني ضايق مني وكذا.

وكنت دائماً أنا أقول لهم صراحة: كل رؤساء الأندية تربطني، الحمد لله، علاقة جيدة مع كل رؤساء الأندية، وكل يعني رؤساء الاتحادات أو الناس الرياضيين أو الوسط الرياضي يتكلم بشكل عام. ولكن دائماً أقولهم، حتى اللاعبين، الأمانة مهما بو أسيل، يعني مهما حاولت إنك تحجب الحق، بيلك يوم لازم إنك تتكلم بصوت عالي، أو لازم تتكلم وتطالب حق الناس. ولا ضميري ولا يعني مهنتي ولا القسم اللي قسمته كمحامي يرضى إني أشوف شخص يعني لاحق وياني لجال لي كمحامي، كأخو، كصديق، وإني يعني مث ما نقول إحنا أصد عنه، ولا يعني ما أساعده ولا كذا.

يعني ما أدري حتى من يعني جانب كبير، يعني مو مو بس جانب رياضي ولا كذا، ولا حتى مرات لما تشوف شي غلط ولا كذا، أنت كانسان أو كبني آدم ما تقدر تسكت، ما تقدر، ما تقدر. حتى لو يعني على الأقل تنصح، أو يعني تبادرت ح لو في كلمة أو في طريقة، وهذا الكلام يعني حتى بالدين، يعني الرسول عليه الصلاة والسلام، يعني: من رأى منكم منكراً فليغيره بيده، فإن لم يستطع فبلسانه، فإن لم يستطع فبقلبه، وذلك يضعف الإيمان. فمرات إحنا بس تشوف شيء غلط، ودك تغير شيء منه، ما قدرت، على الأقل بقلبك إن هذا الشيء غلط. حتى لو ما تقدر تلجأ، أو ما تقدر تحل المشكلة، ولكن أنت في قرارة نفسك وضميرك داخل مرتاح إن هذا الشيء اللي قاعد يصير غلط. ما تقدر تجامل.

وحتى لو في علاقات، يعني أعترف إن في علاقات اجتماعية بيننا كلنا، إحنا كوسط رياضي، وهذا يصير حق هذا، وهذا خال، هذا وهذا عم، هذا وهذا مناسب، هذا وهذا رفيج، هذا وهذا درس مع هذا وهذا. ومرات ناس يعني نفس ما نقول إحنا اللي بينهم الصراع الأساسي بالرياضة الكويتية يمكن كانوا يوم من الأيام ربع وإخوان، ويسافرون ويروحون مع بعض. فلذلك إحنا مجتمع يعني صغير ومتماسك، وكلنا متداخلين مع بعض. وإحنا لو نبحث ورا بعض ولا كذا، تلقى بالنهاية كلنا يمكن بيننا علاقات أسرية واجتماعية، إحنا يمكن ما ندري عنها. فلذ هذا جانب كجانب اجتماعي وكذا، ولكن نفس ما قلت لك: صوت الحق دائماً عالي، ما تقدر أنت تحجب الحق لو مهما كان، لو القضية أو الأمر كان يعني نفس ما نقول إحنا ضد شخص قريب بالنسبة لك أو كذا، بس بالنهاية الحق حق، مهما كان، لازم تاخذ الحق.

فهد، أبي ثلاث نقاط لازم يحرص عليها اللاعب أثناء توقيع العقد مع أي فريق.

طبعاً يعني النقاط هذه أفتكر في لها جزئين أو لها وقتين. أنا دائماً أقول حق اللاعبين إن أنت قبل توقيع العقد أو مرحلة تفاوض، هذه مرحلة، وأثناء العقد مرحلة، ولو انتهى العقد أو كذا ممكن تكون مرحلة ثالثة. فالمرحلة الأولى، مرحلة التفاوض، أول نصيحة في مرحلة التفاوض إنك تستشير شخص قانوني، بغض النظر عن أي شخص قانوني، أي محامي، أي زميل، أي أخ، أي كذا، اسأل.

المرحلة الثانية أو النقطة الثانية إنك تاخذ وقتك كثر ما تقدر، لا تستع ولا توقع بسرعة. تعال وإحنا نعرفك ونحبك وولدنا ورفيقنا، وأنت عرباوي غ تساوي كذا، توقع وكذا، لا تاخذك العاطفة. الأمر الثالث دائماً نفس ما نقول إحنا في الكويتي: لا تسكر الباب مع أي نادي، سواء وقعت أو ما وقعت. ممكن توقع مع نادي ثاني موسم وترجع حق النادي اللي رفضت عرضه خلال هالمرحلة مالت التفاوض. فلذلك الثلاث نقاط الأساسية في مرحلة التفاوض: تكلم، استشارة أي شخص قانوني، الوقت إنك تاخذ وقتك كثر ما تقدر أثناء فترة التوقيع وما تستعجل ولا تاخذك العاطفة، الأمر الثالث اللي هو يكون نفس ما نقول إحنا لك خط رجعة مع هذا النادي. مو معناته في وايد لاعبين يوقع يقول: خلاص ما أبيهم، ولا لا، لا، أنت ممكن توقع ويا نادي ثاني، ممكن شهر وتفسخ العقد الجديد وترجع حق نفس هذا النادي. فهذه بالنسبة لي يعني أهم ثلاث نصائح أثناء مرحلة التفاوض.

أثناء مرحلة التعاقد أو المرحلة تقديه نفسها، يعني أثناء فترة سريان مدة العقد، هني طبعاً أكيد كل عقد هو ينص على الواجبات اللي موجودة. ولكن يعني أنصح الكل والجميع إن يعني واجباتك أنت كلاعب، أتكلم، إنك تسويها نفس ما نقول إحنا عشرة من عشرة، لأن نقص واجب واحد أو بند واحد ما سويته، يعني تكون ثغرة بالنسبة للطرف الثاني أو النادي إنه يحاسبك عليها. ونفس الشيء بالنسبة للنادي، أساس ما نكون بس مع لاعبين أو كذا، النادي نفس الشيء لازم يسوي جميع التزاماته تجاه اللاعب، على أساس ما يفتح ثغرة بالنسبة للاعب إنه يفسخ العقد هذا أو إنه ما يلتزم في البنود الثانية في هذا العقد.

