سالفة عنترة بن شداد وعبلة في السعوديه

ليش ما تزورون عبله، عبله العبسيه وتاريخها؟

ومكانها، وطبعا ما في آثار لها مباشره، ولكن القريه اللي زرتها في عام 2012 هي قريه عبله. تفاجأت بهذا الشيء. القصه تبدأ لما زرت أنا ويا زملاء اثنين من إخواني الأعزاء، أصدقائي، رحنا إلى بريده. وفي بريده، تعرفون كرم أهل نجد، وهذا عازمنا وهذاك عازمنا، فاتفقنا يوم من الأيام إنه بس عاد عزايم، خلنا نروح نطلع برا بريده ونشوف اللي حواليها.

صلينا الجمعه في مسجد كبير، ضخم الحقيقه، مسجد الملك فهد في، في، في بلده صغيره من ضواحي، خلنا نقول، بريده، اسمها عيون أو الجواء، عيون الجواء. العاميه ينطقونها عيون الجواء. الجوه، عيون الجوا، بلده صغيره ما عدد سكانها قليل، وما فيها يعني شي زايد. بس هذا المسجد ما شاء الله ضخم كبير، وبانيه، بني على نفقه الشيخ الملك فهد، الله يرحمه، وسعي واهتمام كبير من وزير الماليه السابق العساف. يبدو أن هذه الأرض أرضه، والبنيان بنيان الملك فهد، والله أعلم. المهم أن المسجد كبير.

بعد الصلاه مباشره ظلينا نطالع ونصور، فجان واحد من بعيد يمشي ك بهالشكل. هذا يعني مدحدح على قولتنا، ولابس البشت والشماغ بدون عقال، بقيه أهل السعوديه أو معظمهم. ف وجانا: السلام عليكم، شلونكم، عساكم طيب؟ أنتم من أهل الكويت؟ تفضلوا، تفضلوا، تفضلوا، تفضلوا. تم ربع ساعه ويقول تفضلوا، ولا بس تقهو وبكذا خمس دقائق عش دق. المهم يعني هذا الإلحاح، يعني ما يصير أنت جاهله. فأنا قلت له...

بشرط. قال لي: شنو الشرط؟ قلت له: نبي نشوف إذا في آثار قديمه عندكم هني في عيون الجوا. قال: أبشر يا عيال، روحوا سووا كذا كذا. وهو طلع معانا. دشي من المسجد، طلعنا من المسجد، ماكو يمكن خمس دقائق، ست دقائق بالسياره، بين سكيك صغيره وبيوت قديمه وطين وكذا. وآخر شيء وجدنا أنفسنا داخل قريه معموره قديمه، فيها لا يقل عن 500، 600 بيت أقل شيء.

وقفنا السياره ونزلنا وقعدنا نشوف، وهذا وهو يقول: هني أنا مولود، وهذا بيت عمي، وهني مدرستي كنت أدرس فيها، وبعدين صرت مدرس أدرس فيها. وهصون العصر يشربون الشاي الشيبان، وهذا كذا، ويوصف لنا كل شيء. حتى المسجد دخلنا، المسجد اللي عمره يمكن 300 سنه أو أكثر، ما شاء الله، ولا يعني إيه، في الجمال وفي المعمار النجدي القديم الجميل، العواميد، وكان جزء منه تحت الأرض أيضا. ما شاء الله، وسطح صعدنا فوق وصورنا كل شي واستمتعنا.

ويعني أنا كان كنت أعتقد أن هذه المنطقه منطقه تاريخيه قديمه وبس، يعني ها، عمرها 300 سنه، 400 سنه. قال: هو هذا البنيان بنيان 600 سنه. هذا أول شيء يقول. هذا البيوت اللي يشوفونها الطينيه هذه عمرها 600 سنه. هذا رقم اثنين يقول: هذا موطن عبله العبسيه، حبيبه عنتر وبنت عمه. فأنا ذهلت، يعني إنه فعلا كانت هني. قال: إي نعم، هذا. وقول وايد من بناتنا إحنا نسميهم عبله على عبله الجده القديمه هذه.