وأثناء سريان العقد قلنا النقطة الأولى: التزام الطرفين بكامل بنود العقد. التزام الطرفين هو يعني نفس ما نقول إحنا العنوان الأبرز. على حسب كل عقد شنو تفاصيله، يعني ولكن يعني أنا وايد لاعبين يني يقول لي: النادي ما أعطاني فلوسي، ما رايح التمرين. هو أخطأ النادي، بس ما يصير أنت تخطأ، وما أعطاك فلوسك بس أنت تلتزم بالتمرين، وبعد انتهاء العقد يحق لك إنك تطالب أو ترفع دعوى، طالب في حقوقك اللي ما التزمت أو ما التزم فيها النادي أو ما خذيتها. فكثير من اللاعبين يعني يعالج المشكلة بمشكلة، والخطأ بخطأ: أنتوا ما أعطيتوني فلوس اليوم، أنا ماني متمرن، باكر ماني داش المباراة. أوكي، في خطأ من نادي، ولكن ما يصير إنك أنت تمتنع عن يعني التزام في التمرين أو التزام في مباراة أو كذا. فلذلك دائماً حاول تسوي كل واجباتك أنت كنادي أو كلاعب، نفس ما نقول إحنا، يعني عشرة من عشرة.

والأمر أيضاً بالنسبة للطرف الثاني، هذه مجملاً أغلب العقود طبعاً فيها احترام لجهات أخرى، اللي هي نفس ما قلنا: الهيئة أو، عفواً، الوكالة الكويتية لمكافحة المنشطات، إنك إذا لا سمح الله صار نزاع إنك تلجأ إلى الطرق القانونية، يعني في كثير من

اللاعبين يصير نزاع، يطلع يصرح هذا الأمر. ما يجوز إذا صار عندك مشكلة أو نزاع، إنك تقدر تلجأ أو تروح للمحكمة الرياضية المختصة، اللي هي الهيئة الوطنية للتحكيم الرياضي. مجملاً، نفس ما نقول إحنا، نصيحة يعني الأساسية لازم تبتعد عن نفس ما نقول إحنا، الرياكشن أو ردة الفعل، وبنفس الوقت العواطف. ما يصير إنك أنت تكون عاطفي أكثر، لأن هذه علاقة عمل أو علاقة تعاقدية. واحد زائد واحد يساوي أين؟ في المحكمة الرياضية أو في المحكمة المدنية، ما تنظر العواطف، نفس ما نقول إحنا، أو ما تنظر الأمور، يعني الجوانب اللي نفس ما نقول إحنا، لا، بس ما كان يدري، ما كان كذا. واحد زائد واحد يساوي اثنين. البند اللي عليك ما سويته وخليت بالتزامك، فأنت قصرت في هذا البند. البند اللي سويته تاخذ، يعني المتفق عليه.

خلال هذا العقد، إحنا قاعدين نشوف، وأحمد، الرياضة صارت صناعة، خلاص، شئنا أم أبينا، والخطأ، وإن كانت بطيئة هن بالكويت، بس على الأقل في حركة. أبي أروح حق الخليج، يعني تبارك الرحمن، قاعدين نشوف إن تنظيم أكبر بطولة بالعالم صار بقطر. الإخوان في المملكة العربية السعودية عندهم واحد من، يعني أقدر أقول، واحد من أهم الدوريات على مستوى، مو القاري بعد، على المستوى العالمي.

أبي من وجهة نظرك، إحنا وينّا بالخريطة الخليجية من الناحية القانونية والعقود والاحتراف الأخير؟

إحنا بالخليج الأخير من ناحية مشاكل قانونية. والأخير، أتكلم يمكن كجانب رياضي كامل، ما أتكلم كإنجازات، ولا منتخب اليد قاعد يحقق وكذا، هذه أمور أيضاً تحسب أيضاً للاعبين وأبطال واتحاد وكذا. ولكن أنا أتكلم كمنظومة رياضية، إحنا في المركز الأخير. رياضية يعني اللي ما يقول أو يقول غير هالكلام، يا إنه قاعد يجامل أو إنه مو شايف الوضع.

اللي عندنا مشاكل قانونية كثيرة في الهيئة الوطنية للتحكيم الرياضي. عندنا مشاكل مالية كثيرة، مطالبات. عندنا أندية عليها مطالبات مالية، وأنا يمكن سبق وتكلمت في هذا الأمر، إن النادي مهما كان النادي، ومهما كان الاتحاد، ما يصير أنت، أو ما يجوز إنك تحط، يعني، على عاتق هذا النادي، أو تزيد من همومه مال، بناءً على أخطاء إدارية أو بناءً على أحكام قضائية.

يعني أنا ما يصير اليوم أمسك مجلس إدارة نادي، وعندي ميزانية سنوية من الدولة، وعندي استثمار، وعندي كذا، بعد ما أهد النادي، النادي مديون مبالغ بناءً على أحكام قضائية. كان أول إني أنا أحلها. هذا النادي مو ملكك. هذا النادي القادسية أو العربي الكويتي. إحنا كلنا مشهرين تحت، يعني، مظلة الدولة. إحنا ناخذ فلوسنا من الدولة، والدولة تراقب على فلوسنا، وفي مراقبة إدارية، وفي جهات قانونية، يعني، أو في النيابة العامة، هي تخضع لأي شخص أو هي كجهة تحاسب أي شخص، يعني، نفس ما نقول إحنا، يتصرف في هذه الأموال في طريقة خاطئة.

فلذلك أنا دائماً هذه وجهة نظري: أي رئيس نادي، أو أي نادي، بالرؤساء السابقين أو الحاليين أو اللي قدام، إن هذا نادي كويتي. بالعكس، أنت اليوم موجود، وبالعكس ونعم فيكم كلكم، ونعم فيكم. إن شاء الله تشتغل في النادي بطريقة سليمة، وتبدأ في النادي، وتستمر لأكثر فترة فيها نجاح بالنسبة لك، وبالنسبة لمحبين النادي. ولكن هذا النادي مو ملك شخصي بالنسبة لك.

اليوم أنت رئيس النادي، قد تكون الانتخابات الجاية أنت مو رئيس النادي. فما يصير أنا كرئيس أو مجلس إدارة جديد أستلم النادي، وعلي مطالبات مالية، علي أحكام قضائية، علي إجراءات تنفيذ، علي كذا. فلذلك، يعني، أتمنى هذا الأمر إحنا نتطور فيه كدولة بشكل عام، ويتم تنظيم هذا الأمر.