فذهلت الحقيقه. هذا الرجل اسمه، الله يرحمه، توفى الحين، كان رجل كبير، توفى فيما بعد، سليمان بن صالح الوشمي من أهل عيون الجوا.

وعيون الجوا بالمناسبه أيضا، يعني إضافة إلى أنها كانت موطن عبله العبسيه، أيضا هي محطه رئيسيه من محطات القافله البريه المتجهه إلى مكه للحج. فالحجاز في قوافلهم القديمه، الحج على البعارين، كانوا يسلكون طريق معين ويتوقفون في محطات أساسيه للراحه، وماء وللأكل، ولتبادل يمكن حتى التجاري في بعض المسائل، يغيرون البعارين، يبيعون ويشترون، وهكذا إلى أن يصلون إلى مكه. فعيون الجوا محطه أساسيه.

وأنا التقيت في أحد كبار السن، رحمه الله، توفى، علي السعيد علي بن محمد السعيد، اللي حج على ريوله، حج على البعارين، وقص لي القصه وذكر لي عيون الجوا. قال: نتوقف فيها ونبات فيها ليله، ونأكل، يعزمنا أميرها، وهم حجاج، يعني قافله كامله.

ف عيون الجوا محطه أيضا، بالإضافة إلى أنها منطقه تاريخيه قديمه، يبدو الماء فيها متوفر وايد، فسموها عيون، مو عين واحده، فيها أكثر من عيون. عيون الجوه، وهي ذكرت أيضا في، حتى تدليل على أن هذا الكلام صحيح، ذكرت في شعر عنتره نفسه. أي نعم: دار عبله بالجواء تنعمي، أو شيء من هذا القبيل، إلى آخر قصيده ماني حافظها، وعمي صباحا دار عبله واسلمي، إلى آخر القصيده. فهي مذكوره، يعني ثابت بالتاريخ، أن عيون الجواه هي أرض كانت تسكن فيها عبله.

طيب وين عنتر؟ هل كان ساكن في نفس القريه؟ الجواب لا. فأيضا في رحله ثانيه، قبل أقول رحله ثانيه، عنتر كان يجي لعبله، يلتقي فيها عند صخره. الصخره موجوده إلى الآن في بريده أو في عيون الجوا، ويمرون عليها الناس ويصورون عندها، موجوده. أنصح الإخوان واللي يحبون مثل هذه المسائل أن يروحون هناك ويصورون عند هذه الصخره، صخره عنتر. إحنا رحنا له في عام 2012، وصورنا وشفنا مدينه عبله أو قريه عبله، اللي هي عيون الجواه.

أما عنتر، ف الروايه تقول إنه من بلده أخرى تبعد حوالي 80 كيلو من عيون الجو، اسمها القصيب باء، باختصار يقولها القصيبه. القصيبه، القصيبه تبعد 80 كيلو عن عيون الجوا، وكان ساكن فيها عنتر، ورحنا لها في رحله اخرى، وشفنا قصر يسمونه قصر المشقوق، إلى الآن قائم. روحوا له وشوفوه، جميل جدا، وتاريخ الحقيقه. تملكه قديما أسرة الراضي، وما زالت أسرة الراضي إلى اليوم أمراء على هذه المنطقه، القصيب باء، زين، من فتره طويله.

والقصر هذا لهم يسمونه المشقوق، لأنه العين أو الماي يشقه شق، يشقه، يسمونه المشق بسبب الماء اللي فيه. ففي عيون داخل القصر، وإذا انترست وفاضت الماء يشق القصر، يطلع بره من كثر الماي، ما شاء الله. أنا زرته، جميل جدا وتاريخي ومتعدد الأدوار، مو دور واحد فقط، إنما أعتقد ثلاث أدوار أو شي من هذا القبيل، وجميل ورائع، ويستحق الزياره في مدينه القصيب باء، اللي هي يقال ويروى أن عنتر كان يعيش فيها، على بعد 80 كيلو من منطقه عيون الجوا اللي كانت تعيش فيها.