وأنا يمكن قدمت أكثر من مقترح في هذا الشأن، إنه ما يجوز اليوم الدولة كوزارة المالية أو الهيئة العامة للرياضة تعطي الجهات الرياضية فلوس، والدولة من جهة ثانية، اللي هي وزارة العدل، تنفذ عليهم أحكام وتطالبهم فلوس. فليش أنا أقول لك إحنا بالمنظومة مو مرتبين؟ يعني أنا قاعد أعطيك فلوس من هني، بس هني قاعد أطالبك فلوس. طيب، أنا هذه الفلوس اللي أنت كحكم قضائي لازم أنفذها، لازم أسوي بلوك على هذا المبلغ وأنفذه وأسلمه. أول شيء، أولى للشخص المستحق أو لتنفيذه لحكم قضائي باسم صاحب السمو.

فلذلك إحنا نحتاج، يعني، عملية إدارية تنظيمية خارج الملعب، نفس ما نقول إحنا، على أساس الملعب يكون، يعني، أمر جيد أو أمر سليم بالنسبة للاعب ولا بالنسبة لكذا.

شوف، إن رايحين حق الخصخصة، مع الرأي اللي يقول إن نخصص الرياضة.

شوف، الخصخصة واحد من الحلول، أو حل قد ننجح فيه وقد ما ننجح فيه. ولكن أنا بقول لك، يمكن سبق وإني قلت هذا الأمر: في الوضع الحالي رياضياً، أو في المنظومة الحالية اللي كلنا عايشينها، أتكلم عن جوانب إدارية.

وأنا قلت هالكلام يمكن قبل، يعني بالنسبة لي، سير أليكس فيرغسون، يعني عقلية رياضية جبارة إدارية وفنية بكرة القدم، كلعب وكذا، ولكن هو رجل، يعني، جبار من ناحية إدارية. فأنا يمكن صرحت مرة من المرات وقلت: لو السير أليكس فيرغسون يمسك الرياضة الكويتية، كـ، يعني، يطورها، ما راح ينجح في هذا الأمر.

ليش؟ لأن أبو أسيل، البيئة ما تساعده. أنت في أي جد رياضي راح تصطدم، يا لائحة، يا نظام أساسي، يا نص، يا فراغ تشريعي. مجلس الأمة، يعني، ما شرع لك هذا الأمر. فمهما كنت أنت عقلية رياضية ناجحة، ومهما أنت كنت شاطر، ومهما أنت كنت، يعني، لك نظرة مستقبلية، إن شاء الله، جيدة، لكن راح تصطدم في قرارات ولوائح وأمور راح توقفك، ما راح تقدر تشتغل.

هو أنت ليش تبي، على قولتهم، تخلق العجلة مرة ثانية؟ أنت النظام موجود ومجرب، مو بأوروبا موجود حتى بدول الجوار. ليش ما نسوي؟ عليك بألف عافية. أنت كل اللي مطلوب منك إنك تيب هذا النظام، تيب السيستم.

بس أنا بقول لك مثال دائماً، الأمثلة أقرب. أنت تقول ليش ما، يعني، تشتغل على العجلة؟ في رسالة الماجستير، يمكن حتى، آسف إذا أطلع شوي ولا كذا، بس رسالة الماجستير في قطر، الأكاديمية الأولمبية القطرية، قعدت معي بروفيسورة إسبانية، قالت لي: هذه أول أسايمنت، أبيك تبحث عن الريسيرش كوشن.

شنو موضوع البحث؟ أنا عندي أكثر من موضوع وكذا، بس شنو؟ يعني قالت لي: أنت سولف لي. قالت لي: أنا مو بالرياضة الكويتية، أنا إحنا بأوروبا عندنا، أو بإسبانيا عندنا، أو كذا، يعني أقدر أنا أقول لك، بس أنا أبي شي منك أنت، عشان أنت اللي راح تسوي الريسيرش، أنت اللي راح تبحث، أنت راح تييب المصادر، أنت اللي راح تناقش. فأبي شي قريب منك أنت.

اليوم هذا، يعني، المحاضرة أو الكلاس، موعدنا الياي. بعد مثال، أعطتني أسبوعين أو شي، ككم، فقعدت هالأسبوعين أفكر. طبعاً ريسيرتش كوشن، إن أنت سؤال بحثي، وإن توجد، يعني، حل هذه المشكلة في وجهة نظرك.

فبحثت، شوف، يمين يسار، يمين يسار. كان أقول لها: عندنا، بتكلم عن مشكلة الأنتي دوبن، يعني المنشطات، وإن، يعني، بالرياضة الكويتية شلون طريقتها. قالت لي: وين ريسيرش كوستن؟ قلت لها: ما عندنا، يعني. ما قالت لي: ما عندكم؟ هذا يعني قصور، باكر تصير عندكم، تنتهي المشكلة. أنت ما وجدت لي، يعني، بعطيك موعد بعد أسبوع، عشرة أيام.

مرة كبيرة، عيوز، يعني مالت قبل، يعني مو، مو مالنا يعني. وكان، وهذا سايمنت، يعني، تونا فتح الباب، كانت تقول لي: بعطيك موعد ثاني. فكر، وأفكر، موعد ثاني، وأفكر، أفكر، كان يقول لها: عندنا مشكلة بالكويت، ما نقدر ننظم بطولات كبرى.

قالت لي: ليش ما نقدر؟ يعني إحنا ما نقدر نسوي كأس العالم؟ ما نقدر نسوي أولمبياد؟ ما نقدر ننظم، يعني، شي بهالمستوى؟ هذا كأس آسيا مثال. قالت لي: ليش؟ قلت لها: ما عندنا ملاعب، ما عندنا كذا. قالت: بس هذه مو مشكلة بحثية، يعني سووا خمس ملاعب وقدموا استضافة وفق الشروط مالت كأس العالم أو كأس آسيا، وراح تنظمون.

قلت: هذه شكلها تبيني، يعني، ما أكمل. بعطيك موعد. أعطتني موعد بعد أسبوعين. هي، يعني، أنا بعدين حتى قالت لي، قالت لي: أنا أبيك تعصر ذهنك، كفكرة تكون لها قيمة. يعني فعشان كذا كنت، قال، كنت أقدر أقول لك الأنتي دوبن، أوكي، ولا المسابقات الرياضية الكبرى، كنت أقول لك أوكي، بس أدري مع الوقت أنت راح تتعب، إنك تشوف ما في ريسيرش كوشن، ما في سؤال. سو ملعب، تسوي بطولة، سو مكافحة منشطات، هذه، سو لجنة، خلاص تنتهي.

قلت لها: بكلمك عن السبورت أكشن، انتخابات الرياضية. قالت لي: إيش فيها؟ يعني هني أعطتني وجه، حست إن موضوع جديد.

قلت لها: إحنا عندنا بالكويت الانتخابات الرياضية كل أربع سنوات، واللي يصوتون الجمعية العمومية. والجمعية العمومية، إذا واحد ممبر جديد يبي يسجل، لازم يي حق أمين السر، يقول له: أبيك تسجلني كعضو جمعية عمومية. وأمين السر يشوفك أنت شنو اسمك، راح يصوت لي ولا ما راح يصوت لي؟ إذا راح يصوت لي، يسجل بخمس دقائق. إذا ما راح يصوت لي، يعني لو شنو، ما راح أسجله. ليش؟ لأن أدري شنو توجهك. استانست، قالت لي، قالت لي: ذس ريسيرش كوشن. يعني أنت هني عندك مادة في داتا.

قالت لي: سولف لي أكثر. قلت لها: إحنا عندنا هذا الأمر صار له سنوات، وأي عضو جمعية عمومية لازم يلجأ حق النادي.

نفسه، وإذا كان هذا العضو ضد هذه القائمة، يصير تعسف كبير إنه يخلونه يسجل، وهذا الأمر قد يوصل إلى البوليس ستيشن وتسجيل إثبات حالة، وإن أنا ما خلوني أسجل بالجمعية العمومية وكذا؛ لأن ندري شنو توجهك قدام، فممكن تطيحني. فلذلك كل الجمعيات العمومية بالنوادي، مثال لو عددها 5000، تلقى 4000 أنا كمجلس إدارة ضمنهم، يمكن 1000 ما أدري شنو، والـ1000 هذ يمكن 500 منهم ما أدري شنو، و500 منهم عن طريق أو الطرف الثاني، الطرف الثاني. فكل الانتخابات ما تشوف انتخابات الأندية عندنا تزكية، تزكية، تزكية. ليش تزكية؟ لأن الـ4000 هذل بيعطوني على طول، وما أحد ينزل من هناك. فلذلك ما أحد يقدر يعني ياخذ أي نادي.

وعندنا على فكرة، بدون يعني ذكرى سامي، أكثر رؤساء الأندية في العالم، يعني أي ما نقول إحنا كانوا على مجالس الإدارات أو في مناصبهم. في الكويت عندنا يعني أرقام كبيرة، فوق الـ20 سنة رؤساء أندية، فوق راسًا أندية فوق العشر سنوات. بريز يمكن ما استمر، لابورتا رؤساء أندية عالميين وقاعدين يحققون، يعني أمر عالمي، ريال مدريد وبرشلونة وهناك مو بس كرة، ثلاث نقاط وفوز وخسارة، هناك فيها اقتصاد، فيها فلوس، فيها استثمار، فيها كم الآن كوم، كم صرفت المبيعات، يعني أمر كبير بالنسبة حق ربعنا.

ولكن إحنا عندنا هذه المشكلة الأساسية. لما شرحت لها هذا الأمر، يعني نس ما أقولك وافقت على الموضوع، وقالتلي بالعكس: أنا أبيك من اليوم تشتغل، تشتغل على هذا الأمر. فأنا نفس ما أقولك، مثال لو شخص ناجح، مثال السير ألكس فرجسون، أي يبي يسجل في جمعية عمومية في أحد الأندية، أيى الاين السر يقوله: من حضرتك؟ والله السير، والله أنا عندي خبرة رياضية وكذا، وكنت مدير فني مانشستر يونايتد ومحقق بريمير ليج وكذا، بس يعني توجهك وين؟ ما يسألك طبعًا، راح يقرأ: والله توجه؟ لا والله نرفض، فهمتني؟ فأنا ليش أقولك: أنت راح تصطدم في لوائح، صدم في يعني عوائق، مو مو مو الأشخاص عندنا. أشخاص وعندنا كفاءات رياضية.

والدليل عندنا أشخاص يمكن رياضيًا قاعدين نشوفهم برا، على المستوى الإعلامي، على المستوى القانوني، يعني على المستوى القانوني تحديدًا أتكلم عن الكتور عبد الله الحيان، دكتور وأستاذ كبير من ناحية رياضية قانونية، وعنده يعني صولات وجولات أمام محكمة كاس واللجان الأولمبية، رحمه الله عليه، دكتور شيد العنزي، هم كان واحد من يعني الفطاحله في هذا المجال، موجودين وتستفيد منهم جهات ومنظمات كبيرة برا الكويت، محكمة كاس، اللجنة الأولمبية الدولية يستفيدون من هذول الأشخاص الكويتيين.

كلاعبين عندنا محترفين، كلاعبين كويتيين، يمكن الفترة الأخيرة، الفترة اللي قبلها، بدر مطوع، فهد الأنصاري، بشار عبد الله، جاسم الهويدي، علي، كل الأسماء هذه كلها معناتها إن إحنا عندنا في خامة طيبة، سواء على المستوى يعني القانوني، المستوى الفني، المستوى الإعلامي. عندنا طارق الجلاهمة، واحد من إعلام يعني على قولتهم الرياضة على مستوى العالم، مشاري الخزيم، محمد هم. ففي أسامي شباب كويتيين قادرين إنهم يكونون برا، مو معناته إن إحنا ما نعرف ولا ما نملك، بل مع احترامي حق كل الدول، يعني يمكن إحنا كنا نعلمهم الأشياء هذه. إحنا كنا نعلمهم بالأمور الإعلامية، الأمور القانونية، الأمور الفنية اللي داخل الملعب، ولكن ناس اجتهدوا واشتغلوا على نفسهم وخلوا الصراعات والخلافات، واليوم يسبقون.

إحنا كنا أو إحنا اليوم نتعلم منهم. لا هو عيب إن إحنا نتعلم منهم، ولا هم عيب إنهم يتعلمون منا، ولكن إحنا كنا جدًا متأخرين، للأمانة، والتأخر هذا منا إحنا، ومن أنظمتنا، ومن صراعاتنا، ومن حب الذات على قولتهم، وحب الشخصانية في بعض، الصراحة النفوس السيئة، للأمانة، هو اللي آخرنا، وهو اللي خلى الكويت ولا ليش منتخب الكويت اليوم إحنا بالكرة القدم الأخيرة على الخليج؟ ليش إحنا منتخب الكويت قمنا نشجع منتخبات ثانية؟ مع احترام احترامي لكل المنتخبات.

ليش أنا في كأس آسيا إذا فاز سعودية أشجعه؟ مع احترامي للسعودية، أهلنا وإخواننا، ولكن ليش يشجع؟ ليش ما أشجع الكويت؟ ليش أنا في قطر في كأس العالم أروح ألبس قطر وأقعد أتشرف ونحترمهم وعلى راسنا إخوان، ولكن ليش ما ألبس الكويت وأقعد في المدرج؟ ليش مو في كأس آسيا أقول: والله إذا فاز، إذا فاز السعودية على أوزبكستان أشجعهم لأنهم أقرب لنا؟ ليش مو أنا موجود في الحدث؟ ليش مو أنا أشجع اللاعبين اللي هم إخواني وربعي ويا الخالي ويا العمي؟ ليش ما أروح حق اللاعب وهو يعرفني وأنا أعرفه؟ مع احترامنا وندعم لكل المنتخبات الخليجية والإسلامية والعربية، ما في شك، ولكن ليش أنا أنتمي إلى منتخب ثاني؟ ليش؟ ليش هذا ترى نوع من أنواع يعني الأضرار اللي حاشتنا إحنا.

وترى هذا الشيء إحنا يمكن ما قاعدين نحس فيه، بس أنا ليش أشجع أندية ثانية ومنتخبات ثانية؟ ليش ما أشجع ديرتي؟ وليش ما أشجع منتخبي؟ وهذا للأسف الأمر ترى بدأ يصير اعتيادي، يعني ها، بدأ يصير عادي، يعني إن أنا أشجع القادسية والهلال السعودي، ونادي لا لا لا، شنو تشجع أنت؟ القادسية، منتخبك، فريقك، وتشجع منتخب الكويت. ما والله بكأس آسيا أشجع اليابان. شنو أنت؟ بكيفك، خالك ياباني، عمك ياباني؟ ما أنت تشجع يا، تشجع ديرتك، يا أنت متفرج، انتهى النقاش.

خاصة على المنتخبات، هذه هوية وطنية، ما يجوز إن إحنا يعني نتغافل عنها وإن تصير أمر عادي، أو يجيك واحد يقولك: والله اليوم بولندا والمكسيك، إحنا يعني بولندا. إحنا إحنا لا لا، أنت مو بولندا، أنت منتخب الكويت، يتكلم بلسان بولندا: إن إحنا إذا صعدنا وتأهل على المكسيك راح تبقى لنا لعبه الأخيرة مع الأرجنتين، إحنا البرازيل. أنت منو؟ أنت منتخب الكويت. هذه هويتك الوطنية، حافظ عليها وشجع منتخبك، لو ما يشارك ولا مشاركة. هذا منتخب الكويت، وهذا قدرك بالشينة وبزين.

فهذا الأمر قاعد يصير عند الأجيال. يمكن إحنا شوي شفنا إنجازات أو فرحة لمنتخبنا، وشفنا رجالات حققوا الصراحة، وإحنا عشنا أفراح للمنتخب، ولكن الجيل الصغير أو الأجيال اللي يعني لقدام ما لحقت أي وسيلة، قام يكبر يشجع نادي خليجي، ويشجع منتخب خليجي، ومنتخب أوروبي، ومنتخب آسيوي. ما أقول لك إحنا مثاليين، ولا تشوف البرازيل، ولا تشوف الأرجنتين، ولا تشوف ميسي، ولا تشوف مبابي. لا لا، شوف واستمتع، وحب، أحب والله منتخب البرازيل أحبه كلعبة حلوة، يقدم كرة قدم حلوة، كرياضي أنت من حقك إنك تستمتع على قولتهم في لعبة أو في كرة جميلة.

ولكن إني أشجع وإني كذا وإني أبو أحمد، هو بصراحة خلينا نتكلم بصراحة، الجيل الجديد وإحنا كشعب، شعب محب للرياضة، وإذا بتكلم خصوصًا كرة القدم، كان في تقصير، والتقصير ما زال موجود من الدولة. فاللي ملا هالفراغ أو هالتقصير هو القطاع الخاص، فتلقى هالأكاديميات اللي بمسميات الأندية الأوروبية. فأنا ولدي باكر ما راح أوديه نادي الكويت أو أوديه نادي القادسية، أنا راح أوديه أكاديمية ليفربول ولا ريال مدريد؛ لأنه أدري إن هناك راح يلقى الاهتمام، حتى لو ما شارك بدوري ولا شارك منتخب، بس مثل ما قلنا هو هواية، وأنا موديه مكان مأمن عليه وقاعد يمارس هوايته. مع الأسف، الدور هذا أو النتيجة اللي إحنا وصلنا لها، ما تقدر تلوم أحد من الشعب.

هذا في تقصير، وهذا لازم تكون توجه دولة. الدولة رايحة للاهتمام بالرياضة والرياضيين، مثل ما قاعد يصير بقطر، مثل ما قاعد يصير بالسعودية وبالإمارات، الخليج كله، وهذا اللي قاعد يصير بالعالم. فالتوجه إذا ما كان من الدولة، التشتت اللي ذكرناه تو طبيعي، نتيجة طبيعية. يعني شوف الدولة، يعني هي المسؤول الأول والأخير عن الكلام اللي تفضلت فيه، أكيد. ومهما كان في اجتهادات شخصية من مسؤولين، مهما كان في اجتهادات شخصية من لاعبين، من إداريين، جمهور، كذا، و ن يجب أن يكون هناك مشروع دولة كامل بالنسبة للرياضة.

يمكن قطر، الإخوان في قطر، الإخوان في السعودية، يعني انتهجوا أو خذوا هذا النهج، إن الرياضة اليوم يعني مصدر دخل، مصدر اقتصادي، مصدر لسمعة الدولة، مصدر سياحي، مصدر اجتماعي، قد يقللك من مشاكل، يجمع الناس، الجمهور، الكذا. فشاف إن لو كان هناك مشروع بالنسبة للدولة من جانب رياضي، فأنا راح أنجح في جوانب ثانية. أنا أكلمك اليوم إحنا في سنة 2024، لو ما كان توجهنا أو ما كان عندنا مشروع دولة للرياضة، فإحنا ما راح نتطور، بل بالعكس يمكن نرجع إلى خطوات لورا. فلذلك مشروع الدولة هو الحل الأول والأخير، بين الحل الأول والأخير في اجتهادات على عاتق الأشخاص، اجتهادات على الأندية، على الاتحادات، على اللجنة الأولمبية، على الجمهور، على الوعي، الثقافة، ولكن هذه تبقى في إطار أو في كفر داخل مسؤولية الدولة.

اللي هي نفس ما قلتلك، هي البداية والنهاية. في ناس مجتهدة، في ناس مجتهدة، في مسؤولين مجتهدين، في مسؤولين مجتهدين، ولكن يجب أن يعني أنا في وجهة نظري يجب أن يكون رجل دولة مسؤول عن الرياضة، صاحب قرار، ويحب الكويت. لو توافرت هذه الأمور في الشخص المعني، ونفس ما نقول إحنا ما يلتفت إلى أي صراعات جانبية مهما كانت، يعني نفس ما نقول إحنا حجمها أو قيمتها أو تبعاتها، ما ينقصنا ولا شي بالكويت. ويمكن ترى إحنا عندنا ميزة جدًا كبيرة بالكويت، إحنا عندنا يعني نفس ما نقول إحنا في اللغة العامية، إحنا شايفين خير من ناحية رياضية.

احنا من واحنا صغار تلقانا نروح لاعب أوروبا، تلقانا شايفين كرة قدم زينه، شايفين ألعاب عالمية زينه. نفهم وايد كويتيين مرات في الدواوين مباراة كأس عالم، تلقى اثنين في نقاش جانبي يحلل المباراة ويتكلم كلام سليم 100%، لأن عنده يعني نس ماقول احنا شايف خير، شايف لاعبين زينين، شايف متشبع. فهذا الأمر موجود عندنا احنا بالكويت، ونسبك في دول وايد ثانية، ولكن نفس ما قلت لك، إذا ما كانت الرياضة مشروع دولة، للأمانة يعني للأسف، وإن شاء الله إنها تكون يعني في الأيام القادمة، أو يعني نس ما نقول احنا في بوادر لهذا المشروع، إنه يكون مشروع ضخم للرياضة الكويتية ويتنفس حتى لو بعد سنوات، وهذا الأمر أكيد يعني يحتاج مو يوم أو يومين. فلذلك يعني مجرد وجود هذا المشروع وتطبيقه، لو ياخذ أربع سنوات، خمس سنوات، ست سنوات، ولكن احنا نكون مطمنين إن احنا قاعد نمشي على الطريق السليم أو الطريق الصح. نجحنا في هذا المشروع، توفقنا في تنظيم بطولات، توفقنا في إنجازات، هذا الأمر بيد رب العالمين، ولكن احنا لازم نسعى ونمشي على الطريق السليم. دول كثيرة ترى ماشية على الطريق السليم، ولكنها مش أبطال. يمكن في اليابان، في كوريا، ماشين صح من ناحية رياضية، ولكنهم ما هم أبطال، يعني أو ما هم يعني يحققوا إنجازات، يعني نفس ما نقول احنا تسعدهم الإخوان في السعودية، ماشيين في الطريق سليم 100%، ولكن مثال المنتخب السعودي في كرة القدم ما حقق كأس آسيا، مو معناته إن هو خطأ. لا، هو قاعد يمشي في الطريق صحيح، وراح يحقق وراح يصير بطل يوم من الأيام، لأنه ماشي صح. يبقى على توفيق برب العالمين، يبقى توفيق من الأمور اللي تصير خلال السنوات نفسها: التشكيلة زينه، اللاعبين زينين، يتوفق في مدرب، الإصابات، هذه الأمور البسيطة أتكلم، ولكن كمبدأ عام الإخوان في المملكة ماشيين في الطريق السليم، الإخوان الأشقاء في قطر ماشيين في الطريق السليم، ومو عيب ترى اليوم احنا نتعلم منهم أو ناخذ هذه التجربة كاملة. طب وثق تماماً، يمكن أنا التقيت في أكثر من شخص في يعني يمكن قطر، أو أيضاً الإخوان في المملكة، والله العظيم يبحثون عن الكويت دائماً. يعني تلقى مثال يتأهل منتخب قطر، يقول: ها، صار عليكم أنت فستو ولا كذا؟ لعبتكم إليه مع منو؟ وإن شاء الله تفوزون على كذا تصعدون ويانا. دائماً يبحثون عن يعني ن ماقولنا الفنيلة الزرقاء والمنتخب الكويت ف ومادين كل، يعني على قولتهم سبل التعاون وكذا. وشنو تبون؟ شنو نا؟ كم احنا وياكم؟ اللي تبونه، اللي كذا، لأن يدرون إن الكويت يوم من الأيام، الحمد لله ولليوم، دائماً بجانبهم، سواء يعني في نجاحهم، لا سمح الله في يعني إذا حاشم دروب رياضياً أو كذا، دائماً احنا إخوانهم في جانبهم. فلذلك دائماً يبحثون عن الكويت حتى من جانب رياضي، وهم اليوم يمكن وايد فارقين أو وايد جاب بين الكويت وقطر، وبين الكويت والسعودية. يعني أتكلم من ناحية رياضية، السعودية وقطر، للأمانة يعني ما أقول لك من دول الأوروبية ب خلاص صاروا يعني عواصم رياضية. للأمانة نستفيد منهم ونتشرف إن هذل يعني إخوانا وصلوا لهذا المستوى.

هذه التحديات المحلية إذا بروح في تحديات عالمية جديدة قاعدة تصير، وأنا بروح للجانب القانوني، وأعتذر منك فهد، وأعتذر حتى من المشاهد، وما أدري أصلاً إذا الحلقة أو الفقرة هذه راح ننزلها ولا لا، بس أبي أطمن من الناحية القانونية. ا أعتذر مرة ثانية. المتشبهين والمتحولين والقوانين اللي قاعدة تطلع الحين في في الغرب، في أمريكا وفي أوروبا، في ضغط ويمكن حتى الضغط وصل حتى لقطر في كأس العالم على نفس القضية الحين. التزاحم اللي قاعد يصير وحصولهم على الميداليات، وحتى في الشكاوي اللي قاعد تقدم من اللاعبات، وين واصل هذا بالعالم؟ وهل ممكن في يوم من الأيام إنه يصير الضغط هذا موجود على البطولات الدولية إذا كانت تقام في في دول الخليج أو بالدول الإسلامية بشكل عام؟

أشكرك على السؤال. يمكن نقطة أول مرة تطرح، وما أعتقد إنه يعني تستوجب الاعتذار. بالعكس، أشكرك على شجاعتك في هذا السؤال، لأن هذا الأمر ما تم طرحه، ولازم اليوم احنا بالعكس نتكلم عنه أو نسولف عنه، يعني وفق أطر قانونية واجتماعية. بالعكس مو غلط هذا الأمر. يمكن تجمعنا مع الدول الأوروبية أو الدول العالمية كثير من الأشياء، خاصة على الجانب الرياضي. تجمعنا لوائح، نظم، قوانين، مبادئ، أصول، اتفاقيات تبادل خبرات. نحترمهم ونتفق وياهم، ويتفقون ويانا في أمور كثيرة، ولكن يعني احنا عندنا أمر أسمى أو أعلى من هذا الشيء، اللي هو الدين الإسلامي اللي تربينا عليه. فأي أمر أو أي انطباع بالنسبة للدول الأوروبية في حالة دعمهم لحقوق المثليين أو ما شابه ذلك، هذا الأمر يتنافى مع الدين الإسلامي وعاداتنا وتقاليدنا. فنفس ما نقول احنا، يعني الأمر ما في نقاش، يعني ما في أي نقاش أو أي كلام، ولا راح يصير في نوع من يعني الضغوطات، وإن كلف الأمر ما كلف، يعني يعني مستحيل اليوم دولة نفس الكويت ترضى في أمر يخالف العادات الإسلامية أو التقاليد الاجتماعية أو النظام العام، عشان يعني نس ما نقول احنا نمارس هواية أو رياضة أو حرفة أو وظيفة. مع احترامي يعني، وأنا يمكن من أشد الناس اللي إنها تكون الرياضة كوظيفة أو كذا، ولكن يعني الدين الإسلامي ولا الرياضة يعني ما راح يكون في يعني علامة استفهام، أو ما راح يكون في سؤال. فلذلك احنا نلتزم في مبادئنا الإسلامية ونلتزم في عاداتنا وتقاليدنا. وثق تماماً، الدول الأوروبية هذه أو المنظمات الدولية، كل ما شافت الاتحادات القارية أو الإسلامية محترمة مبادئها، كل ما احترمتها زيادة. ولذلك احنا يعني نحترم بعض مبادئهم، ولكن كيفك، شأنك أنت. أنت تبي تسوي هذا الأمر، يعني يتماشى معاك أو مع طبيعتك، شأنك، ولكن لا تفرض علي. فلذلك كل ما شافونا إن احنا متمسكين في عاداتنا وتقاليدنا وديننا الإسلامي، راح يحترمونا زيادة. وكل ما شافونا إن احنا ها، ممكن نوافق، ممكن أوكي، بس لا كذا يعني نتجاوز في نقطة أو ونترك نقطة ثانية، راح تكون وسيلة الضغط أكثر. ولكن أتكلم عن يمكن الحمد لله ديرتنا الكويت وعاداتنا وتقاليدنا وتماسكنا من ناحية مجتمعية دينية، يعني جداً مطمن إن هذا الأمر ما راح يكون يوم من الأيام جزء من الرياضة الكويتية. ويمكن نقيسه كمثال آخر، اللي هي نفس ما نقول احنا تعامل دولة الكويت مع بعض اللاعبين أو المنتخبات في الكيان الصهيوني. هذا الأمر أيضاً يمكن الكويت ما تحترف في هذا الأمر كثير. من اللاعبين يمكن على مستويات الألعاب الفردية، في حالة مواجهته للاعب من الكيان الصهيوني ينسحب، مش يعني قصوراً أو خوفاً أو كذا، ولكن عدم الاعتراف في هذا العلم أو هذا الكيان، أو عدم نفس ما نقول احنا التطبيع، أو يعني نفس ما نقول إني ألعب وياك وأعترف فيك كدولة. ممكن تفوز علي، أفوز عليك، هذا ملعب، ولكن أنا ما أعطيك قيمة بالأساس، لأن هذه يعني مبادئنا الإسلامية كدولة الكويت، وأيضاً القوانين المحلية اللي تنص في نفس ما نقول احنا منع وحظر التعامل مع الكيان الصهيوني. كمثال بالنسبة لنفس ما تفضلت في يعني حقوق المثليين، فأفتكر إنه هو مثال احنا عشناه، وما يشكل لنا أي خطورة أو أي ضغط أو أي وسيلة، يعني يمكن مبادئ دولة الكويت ومواقف دولة الكويت، للأمانة أكبر وأسمى، وعلمت الدول الصراحة في في في جوانب كثيرة كانت دول مقصرة فيها، ودول يمكن احنا نشوفها دول كبيرة أو دول عظيمة، ولكن الكويت الحمد لله في مبادئها وفي قراراتها، يمكن العالمية على جميع المستويات، يمكن لقنت دول كثيرة دروس، ولازالت هذه الدول تتعلم وتستفيد من الكويت.

محامي فهد الهاجري، مشكور على وقتك، نورتنا وشرفتنا في بودكاست خط.

الله يسلمك يا أبو أسيل. أنا شاكر لك أول شيء، وللأمانة يعني أشكر يعني طريقتكم الاحترافية. هذا الكلام ما قلته لكم، يمكن كلكم أنت ويمكن أيضاً الإخوان القائمين على هذا البرنامج، ولكني من أول يوم يمكن وصلني الإيميل أو وصلني السؤال عن ترتيبات هذه الحلقة أو هذا اللقاء، فإني يعني افتخرت في وجود شباب كويتيين في هذه القيمة الأدبية وفي هذه القيمة الإعلامية. ويمكن احنا قبل هوا سولفنا عن أكثر من شخص ولا كذا. صدقني أي نجاح لأي شاب كويتي مثلكم وشراوكم، كلنا احنا كشباب كويتيين، يعني وأنا إني أحس جزء من هذا البرنامج وجزء من هذا النجاح. أنا شفت يمكن بو أسيل خارج هذا السياق، وبعد الشكر، يمكن شفت جوانب مجتمعية كثيرة، شفت كويتيين أو مواطنين أو وافدين أو كذا. أتكلم كجانب يعني عملي، شفت كثير من الناس اللي نفس ما نقول احنا وصل إلى مرحلة أو هو وصل نفسه إلى مرحلة من يعني لا سمح الله الفشل أو التخبطات أو المشاكل أو كذا في المحكمة. وكش باب كويتيين يمكن بعمرنا أو حتى لو وافدين أو جناسي أخرى، شفتهم ويضيق خلق لما أشوفهم. يعني شفت ناس كثيرة، مثال محبوس في السجن لأنه كان يعني أي ما نقول احنا يعتدي على أمه أو ياخذ فلوس من أبوه، أو كان يبوق من البيت ويروح يبيع الذهب، أو يعني وصلت بعض الجرائم إلى إنه يقتل واحد من إخوانه على أساس ياخذ جزء من مبلغ أو ورث أو كذا أو كذا. هذه الأمور ما يصير إن تمر علي مرور الكرام كمحامي.

أوكي، أنا متعود يمكن أشوف هذا الجانب، أو أشوف يعني كمتهمين أو مساجين، إن شاء الله، يعني بعيد الشر عن الجميع، ولكن لما أشوف هذا الجانب وأشوف الجانب الثاني، الجانب نقول إحنا المشرق من الشباب الكويتي، ناس ناجحين، سواء على مستوى إعلامي، على مستوى رياضي، على مستوى ثقافي، مستوى طبي، أحس إني أنا جزء من هذا النجاح، والله العظيم، وأفرح له وأستانس. ويمكن قلت لك حتى فكرة، مثال البودكاست أو الفكرة بشكل عام، لما أشوف ناس ناجحين، ماني مستفيد أي شيء من هذا النجاح، لأني مستفيد مادياً ولا إني مستفيد يمكن كشغل شغلكم، وإن شاء الله إذا فيها فائدة، الفائدة لكم ولكني أفرح من داخل وأستانس من داخل لما أشوف شباب يعني يشتغلون على نفسهم ويكونون ناجحين، يمكن هذا الأمر.

يعني تعلمت الأمانة من الوالدة، من وأنا صغير، يعني وجه لها تحية، ربتني على هذا الأمر وعلمتني إن يعني النجاح رحلة يحق للجميع إنه يشارك فيها، وإن الخير إذا بيلك، بيلك وأنت بمكانك، ولا سمح الله إذا كان يعني ما هو مكتوب لك، ما راح يجيك.

لو يعني يمكن هذا هم أنا أقيسه في بعض المحامين أو بعض الزملاء. مرات تيني قضايا، أبو أسيل، أشوف إنها ما تسوى قضية، ما تسوى، يعني ما في فيها قضية، ما تشكل جريمة أو ما تشكل قضية، إني أكتبها أو أترافع فيها أو كذا. فاتيني استشارة، في البداية أدرس الأمر وكذا، بعدها أتواصل مع الشخص نفسه وأقوله: ترى الموضوع يعني أحس إنه أنا في وجهة نظري كا استشارة ما يسوى، ولو إن هذا الأمر مو من صالحي أنا كمحامي، ي أنا، أنتم عارفين، إحنا كجانب كبير من دورنا مادي يعني عشان وكل الناس طبعاً تتهمنا، المحامين: محامين وبس، تبون فلوس وبس، تبون أول ما يطيح بمشكلة يقول: شوف لك محامي شاطر زين، مقطعين، أصك.

فلذلك مرات أتصل على الشخص هذا نفسه وأقول له، أقول له: ترى يعني ملفك ما في ما تسوى. قلي: تصدق أنت؟ يعني غريب، يعني أنا أول مرة أشوفك، أنت ما تبي فلوس، ما تبي أتعاب؟ والله العظيم، لما يعني أقول: أنا ما عندي مشكلة، باكر أكتب لك القضية وكذا، بس أنا أقول لك ما فيها، ما تشكل لك أي فائدة، وأنا يمكن خسران، إني ما راح تجيني فلوس أو أتعاب في هذا. وإذا أنت تعاقدت وياي واشتغلنا وكذا، بالعكس أنا مستفيد ومكتبي مستفيد، وفي سيولة وفي مادة راح تدش لي، ولكن أنا يعني قبل الأمور أو الأتعاب هذه تهمني مصلحتك أنت، ويهمني ضميري يكون مرتاح أمام رب العالمين، إني ما أخذت فلوس وأنا أدري يعني مالها ما في أي فائدة لك.

فلذلك كثير من الناس يمكن كانوا يقولون لي إن أنت ما تبي القضية ولا كذا. فنفس ما قلت لك، يعني الحمد لله، الوالدة ك، يعني امرأة عظيمة بالنسبة لي في حياتي، تربوية، علمتني صراحة أمور كثيرة، وكانت ولليوم، للأمانة، أستفيد من هذه النصائح، وكانت تقول لي يعني حتى عندها كلمة تقول لي: لا تأخذ قضايا ناس مو زينك، كل الناس اللي عندها. فكانت يعني دائماً تحثني على هذا الأمر، والحمد لله تعلمت هذا الأمر.

فلذلك أنا اللي أشكركم، وأنا اللي أتمنى لكم النجاح أكثر وأكثر، وأنا اللي أعتذر، لو سمح الله، يمكن عن غير قصد قلنا كلمة يمكن نوعاً ما مست شخص أو مست يعني جانب أو كذا، فيمكن العذر والسموحة من الكل والجميع، ولكن ما كنا نقصد إلا يعني إحنا ننتقد الوضع بشكل عام، لو كان مو صحيح، نفس ما، نفس يعني ما نقول إحنا نشيد في الوضع العام لو كان صحيح. ومشكورين على هذه الاستضافة.

مشكور، الله يسك.

السبارك يا حبيبي، اب go.